കൊ​ടു​മ​ൺ: പു​റ​ന്പോ​ക്ക് കൈ​യേ​റി​യെ​ന്ന പ​രാ​തി​യെ​ത്തു​ട​ർ​ന്ന് കൊ​ടു​മ​ണ്ണി​ൽ കോ​ൺ​ഗ്ര​സ് മ​ണ്ഡ​ലം ക​മ്മി​റ്റി ഓ​ഫീ​സ് സ്ഥി​തി ചെ​യ്യു​ന്ന സ്ഥ​ലം അ​ള​ന്നു ക​ല്ലി​ട്ട ന​ട​പ​ടി ഹൈ​ക്കോ​ട​തി സ്റ്റേ ​ചെ​യ്തു.

കോ​ൺ​ഗ്ര​സ് ഓ​ഫീ​സ്പ്ര​വ​ർ​ത്തി​ക്കു​ന്ന സ്ഥ​ല​ത്ത് റ​വ​ന്യു​വ​കു​പ്പ് ക​ല്ലി​ട്ട​തി​നെ​ത്തു​ട​ർ​ന്ന് കോ​ൺ​ഗ്ര​സ് നേ​താ​ക്ക​ൾ ഹൈ​ക്കോ​ട​തി​യെ സ​മീ​പി​ച്ചി​രു​ന്നു. റ​വ​ന്യു, പ​ഞ്ചാ​യ​ത്ത് അ​ധി​കൃത​രു​ടെ സാ​ന്നി​ധ്യ​ത്തി​ൽ ക​ഴി​ഞ്ഞ വ്യാ​ഴാ​ഴ്ച​യാ​ണ് ക​ല്ലി​ട്ട​ത്.

കൊ​ടു​മ​ണ്ണി​ൽ സ്റ്റേ​ഡി​യ​ത്തി​ന് എ​തി​ർ​വ​ശ​ത്ത് മ​ന്ത്രി വീ​ണാ ജോ​ർ​ജി​ന്‍റെ ഭ​ർ​ത്താ​വ് ജോ​ർ​ജ് ജോ​സ​ഫി​ന്‍റെ ഉ​ട​മ​സ്ഥ​ത​യി​ലു​ള്ള കെ​ട്ടി​ട​ത്തി​നു മു​ന്നി​ൽ ഓ​ട​യു​ടെ അ​ലൈ​ൻ​മെ​ന്‍റ് മാ​റ്റി​യെ​ന്ന ആ​ക്ഷേ​പ​ത്തെ​ത്തു​ട​ർ​ന്ന് അ​ഞ്ചു മാ​സം മു​മ്പ് കോ​ൺ​ഗ്ര​സ് നേ​തൃ​ത്വ​ത്തി​ൽ പ്ര​തി​ഷേ​ധ സ​മ​ര​ങ്ങ​ൾ ന​ട​ത്തി​യി​രു​ന്നു.

ഇ​തേ​ത്തു​ട​ർ​ന്ന് മ​ന്ത്രി​യു​ടെ ഭ​ർ​ത്താ​വ് കോ​ൺ​ഗ്ര​സ് ഓ​ഫീ​സ് പ്ര​വ​ർ​ത്തി​ക്കു​ന്ന സ്ഥ​ല​ത്തു പു​റ​ന്പോ​ക്ക് കൈ​യേ​റ്റം ന​ട​ന്ന​താ​യി ആ​രോ​പി​ച്ചു ജി​ല്ലാ ക​ള​ക്ട​ർ​ക്ക് പ​രാ​തി ന​ൽ​കി​യ​ത്. പ​രാ​തി​യെ​ത്തു​ട​ർ​ന്ന് ക​ള​ക്ട​റു​ടെ നി​ർ​ദേ​ശ​പ്ര​കാ​രം റ​വ​ന്യു വി​ഭാ​ഗം അ​ടു​ത്തി​ടെ പു​റ​ന്പോ​ക്ക് അ​ള​ക്കു​ക​യു​ണ്ടാ​യി. കോ​ൺ​ഗ്ര​സ് മ​ണ്ഡ​ലം ക​മ്മി​റ്റി ഓ​ഫീ​സി​ന്‍റെ പി​ൻ​വ​ശ​ത്ത് കെ​ട്ടി​ട​ത്തി​ന്‍റെ ഉ​ൾ​വ​ശം​വ​രു​ന്ന വി​ധ​മാ​ണ് ക​ഴി​ഞ്ഞ ആ​ഴ്ച അ​ള​ന്നു ക​ല്ലി​ട്ട​ത്.

