ഇൻക്ലൂസീവ് കായികോത്സവം ജില്ലാതല പരിശീലനം
1464094
Saturday, October 26, 2024 6:28 AM IST
ചവറ: സംസ്ഥാന സ്കൂൾ കായികമേളയുടെ ഭാഗമായി ഇൻക്ലൂസീവ് കായികോത്സവത്തിൽ പങ്കെടുക്കുന്ന കൊല്ലം ജില്ലയിലെ ഭിന്നശേഷിക്കാരായ കുട്ടികൾക്കായി സമഗ്ര ശിക്ഷാ കേരളം സംഘടിപ്പിക്കുന്ന ജില്ലാതല ത്രിദിന പരിശീലന ക്യാമ്പ് ചവറ ബോയ്സ് ഹൈസ്കൂൾ ഗ്രൗണ്ടിൽ ആരംഭിച്ചു.
ചവറ ബ്ലോക്ക് പഞ്ചായത്ത് പ്രസിഡന്റ് സന്തോഷ് തുപ്പാശേരി ഉദ്ഘാടനം ചെയ്തു. സമഗ്ര ശിക്ഷാ കേരളം ജില്ലാ പ്രോജക്ട് കോർഡിനേറ്റർ സജീവ് തോമസ് അധ്യക്ഷനായി. ജില്ലാ പഞ്ചായത്ത് അംഗം സി.പി. സുധീഷ് കുമാർ മുഖ്യാതിഥിയായി.
വിദ്യാകിരണം ജില്ലാ മിഷൻ കോഡിനേറ്റർ കിഷോർ കെ കൊച്ചയ്യം, കെഎംഎംഎൽ വെൽഫെയർ മാനേജർ എം.ടോണി എന്നിവർ കായികോപകരണങ്ങൾ വിതരണം ചെയ്തു.
ചവറ എഇഒ ടി.കെ. അനിത, എസ്എസ്കെ പ്രോഗ്രാം ഓഫീസർ എസ്. സബീന, ബിപിസിമാരായ എസ്. ശ്രീകുമാർ, റോഷൻ. എം. നായർ, ഡയറ്റ് ഫാക്കൽറ്റി ടി. ബിന്ദു, പ്രഥമ അധ്യാപകരായ പി. അജിതകുമാരി, ടി.ഡി. ശോഭ, അധ്യാപക പരിശീലകരായ ജി.എസ് സ്മിത, ജി. പ്രദീപ് കുമാർ, പ്രശോഭ കുമാരി, എസ്.സിന്ധു, കെ. ബുഷ്റ പി.എം , സുഭാഷ്, ഡി. മുരളീധരൻ പിള്ള, സ്പെഷൽ എഡ്യൂക്കേറ്റർ ബ്ലെസി ബെന്നി തുടങ്ങിയവർ പ്രസംഗിച്ചു.
എൻ.എസ്. ലിബു , ഓസ്റ്റിൻ ജോയ്, മണികണ്ഠൻ, വിവിധ ബി ആർസികളിലെ ഫിസിക്കൽ എഡ്യൂക്കേഷൻ അധ്യാപകർ എന്നിവർ ക്യാമ്പിന് നേതൃത്വം നൽകുന്നു.