വനിതകള്ക്കായി സംരംഭകത്വ വികസന പരിശീലനം നടത്തി
1464099
Saturday, October 26, 2024 6:31 AM IST
കൊല്ലം: സംസ്ഥാന വനിതാ വികസന കോര്പ്പറേഷന് കൊല്ലം ജില്ലയില് നിന്നുള്ള വനിതകള്ക്കായി സംരംഭകത്വ വികസന പരിശീലന പരിപാടികള് ആരംഭിക്കുന്നു. യോഗ്യത: പത്താം ക്ലാസ്. ആറ് ദിവസത്തെ പരിശീലനത്തില് ആദ്യം രജിസ്റ്റര് ചെയ്യുന്ന യോഗ്യരായ 20 പേരെ തെരഞ്ഞെടുക്കും.
അവിവാഹിതകള് വിവാഹമോചിതര്, അവിവാഹിതരായ അമ്മമാര്, സാമ്പത്തികമായി പിന്നാക്കവും നിലവില് തൊഴില് ഇല്ലാത്തവര്ക്കും മുന്ഗണന. വെള്ളപേപ്പറില് തയാറാക്കിയ അപേക്ഷ (പേര്, മേല്വിലാസം, ഫോണ് നമ്പര്, വിദ്യാഭ്യാസ യോഗ്യത, തൊഴില് പരിചയം, നിലവില് ഏതെങ്കിലും തൊഴില് ഉണ്ടെങ്കില് ആ വിവരം, വാര്ഷിക കുടുംബ വരുമാനം എന്നിവയും രേഖപ്പെടുത്തിയിരിക്കണം), രണ്ട് പാസ്പോര്ട്ട് സൈസ് ഫോട്ടോ, ഐഡി പ്രൂഫ്, ബാങ്ക് പാസ്ബുക്ക്, റേഷന് കാര്ഡ്, വിദ്യാഭ്യാസ യോഗ്യത തെളിയിക്കുന്ന സര്ട്ടിഫിക്കറ്റിന്റെ പകര്പ്പ് എന്നിവ കൊല്ലം ജില്ലാ ഓഫീസില് 31 നകം സമര്പ്പിക്കണം.
1200 രൂപ യാത്രാബത്ത ലഭിക്കും. അപേക്ഷ അയക്കേണ്ട വിലാസം- ജില്ലാ കോര്ഡിനേറ്റര്, കേരള സംസ്ഥാന വനിതാ വികസന കോര്പ്പറേഷന്, എന്. തങ്കപ്പന് മെമ്മോറിയല് ഷോപ്പിംഗ് കോംപ്ലക്സ്, രണ്ടാം നില, ക്ലോക്ക് ടവറിനു സമീപം, ചിന്നക്കട, കൊല്ലം - 691001. ഫോണ്: 9188606806.