ഹ​രി​പ്പാ​ട്: ഭാ​ര്യാ വീ​ട്ടി​ലെ​ത്തി​യ യു​വാ​വ് ബ​ന്ധു​ക്ക​ളു​ടെ മ​ർ​ദ​ന​ത്തി​നി​ടെ മ​രി​ച്ചു. ആ​റാ​ട്ടു​പു​ഴ പെ​രു​മ്പ​ള്ളി പു​ത്ത​ൻ​പ​റ​മ്പി​ൽ ന​ട​രാ​ജ​ൻ-​ബീ​ന ദ​മ്പ​തി​ക​ളു​ടെ ഏ​ക മ​ക​ൻ വി​ഷ്ണു​വാ​ണ് (34) മ​രി​ച്ച​ത്. സം​ഭ​വ​ത്തി​ന്‍റെ പേ​രി​ൽ ഭാ​ര്യ അ​ട​ക്കം നാ​ലു​പേ​രെ തൃ​ക്കു​ന്ന​പ്പു​ഴ പോ​ലീ​സ് അറസ്റ്റ് ചെയ് തു. വി​ഷ്ണു​വി​ന്‍റെ ഭാ​ര്യ ആ​റാ​ട്ടു​പു​ഴ ത​ണ്ടാ​ശേ​രി​ൽ ആ​തി​ര (31)​, ആ​തി​ര​യു​ടെ ബ​ന്ധു​ക്ക​ളാ​യ ത​ണ്ടാ​ശേ​രി​ൽ ബാ​ബു​രാ​ജ് (54), പ​ദ്മ​ൻ (41), പൊ​ടി​മോ​ൻ (50) എ​ന്നി​വ​രാ​ണ് അ​റ​സ്റ്റി​ലാ​യ​ത്.

ചൊ​വ്വാ​ഴ്ച രാ​ത്രി പ​ത്തി​ന് ത​റ​യി​ൽ​ക്ക​ട​വി​ലാ​യി​രു​ന്നു സം​ഭ​വം. ത​റ​യി​ൽ​ക്ക​ട​വ് ത​ണ്ടാ​ശേ​രി​ൽ വീ​ട്ടി​ൽ ആ​തി​ര രാ​ജാ​ണ് വി​ഷ്ണു​വി​ന്‍റെ ഭാ​ര്യ. ഇ​വ​ർ ത​മ്മി​ൽ ഒ​ന്ന​ര കൊ​ല്ല​മാ​യി പി​ണ​ങ്ങി​ക്ക​ഴി​യു​ക​യാ​ണ്. ഇ​വ​ർ​ക്ക് ഏ​ഴു വ​യ​സു​ള്ള മ​ക​ളു​ണ്ട്. പോ​ലീ​സ് സ്റ്റേ​ഷ​നി​ലെ ധാ​ര​ണ പ്ര​കാ​രം മ​ക​ളെ അ​വ​ധി ദി​വ​സ​ങ്ങ​ളി​ൽ വി​ഷ്ണു​വി​നോ​ടൊ​പ്പം വി​ട്ട​യ​യ് ക്കും. ഒ​പ്പ​മു​ണ്ടാ​യി​രു​ന്ന മ​ക​ളെ തി​രി​കെ ഏ​ൽ​പ്പി​ക്കാ​നാ​ണ്‌ വി​ഷ്ണു എ​ത്തി​യ​ത്.

എ​ന്നാ​ൽ, ത​ൻ​വി അ​ച്ഛ​നോ​ടൊ​പ്പം പോ​ക​ണ​മെ​ന്ന് വാ​ശി​പി​ടി​ച്ച് ബൈ​ക്കി​ൽ​നി​ന്ന് ഇ​റ​ങ്ങാ​ൻ കൂ​ട്ടാ​ക്കി​യി​ല്ല. ഇ​തി​ൽ ദേ​ഷ്യ​പ്പെ​ട്ട് ആ​തി​ര രാ​ജ് മ​ക​ളെ അ​ടി​ച്ചു. ഇ​തേ ചൊ​ല്ലി വി​ഷ്ണു​വും ആ​തി​ര​യും ത​മ്മി​ൽ വ​ഴ​ക്കാ​യി.

