ഏരൂരിൽ പഞ്ചായത്ത് സെക്രട്ടറിയെ ഉപരോധിച്ചു
1464078
Saturday, October 26, 2024 6:17 AM IST
ഏരൂർ: പഞ്ചായത്തിലെ വാർഡ് വിഭജനവുമായി ബന്ധപ്പെട്ട് സിപിഐ, സിപിഎം ലോക്കൽ സെക്രട്ടറിമാരുടെ നിർദേശപ്രകാരം അശാസ്ത്രീയമായാണ് വാർഡ് വിഭജനം നടത്തിയതെന്ന് കോൺഗ്രസ് ഏരൂർ മണ്ഡലം കമ്മിറ്റി ആരോപിച്ചു.
അശാസ്ത്രീയമായ വാർഡ് വിഭജനത്തിന് കൂട്ടുനിന്ന പഞ്ചായത്ത് സെക്രട്ടറിയെ കോൺഗ്രസ് പ്രവർത്തകർ ഉപരോധിച്ചു.
ജില്ലാ കോൺഗ്രസ് കമ്മിറ്റി നിർവാഹക സമിതി അംഗം പി.ബി. വേണുഗോപാൽ, ബ്ലോക്ക് കോൺഗ്രസ് കമ്മിറ്റി വൈസ് പ്രസിഡന്റ് പി.ടി. കൊച്ചുമ്മച്ചൻ, ഏരൂർ മണ്ഡലം കോൺഗ്രസ് കമ്മിറ്റി പ്രസിഡന്റ് ഗീവർഗീസ്, സേവാദൾ ജില്ലാ കോ- ഓർഡിനേറ്റർ നെട്ടയം സുജി, മൻസൂർ, റാഫി, രാഗേഷ്, ഷറഫുദീൻ തുടങ്ങിയവർ നേതൃത്വം നൽകി.