പ്രഫ.കടയ്ക്കോട് വിശ്വംഭരനെ അനുസ്മരിച്ചു
1464296
Sunday, October 27, 2024 6:21 AM IST
കൊട്ടാരക്കര: കാഥിക പ്രതിഭയും ഭാഷാ പണ്ഡിതനുമായിരുന്ന പ്രഫ. കടയ്ക്കോട് വിശ്വംഭരന്റെ അഞ്ചാമത് അനുസ്മരണവും പുരസ്ക്കാര സമർപ്പണവും എഴുകോൺ സഹകരണ ബാങ്ക് ഓഡിറ്റോറിയത്തിൽ നടന്നു.
പുരോഗമന കലാ സാഹിത്യ സംഘവും കടയ്ക്കോട് വിശ്വംഭരൻ ഫൗണ്ടേഷനും ചേർന്ന് നടത്തിയ അനുസ്മരണം മന്ത്രി കെ.എൻ. ബാലഗോപാൽ ഉദ്ഘാടനം ചെയ്തു. ഫൗണ്ടേഷൻ ചെയർമാൻ എഴുകോൺ സന്തോഷ് അധ്യക്ഷത വഹിച്ചു. കടയ്ക്കോട് വിശ്വംഭരൻ സ്മാരക സമഗ്ര സംഭാവന പുരസ്ക്കാരം കാഥിക തൊടിയൂർ വസന്തകുമാരിക്കും സാഹിത്യ പുരസ്കാരം ജാനമ്മ കുഞ്ഞുണ്ണിക്കും മന്ത്രി സമ്മാനിച്ചു.
സ്പെഷൽ ജൂറി പുരസ്കാരങ്ങൾ ആർ. രാജലക്ഷ്മിയും, ഡോ. വസന്തകുമാർ സാംബശിവന് വേണ്ടി മകൻ ജീവൻ വി. സാംബശിവനും ഏറ്റുവാങ്ങി. കലാ സാഹിത്യ പ്രതിഭകളേയും ഉന്നത വിജയം നേടിയവരേയും ചടങ്ങിൽ ആദരിച്ചു. പ്രഫ. വി. ഹർഷകുമാർ, കവി പെരുമ്പുഴ ഗോപാലകൃഷ്ണപിള്ള,
മുൻ എംഎൽഎ എഴുകോൺ നാരായണൻ, ബ്ലോക്ക് പഞ്ചായത്ത് പ്രസിഡന്റ് എ. അഭിലാഷ്, പഞ്ചായത്ത് പ്രസിഡന്റ് അഡ്വ. ബിജു എബ്രഹാം, സിപിഎം ഏരിയ സെക്രട്ടറി ജെ. രാമാനുജൻ, കൺസ്യൂമർ ഫെഡ് ഡയറക്ടർ ജി. ത്യാഗരാജൻ,ബ്ലോക്ക് പഞ്ചായത്ത് അംഗങ്ങളായ എസ്.എച്ച്. കനകദാസ്, ആർ. വിജയപ്രകാശ്,
സുധർമാദേവി, രതീഷ് കിളിത്തട്ടിൽ, സിപിഎം ലോക്കൽ സെക്രട്ടറിമാരായ എം.പി. മനേക്ഷ, കെ. ഓമനക്കുട്ടൻ, എഴുകോൺ സഹകരണ സംഘം പ്രസിഡന്റ് ജെ. ചെന്താമരാക്ഷൻ, ബ്ലോക്ക് കോൺഗ്രസ് പ്രസിഡന്റ് കെ. ജയപ്രകാശ് നാരായണൻ, ഷമ്മി പ്രഭാകർ, കോട്ടാത്തല ശ്രീകുമാർ, ഇരുമ്പനങ്ങാട് അനിൽ കുമാർ, വി. സന്ദീപ് ,അഡ്വ. സുരേന്ദ്രൻ കടയ്ക്കോട് തുടങ്ങിയവർ പ്രസംഗിച്ചു.
കാഥിക സംഗമം വി. ഹർഷകുമാർ ഉദ്ഘാടനം ചെയ്തു. അഡ്വ. കെ.പി. സജി നാഥ് മോഡറേറ്ററായി. തൊടിയൂർ വസന്തകുമാരി, കല്ലട വി.വി ജോസ്, ഇടക്കൊച്ചി സലിംകുമാർ, മുത്താന സുധാകരൻ, നരിക്കൽ രാജീവ്കുമാർ, ഡോ. ജീവൻ. വി. സാംബശിവൻ, കെപിഎസി ലീലാകൃഷ്ണൻ, അഞ്ചൽ ഗോപൻ,
കടയ്ക്കോട് ബി. സാംബശിവൻ, കൊല്ലം ലൂസി സ്റ്റീഫൻ തുടങ്ങിയവർ പങ്കെടുത്തു. തുടർന്ന് കാഥികരായ നരിക്കൽ രാജീവ്കുമാർ, സി.എൻ. സ്നേഹലത, റാണി മോനച്ചൻ, ശ്രീപ്രീയ ശ്രീകാന്ത്, രഞ്ജിനി പഴങ്ങാലം, ദേവതീർഥ എന്നിവർ കഥാപ്രസംഗങ്ങൾ അവതരിപ്പിച്ചു.
രാവിലെ സ്മൃതി മണ്ഡപത്തിൽ പുഷ്പാർച്ചന നടന്നു. കോളന്നൂരിൽ നടന്ന അനുസ്മരണത്തിൽ ജില്ലാ സെക്രട്ടേറിയറ്റ് അംഗം പി.എ. ഏബ്രഹാം പതാക ഉയർത്തി.