കൊ​ല്ലം: അ​ന​ധി​കൃ​ത ബോ​ർ​ഡ്, കൊ​ടി, തോ​ര​ണ​ങ്ങ​ൾ എ​ന്നി​വ​യു​മാ​യി ബ​ന്ധ​പ്പെ​ട്ട് ഹൈ​ക്കോ​ട​തി​യു​ടെ രൂ​ക്ഷ വി​മ​ർ​ശ​നം ഉ​ണ്ടാ​യി​ട്ടും ന​ഗ​ര​ത്തി​ലെ ഫ്ള​ക്സ് ബോ​ർ​ഡു​ക​ൾ​ക്ക് അ​ന​ക്ക​മി​ല്ല. ഡി​സം​ബ​ർ 18ന് ​മു​ൻ​പ് ഇ​വ നീ​ക്കം ചെ​യ്യ​ണ​മെ​ന്ന് സെ​ക്ര​ട്ട​റി​മാ​ർ​ക്ക് ഉ​ത്ത​ര​വ് ന​ൽ​കി​യെ​ങ്കി​ലും ഇന്നലെ ഉച്ചവരെ പല സ്ഥലങ്ങളിലും ഇ​ത് ന​ട​പ്പാ​യി​ല്ല. ആ​ശ്രാ​മം മൈ​താ​ന​ത്തി​ന്‍റെ ചു​റ്റു​മു​ള്ള ന​ട​പ്പാ​ത​യി​ലെ ഇ​രു​മ്പു​വേ​ലി​യോ​ട് ചേ​ർ​ന്നാ​ണ് നി​രോ​ധി​ത ഫ്ള​ക്സ് ബോ​ർ​ഡു​ക​ൾ കൂ​ടു​ത​ലാ​യി കെ​ട്ടി​വെ​ച്ചി​രി​ക്കു​ന്ന​ത്.

ഇ​വി​ടെ സ്ഥാ​പി​ച്ചി​ട്ടു​ള്ള ചി​ന്ന​ക്ക​ട, കൊ​ട്ടാ​ര​ക്ക​ര, കെഎ​സ്​ആ​ർടി.​സിബ​സ് സ്റ്റാ​ൻ​ഡ് എ​ന്നി​വി​ട​ങ്ങ​ളി​ലേ​ക്ക് പോ​കേ​ണ്ട സ്ഥ​ല​നാ​മ ദി​ശാ​സൂ​ചി​ക ബോ​ർ​ഡു​ക​ൾ മ​റ​യു​ന്ന രീ​തി​യി​ലാ​ണ് ബോ​ർ​ഡു​ക​ൾ സ്ഥാ​പി​ച്ചി​രി​ക്കു​ന്ന​ത്. സ​ർ​ക്കാ​ർ, സ്വ​കാ​ര്യ പ​രി​പാ​ടി​ക​ളു​ടെ ബോ​ർ​ഡു​ക​ളാ​ണ് കാ​ഴ്ച്ച മ​റ​യ്ക്കും വി​ധം ഇ​വി​ടെ കെ​ട്ടി​വെ​ച്ചി​രി​ക്കു​ന്ന​ത്.

സ​മീ​പ​ത്ത് ട്രാ​ഫി​ക് പോ​ലീ​സ് സ്റ്റേ​ഷ​ൻ ഉ​ണ്ടെ​ങ്കി​ലും അ​വ​രും ക​ണ്ട​മ​ട്ടി​ല്ല. ദൂ​രെ സ്ഥ​ല​ങ്ങ​ളി​ൽ​നി​ന്നും ന​ഗ​ര​ത്തി​ലെ​ത്തു​ന്ന​വ​ർ​ക്ക് വ​ഴി​കാ​ട്ടി​യാ​യി​ട്ടാ​ണ് സ്ഥ​ല​നാ​മ ദി​ശാ​സൂ​ചി​ക ബോ​ർ​ഡു​ക​ൾ സ്ഥാ​പി​ച്ചി​ട്ടു​ള്ള​ത്. ബോ​ർ​ഡു​ക​ൾ കൊ​ണ്ട് മ​റ​ച്ചി​രി​ക്കു​ന്ന​തി​നാ​ൽ ഇ​തി​ന്‍റെ പ്ര​യോ​ജ​നം ന​ഗ​ര​ത്തി​ലെ​ത്തു​ന്ന​വ​ർ​ക്ക് കി​ട്ടു​ന്നി​ല്ല. ജി​ല്ലാ വ്യ​വ​സാ​യ കേ​ന്ദ്രം, ശ​ങ്കേ​ഴ്സ് ആ​ശു​പ​ത്രി റോ​ഡ് എ​ന്നി​വി​ട​ങ്ങ​ളി​ൽ നി​ന്ന് ആ​ശ്രാ​മം മൈ​താ​നം ചു​റ്റി കെ​എ​സ്ആ​ർടിസി ബ​സ് സ്റ്റാ​ൻ​ഡ്, ചി​ന്ന​ക്ക​ട, സ​ബ് ട്ര​ഷ​റി, ഇഎ​സ്ഐ, ആ​ശ്രാ​മം അ​ഡ്വ​ഞ്ച​ർ പാ​ർ​ക്ക്, ചി​ൽ​ഡ്ര​ൻ​സ് പാ​ർ​ക്ക്, ആ​യു​ർ​വ​വേ​ദ ആ​ശു​പ​ത്രി, ആ​ശ്രാ​മം ശ്രീ​കൃ​ഷ്ണ​സ്വാ​മി ക്ഷേ​ത്രം തു​ട​ങ്ങി​യ സ്ഥ​ല​ങ്ങ​ളി​ലേ​ക്ക് പോ​കു​ന്ന വാ​ഹ​ന​മോ​ടി​ക്കു​ന്ന​വ​രു​ടെ കാ​ഴ്ച്ച മ​റ​യ്ക്കു​ന്ന ത​ര​ത്തി​ലാ​ണ് ബോ​ർ​ഡു​ക​ൾ സ്ഥാ​പി​ച്ചി​രി​ക്കു​ന്ന​ത്.

നി​ര​വ​ധി വാ​ഹ​ന​ങ്ങ​ൾ ക​ട​ന്നു​പോ​കു​ന്ന മൈ​താ​നം ജ​ംഗ്ഷനി​ലും റോ​ഡി​ലും അപ​ക​ട​ത്തി​നും ഇ​ട​യാ​ക്കും. വ​ർ​ഷ​ങ്ങ​ൾ​ക്ക് മു​മ്പ് മൈ​താ​നം ജ​ംഗ്ഷ​നി​ൽ സി​ഗ്ന​ൽ ലൈ​റ്റ് സ്ഥാ​പി​ച്ചെ​ങ്കി​ലും ഇ​തും പ്ര​വ​ർ​ത്തി​ക്കു​ന്നി​ല്ല. കോ​ട​തി വി​മ​ർ​ശ​നം ക​ടു​പ്പി​ച്ച​തോ​ടെ ചി​ന്ന​ക്ക​ട​യി​ലെ​യും സ​മീ​പ സ്ഥ​ല​ങ്ങ​ളി​ലെ​യും ബോ​ർ​ഡു​ക​ൾ ക​ഴി​ഞ്ഞ ദി​വ​സ​ങ്ങ​ളി​ൽ നീ​ക്കി​യെ​ങ്കി​ലും ആ​ശ്രാ​മ​ത്തെ ഫ്ള​ക്സ് ബോ​ർ​ഡു​ക​ൾ​ക്ക് ഒ​രു ച​ല​ന​വും ഉ​ണ്ടാ​യി​ട്ടി​ല്ല.