പ​രാ​തി ന​ൽ​കി​യി​ട്ടും ക​ള​ക്ട​റോ റ​വ​ന്യു അ​ധി​ക്യ​ത​രോ ഹി​യ​റി​ഗി​ന് വി​ളി​ക്കാ​തെ​യാ​ണ് ക​ല്ലി​ട്ട​തെ​ന്ന കോ​ൺ​ഗ്ര​സ് പ്ര​വ​ർ​ത്ത​ക​രു​ടെ പ​രാ​തി​യും നി​ല​നി​ൽ​ക്കു​ന്നു. റീ​സ​ർ​വേ​യി​ലെ അ​പ​ാ ക​ത​ക​ളും പ​രി​ഹ​രി​ച്ചി​ട്ടി​ല്ല.

ഓ​ഫീ​സ് പൊ​ളി​ക്കാ​നു​ള്ള നീ​ക്കം രാ​ഷ്‌​ട്രീ​യ​പ്രേ​രി​ത​മെ​ന്ന്

കൊ​ടു​മ​ൺ: ഏ​ഴം​കു​ളം-​കൈ​പ്പ​ട്ടൂ​ർ റോ​ഡ് നി​ർ​മാ​ണ​ത്തി​ന്‍റെ പേ​രി​ൽ കോ​ൺ​ഗ്ര​സി​ന്‍റെ കൊ​ടു​മ​ൺ മ​ണ്ഡ​ലം ക​മ്മി​റ്റി ഓ​ഫീ​സ് പൊ​ളി​പ്പി​ക്കു​വാ​നു​ള്ള ആ​രോ​ഗ്യ​മ​ന്ത്രി​യു​ടെ ഭ​ർ​ത്താ​വി​ന്‍റെ​യും സി​പി​എ​മ്മി​ന്‍റെ​യും നീ​ക്കം രാ​ഷ്‌​ട്രീ​യ​പ്രേ​രി​ത​മാ​ണെ​ന്ന് കോ​ൺ​ഗ്ര​സ് ബ്ലോ​ക്ക് ക​മ്മി​റ്റി പ്ര​സി​ഡ​ന്‍റ് സ​ഖ​റി​യ വ​ർ​ഗീ​സ്.

മ​ണ്ഡ​ലം ക​മ്മി​റ്റി ഓ​ഫീ​സ് പ്ര​വ​ർ​ത്തി​ക്കു​ന്ന സ്ഥ​ല​ത്ത് ക​ല്ലി​ട്ട ന​ട​പ​ടി ഹൈ​ക്കോ​ട​തി ത​ട​ഞ്ഞി​രി​ക്കു​ക​യാ​ണ്. ആ​രോ​ഗ്യ​മ​ന്ത്രി​യു​ടെ ഭ​ർ​ത്താ​വി​ന്‍റെ ഉ​ട​മ​സ്ഥ​യി​ലു​ള്ള കെ​ട്ടി​ട​ത്തി​ന് സ​മീ​പം ഓട വ​ള​ച്ച് നി​ർ​മി​ച്ച​തി​നു​ശേ​ഷം ഭ​ര​ണ​സ്വാ​ധീ​നം ഉ​പ​യോ​ഗി​ച്ച് റോ​ഡി​ന്‍റെ വ​ശ​ത്താ​യി പു​റ​മ്പോ​ക്ക് ഉ​ണ്ടെ​ന്ന് വ​രു​ത്തി​ത്തീ​ർ​ത്ത് കോ​ൺ​ഗ്ര​സ് ഓ​ഫീ​സ് പൊ​ളി​ക്കു​ന്ന​തി​നാ​ണ് ശ്ര​മി​ച്ച​ത്.

ഏ​ഴം​കു​ളം-​കൈ​പ്പ​ട്ടൂ​ർ റോ​ഡി​ന്‍റെ നി​ർ​മാ​ണ​ത്തി​ൽ വ്യാ​പ​ക അ​ഴി​മ​തി​യാ​ണ് ന​ട​ന്നി​ട്ടു​ള്ള​തെ​ന്നും സ​ഖ​റി​യ വ​ർ​ഗീ​സ് ആ​രോ​പി​ച്ചു.