കേളി പ്രഫഷണൽ നാടകമേളയും പ്രതിഭാ പുരസ്കാര സമർപ്പണവും
1464091
Saturday, October 26, 2024 6:28 AM IST
ചാത്തന്നൂർ: പാരിപ്പള്ളി കിഴക്കനേല കേളിയുടെ 32-ാമത് വാർഷികാഘോഷങ്ങളും പ്രഫഷണൽ നാടകമേളയും ആറാമത് പ്രതിഭാ പുരസ്ക്കാര സമർപ്പണവും നടത്തും. 25 മുതൽ നവംബർ മൂന്നുവരെ കിഴക്കനേല നന്ദവിലാസം യുപി സ്കൂൾ മൈതാനിയിലാണ് പരിപാടികൾ നടത്തുന്നത്.
വിളംബരയാത്ര പാരിപ്പള്ളി ലയൺസ് ക്ലബ് പ്രസിഡന്റ് ഡി. രഞ്ജൻ ഉദ്ഘാടനം ചെയ്തു. മുരളീധരൻ ഗോകുലം അധ്യക്ഷത വഹിച്ചു. 26 ന് വൈകുന്നേരം 5.30 ന് നടക്കുന്ന വാർഷികാഘോഷങ്ങളുടെ ഉദ്ഘാടനം എൻ.കെ. പ്രേമചന്ദ്രൻ എംപിയും നാടകമേളയുടെ ഉദ്ഘാടനം സിനിമാതാരം കെപിഎസി ലീലയും നിർവഹിക്കും. പ്രസിഡന്റ് വേണു.
സി കിഴക്കനേല അധ്യക്ഷത വഹിക്കും. രാജൻ കിഴക്കനേല സ്നേഹജ്വാല അവാർഡുകൾ വിതരണം ചെയ്യും. കല്ലുവാതുക്കൽ പഞ്ചായത്ത് പ്രസിഡന്റ് എൻ. ശാന്തിനി ഉന്നത വിദ്യാഭ്യാസത്തിൽ വിജയിച്ചവരെ ആദരിക്കും.
തുടർന്ന് കേളി കിഴക്കനേല അവതരിപ്പിക്കുന്ന ചിരുത ചിലതൊക്കെ മറന്നുപോയി എന്ന നാടകം അവതരിപ്പിക്കും. നവംബർ മൂന്നിന് വൈകുന്നേരം ആറിന് സമാപന സമ്മേളനവും പ്രതിഭാ പുരസ്ക്കാരസമർപ്പണവും മന്ത്രി ജെ. ചിഞ്ചുറാണി നിർവഹിക്കും.
കഥാകൃത്ത് രാജൻ കിഴക്കനേലയ്ക്ക് ആറാമത് കേളി പ്ര തിഭാ പുരസ്കാരം സമ്മാനിക്കും. കാനായി കുഞ്ഞിരാമൻ രൂപ കല്പനചെയ്ത വെങ്കല ശില്പവും പ്രശംസാപത്രവും 10,000 രൂപയും അടങ്ങിയതാണ് പുരസ്കാരം. ജി.എസ്. ജയലാൽ എംഎൽഎ അധ്യക്ഷത വഹിക്കും. ചലച്ചിത്രതാരം ശിവജി ഗുരുവായൂർ മുഖ്യാതിഥിയാകും.