ചാ​രും​മൂ​ട്: സാ​മൂ​ഹ്യ പ്ര​തി​ബ​ദ്ധ​ത​യോ​ടെ​യു​ള്ള പ്ര​വ​ർ​ത്ത​ന​ങ്ങ​ളാ​ണ് മാ​വേ​ലി​ക്ക​ര ആ​ർടി ​ഓ​ഫീ​സി​നെ എ​ന്നും വേ​റി​ട്ട് നി​ർ​ത്തു​ന്ന​ത്. സം​സ്ഥാ​ന​ത്തെ മി​ക​ച്ച ഭി​ന്ന​ശേ​ഷി സൗ​ഹൃ​ദ ഓ​ഫീസാ​യി തെ​ര​ഞ്ഞെ​ടു​ക്ക​പ്പെ​ട്ട മാ​വേ​ലി​ക്ക​ര ജോ​യി​ന്‍റ് ആ​ർടി ഓ​ഫീസ് മ​റ്റൊ​രു കാ​രു​ണ്യ പ്ര​വ​ർ​ത്ത​ന​ത്തി​നും പ്ര​ശം​സ നേ​ടി​യി​രി​ക്കു​ക​യാ​ണ്.

രാ​ജ്യാ​ന്ത​ര ഭി​ന്ന​ശേ​ഷി ദി​ന​ത്തി​ൽ മാ​വേ​ലി​ക്ക​ര ജോ​യി​ന്‍റ് ആ​ർ​ടി​ഒ ഓ​ഫീസി​ന് ല​ഭി​ച്ച അ​വാ​ർ​ഡ് തു​ക​യാ​യ 25,000 രൂ​പ ഭി​ന്ന​ശേഷി​ക്കാ​ര​നാ​യ ലോ​ട്ട​റി വ്യാ​പാ​രി നൂ​റ​നാ​ട് ഇ​ട​ക്കു​ന്നം തു​ണ്ടി​ൽ സേ​തു​നാ​ഥി​ന് (48) സ​മ്മാ​നി​ച്ചാ​ണ് ന​ന്മ​യു​ടെ മാ​തൃ ക ​കാ​ട്ടി​യ​ത്. സേ​തു​നാ​ഥി​ന് ഇ​ത് ക്രി​സ്മ​സ് സ​മ്മാ​ന​മാ​യി.

പു​ര​സ്കാ​ര തു​ക ഭി​ന്ന​ശേ​ഷി സൗ​ഹാ​ർ​ദ പ്ര​വ​ർ​ത്ത​ന​ത്തി​ന് നീക്കി​വ​യ്ക്ക​ണ​മെ​ന്ന് മാ​വേ​ലി​ക്ക​ര ആ​ർടി ​ഓ​ഫീ​സി​ലെ ജീ​വ​ന​ക്കാ​രു​ടെ കൂ​ട്ടാ​യ്മ തീ​രു​മാ​നി​ക്കു​ക​യാ​യി​രു​ന്നു. അ​ർ​ഹ​രാ​യ വ്യ​ക്തി​യെ ക​ണ്ടെ​ത്തി തു​ക സ​മ്മാ​നിക്കാ​ൻ ഗ​താ​ഗ​തി മ​ന്ത്രി ഗ​ണേ​ഷ് കു​മാ​ർ നി​ർ​ദേ​ശി​ച്ചു.

തു​ട​ർ​ന്ന് ഉ​ദ്യോ​ഗ​സ്ഥ​ർ ന​ട​ത്തി​യ അ​ന്വേ​ഷ​ണ​ത്തി​ലാ​ണ് ചാ​രും​മൂ​ട് ജം​ഗ്ഷ​നി​ലും പ​രി​സ​ര​ത്തും ലോ​ട്ട​റി വ്യാ​പാ​രം ന​ട​ത്തു​ന്ന ഭി​ന്ന​ശേ​ഷി​ക്കാ​ര​നാ​യ സേ​തു​നാ​ഥി​നെ ക​ണ്ടെ​ത്തി​യ​ത്. ലോ​ട്ട​റി വ്യാ​പാ​ര​ത്തി​ലൂ​ടെ കി​ട്ടു​ന്ന തു​ച്ഛ​മാ​യ തു​ക ഉ​പ​യോ​ഗി​ച്ചാ​ണ് സേ​തു​നാ​ഥും അമ്മ ഉ​ൾ​പ്പെ​ടെ​യു​ള്ള​വർ ജീ​വി​ക്കു​ന്ന​ത്.

സേ​തു​വി​ന്‍റെ അ​വ​സ്‌​ഥ അ​റി​ഞ്ഞ​പ്പോ​ൾ മ​ന്ത്രി നേ​രി​ട്ട് എ​ത്തി തു​ക കൈ​മാ​റാ​മെ​ന്ന് അ​റി​യി​ച്ചു. ചാ​രും​മൂ​ട് ജം​ഗ്ഷ​നി​ൽ ന​ട​ന്ന ച​ട​ങ്ങി​ൽ മ​ന്ത്രി ഗ​ണേ​ഷ് കു​മാ​ർ എം.​എ​സ്. അ​രു​ൺ​കു​മാ​ർ എംഎ​ൽഎയു​ടെ സാ​ന്നി​ധ്യ​ത്തി​ൽ തു​ക കൈ​മാ​റി. ക്രി​സ്മ​സ് സ​ന്തോ​ഷം പ​ങ്കി​ട്ട് സേ​തു​നാ​ഥി​ന് കേ​ക്ക് ന​ൽ​കാ​നും മ​ന്ത്രി മ​റ​ന്നി​ല്ല.

മാ​വേ​ലി​ക്ക​ര ഓ​ഫി​സി​ലെ ജീ​വ​ന​ക്കാ​രു​ടെ കൂ​ട്ടാ​യ ശ്ര​മ​ഫ​ല​മാ​ണ് അ​വാ​ർ​ഡി​നു കാ​ര​ണ​മെ​ന്നും ജ​ന​കീ​യ​മാ​യ ഇ​ത്ത​രം പ്ര​വ​ർ​ത്ത​ന​ങ്ങ​ൾ തു​ട​രണ​മെ​ന്നും മ​ന്ത്രി പ​റ​ഞ്ഞു. ജോ​യി​ന്‍റ് ആ​ർടിഒ എം. ജി. മ​നോ​ജ് ഉ​ൾ​പ്പെ​ടെ​യു​ള്ള മോ​ട്ടോ​ർ വാ​ഹ​ന വ​കു​പ്പ് ഉ​ദ്യോ​ഗ​സ്ഥ​രും പ​ങ്കെ​ടു​ത്തു.