കൊല്ലം- തേനി ദേശീയപാതാ വികസന യോഗം ചേര്ന്നു
1464090
Saturday, October 26, 2024 6:28 AM IST
കൊല്ലം: കൊല്ലം- തേനി ദേശീയപാത വികസനവുമായി ബന്ധപ്പെട്ട് ജില്ലാ കളക്ടര് എന്. ദേവിദാസിന്റെ അധ്യക്ഷതയില് എംപിമാരും എംഎല്എമാരും പങ്കെടുത്ത അവലോകനയോഗം ചേര്ന്നു.
ദേശീയപാത 183 ല് ഉള്പ്പെടുന്ന കൊല്ലം ഹൈസ്കൂള് ജംഗ്ഷന് മുതല് ആലപ്പുഴ ജില്ലയിലെ ചെങ്ങന്നൂര് ആലിഞ്ഞിമൂട് വരെയുള്ള 62 കിലോമീറ്റര് ദേശീയപാതയുടെ വികസനം സംബന്ധിച്ച് ചര്ച്ച ചെയ്തു.
പെരിനാട് മേല്പ്പാലം മുതല് ഭരണിക്കാവ് വരെയുള്ള ബൈപ്പാസ് നിര്മിക്കുന്നതുമായി ബന്ധപ്പെട്ട പ്രൊപ്പോസല് യോഗത്തില് അവതരിപ്പിച്ചു. വിശദ ചര്ച്ചയ്ക്ക് നവംബര് 22 ന് അടുത്ത യോഗം ചേരാനും തീരുമാനിച്ചു.
ജില്ലാ കളക്ടറുടെ ചേമ്പറില് ചേര്ന്ന യോഗത്തില് എംപിമാരായ എന്.കെ. പ്രേമചന്ദ്രന്, കൊടിക്കുന്നില് സുരേഷ്, എംഎല്എമാരായ എം. മുകേഷ്, പി.സി. വിഷ്ണുനാഥ്, ജില്ലാ പഞ്ചായത്ത് പ്രസിഡന്റ് ഡോ. പി.കെ. ഗോപന്, തദ്ദേശ സ്ഥാപനങ്ങളിലെ ജനപ്രതിനിധികള്, ദേശീയപാത വിഭാഗം ഉദ്യോഗസ്ഥര്, ജില്ലാതല ഉദ്യോഗസ്ഥര് തുടങ്ങിയവര് പങ്കെടുത്തു.