വൊക്കേഷണല് എക്സ്പോ 29 മുതൽ
1464295
Sunday, October 27, 2024 6:21 AM IST
കൊല്ലം: വൊക്കേഷണല് ഹയര് സെക്കന്ഡറി വിഭാഗം എക്സ്പോയും വിപണന മേളയും കരിയര് സെമിനാറും 29, 30 തീയതികളില് കൊല്ലം സെന്റ് അലോഷ്യസ് സ്കൂളില് നടക്കും.
ബാച്ച് അടിസ്ഥാനത്തിലുള്ള മത്സരത്തില് തെരഞ്ഞെടുത്ത കൊല്ലം, തിരുവനന്തപുരം ജില്ലകളില് നിന്നുള്ള നൂറിലധികം സ്കൂളുകളുടെ പ്രദര്ശനവും സ്കൂളുകളില് നിര്മിക്കുന്ന ഉത്പന്നങ്ങളുടെ വിപണനവും നടക്കും.
മികച്ച മാര്ക്കറ്റബിള്, ഇന്നോവേറ്റീവ്, പ്രോഫിറ്റബിള്, കരിക്കുലാധിഷ്ഠിത വിഷയങ്ങളുടെ അടിസ്ഥാനത്തിലാണ് മത്സരം. യോഗ്യത നേടുന്നവര്ക്ക് സംസ്ഥാനതല മത്സരത്തില് പങ്കെടുക്കാം. ഓരോ വിഭാഗത്തിലും കൂടുതല് പോയിന്റ് നേടുന്ന സ്കൂളിന് ഓവറോള് ചാന്പ്യന്ഷിപ് ട്രോഫി നല്കും.
30 ന് രാവിലെ 10 ന് കരിയര് സെമിനാറും നടക്കും. ആര്. ജയപ്രസാദ് നേതൃത്വം നല്കും.
പത്രസമ്മേളനത്തില് വിഎച്ച്എസ്ഇ അസി. ഡയറക്ടര് എസ്. സജി, പബ്ലിസിറ്റി കണ്വീനര് പി.ടി. ശ്രീകുമാര്, ജോ. കണ്വീനര് ആര്. സജീവ്, ട്രോഫി കമ്മിറ്റി കണ്വീനര് ജി.ആര്. അഭിലാഷ് എന്നിവർ പങ്കെടുത്തു.