അച്ഛൻ മക്കളുടെ ദേഹത്ത് പെട്രോളൊഴിച്ച സംഭവം; മകളും മരിച്ചു
1463900
Friday, October 25, 2024 10:40 PM IST
ചാത്തന്നൂർ: ഉറങ്ങി കിടന്ന രണ്ട് മക്കളുടെ ദേഹത്ത് അച്ഛൻ പെട്രോളൊഴിച്ച് തീ കൊളുത്തിയ സംഭവത്തിൽ ചികിത്സയിലായിരുന്ന മകളും മരിച്ചു. പൊള്ളലേറ്റ് ചികിത്സയിലായിരുന്ന വിസ്മയയാണ്(13) വ്യാഴാഴ്ച രാത്രി പന്ത്രണ്ടോടെ മരിച്ചത്. ചെറിയ വെളിനല്ലൂർ കെപിഎം ഹയർ സെക്കൻഡറി സ്കൂളിലെ എട്ടാം ക്ലാസ് വിദ്യാർഥിനിയാണ്. ഒരാഴ്ചയായി തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിലായിരുന്നു
കഴിഞ്ഞ ശനിയാഴ്ചരാത്രി പതിനൊന്നരയോടെയാണ് ചെറിയ വെളിനല്ലൂരിലെ നടുക്കിയ സംഭവം ഉണ്ടായത്. ഉറങ്ങി കിടന്ന രണ്ട് മക്കളുടെ ദേഹത്ത് പെട്രോൾ ഒഴിച്ച് തീ കൊളുത്തിയ ശേഷം അച്ഛൻ വിനോദ് കുമാറും (47) സ്വയം പെട്രോൾ ഒഴിച്ച് തീ കത്തിച്ച് ആത്മഹത്യയ്ക്ക് ശ്രമിക്കുകയായിരുന്നു.
വിനോദ് കുമാറും മകൻചാത്തന്നൂർ ഗവ. ഐടിഐയിലെ വിദ്യാർഥി മിഥുനും(18)ഞായറാഴ്ച മരിച്ചിരുന്നു. വിനോദ് കുമാറിന്റെ ഭാര്യ സിനിജകുമാരി ഭാര്യ എട്ട് മാസം മുമ്പ് രോഗബാധിതയായി മരിച്ചിരുന്നു. അതിനു ശേഷം അച്ഛൻ ശശിധരൻ ഉണ്ണിത്താനും മരണപ്പെട്ടു. അന്നുമുതൽ മനോവിഷമത്തിലായിരുന്നു വിനോദ് കുമാർ എന്ന് ബന്ധുക്കൾപറയുന്നു.