ഇ​തി​നി​ടെ വി​ഷ്ണു ആ​തി​ര​യെ അ​ടി​ച്ചു. ഇ​ത് ക​ണ്ട് സം​ഭ​വ​സ്ഥ​ല​ത്തു​ണ്ടാ​യി​രു​ന്ന സ​മീ​പ​വാ​സി​ക​ളാ​യ ആ​തി​ര​യു​ടെ ബ​ന്ധു​ക്ക​ൾ കൂ​ട്ടം ചേ​ർ​ന്ന് വി​ഷ്ണു​വി​നെ ക്രൂ​ര​മാ​യി മ​ർ​ദി​ക്കു​ക​യാ​യി രു​ന്നു. അ​ടി​യേ​റ്റ് നി​ല​ത്തു​വീ​ണ വി​ഷ്ണു കേ​ണ​പേ​ക്ഷി​ച്ചി​ട്ടും മ​ർ​ദ​നം തു​ട​ർ​ന്നു.

ഇ​രു​മ്പ് ദ​ണ്ഡ് ഉ​പ​യോ​ഗി​ച്ചും മ​ർ​ദി​ച്ച​താ​യും പ​റ​യു​ന്നു. പി​ടി​ച്ചു​മാ​റ്റാ​ൻ വ​ന്ന വി​ഷ്ണു​വി​ന്‍റെ ബ​ന്ധു കി​ഷോ​റി​നും മ​ർ​ദ​ന​മേ​റ്റു.

ബോ​ധ​ര​ഹി​ത​നാ​യി കി​ട​ന്ന വി​ഷ്ണു​വി​നെ കി​ഷോ​റും നാ​ട്ടു​കാ​രും ചേ​ർ​ന്ന് കാ​യം​കു​ളം താ​ലൂ​ക്ക് ആ​ശു​പ​ത്രി​യി​ൽ എ​ത്തി​ച്ച​പ്പോ​ഴേ​ക്കും മ​രി​ച്ചി​രു​ന്നു. സ​മീ​പ​വാ​സി​ക​ൾ വി​ളി​ച്ചു​പ​റ​ഞ്ഞ​ത​നു​സ​രി​ച്ച് തൃ​ക്കു​ന്ന​പ്പു​ഴ പോ​ലീ​സ് സം​ഭ​വ​സ്ഥ​ല​ത്ത് എ​ത്തി.

കാ​യം​കു​ളം താ​ലൂ​ക്ക് ആ​ശു​പ​ത്രി​യി​ൽ ഇ​ൻ​ക്വ​സ്റ്റ് ത​യാ​റാ​ക്കി​യ​തി​നുശേ​ഷം ആ​ല​പ്പു​ഴ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ എ​ത്തി​ച്ച് പോ​സ്റ്റു​മോ​ർ​ട്ടം ന​ട​ത്തി. രാ​ത്രി എ​ട്ട​ര​യോ​ടെ മൃ​ത​ദേ​ഹം വീ​ട്ടു​വ​ള​പ്പി​ൽ സം​സ്ക​രി​ച്ചു.

കാ​യം​കു​ളം ഡി​വൈ​എ​സ്പി എ​ൻ.​ ബാ​ബു​ക്കു​ട്ട​ന്‍റെ നേ​തൃ​ത്വ​ത്തി​ൽ തൃ​ക്കു​ന്ന​പ്പു​ഴ പോ​ലീ​സ് ഇ​ൻ​സ്പെ​ക്ട​ർ ഷാ​ജി​മോ​ൻ, എ​സ്ഐ​മാ​രാ​യ അ​ജി​ത്ത്, ശ്രീ​കു​മാ​ർ, സ​നി​ൽകു​മാ​ർ, എ​എ​സ്ഐ​മാ​രാ​യ ഗോ​പ​കു​മാ​ർ, വി​നോ​ദ്, പോ​ലീ​സ് ഓ​ഫീ​സ​ർ​മാ​രാ​യ ശ്യാം,​ഷി​ജു, ശ​ര​ത്, ഇ​ക്ബാ​ൽ, സ​ജീ​ഷ്, സ​ഫീ​ർ ​എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്.

ത​ല​യ്ക്കേ​റ്റ അ​ടി​യാ​ണ് മ​ര​ണ​കാ​ര​ണ​മെ​ന്ന് പോ​ലീ​സ് പ​റ​ഞ്ഞു.