സ്ത്രീകൾക്കെതിരെയുള്ള അക്രമങ്ങൾ വർധിച്ചു: ബിന്ദുകൃഷ്ണ
1464302
Sunday, October 27, 2024 6:21 AM IST
കൊല്ലം: സർക്കാരിന്റെ സ്ത്രീ സംരക്ഷണം ദിവ്യ സംരക്ഷണമായി മാറിയതായി കെപിസിസി രാഷ്ട്രീയ കാര്യ സമിതി അംഗം അഡ്വ. ബിന്ദു കൃഷ്ണ. മഹിളാ കോൺഗ്രസ് കൊല്ലം ബ്ലോക്ക് ക്യാമ്പ് ഉദ്ഘാടനം ചെയ്ത് പ്രസംഗിക്കുകയായിരുന്നു അവർ.
കേരളത്തിൽ ഒരു സ്ത്രീക്കും പേടി കൂടാതെ യാത്ര ചെയ്യാൻ കഴിയാത്ത സ്ഥിതിയായി. സ്ത്രീകൾക്ക് നേരേയുള്ള അക്രമങ്ങളും സ്ത്രീ കൊലപാതകങ്ങളും വർധിച്ചത് ലഹരി മാഫിയയെ നിയന്ത്രിക്കാൻ സർക്കാർ പരാജയപ്പെട്ടതിനാലാണെന്ന് അവർ പറഞ്ഞു.
മഹിളാ കോൺഗ്രസ് ബ്ലോക്ക് പ്രസിഡന്റ് സാലി തോമസ് അധ്യക്ഷത വഹിച്ചു. കോൺഗ്രസ് കൊല്ലം ബ്ലോക്ക് പ്രസിഡന്റ് ഡി. ഗീതാകൃഷ്ണൻ ക്ലാസ് നയിച്ചു.
മഹിളാ കോൺഗ്രസ് ജില്ലാ പ്രസിഡന്റ് അഡ്വ . ഫേബ എൽ.സുദർശൻ, സംസ്ഥാന ജനറൽ സെക്രട്ടറി ജയലക്ഷ്മി ദത്തൻ, ജില്ലാ ഭാരവാഹികളായ സുബി നുജും, സുവർണ കുണ്ടറ, ജലജ കുമാരി, സിന്ധു കുമ്പളത്ത്, ഒ. ജയശ്രീ, ഗ്രേസി എഡ്ഗർ, സത്യ ഉണ്ണി, ബ്രിജിത്ത് പള്ളിത്തോട്ടം, ശാലിനി, കുമാരി രാജേന്ദ്രൻ, രാഗിണി,
കോൺഗ്രസ് കടപ്പാക്കട മണ്ഡലം പ്രസിഡന്റ് മീര രാജീവ്, ജയന്തി, ഹരിത, പ്രിയങ്ക, മനോരമ, ഗ്രേസി സുനിൽ, കുഞ്ഞുമോൾ, നിർമല, സുശീല പള്ളിതോട്ടം, ജിജി ബാബു, മിനി മാമ്മേത്ത്, പ്രസന്ന കുമാരി, രത്നമ്മ, റാണി, റെയ്ച്ചൽ, ബിഷ കുരിശിങ്കൽ തുടങ്ങിയവർ പ്രസംഗിച്ചു.