ഓട്ടോ റെയിൽവേ ഗേറ്റിലേക്ക് ഇടിച്ചുകയറി
1464290
Sunday, October 27, 2024 6:09 AM IST
കൊല്ലം: ട്രെയിൻ വരുന്നതിന് തൊട്ട് മുമ്പ് ഓട്ടോ റെയിൽവേ ഗേറ്റിലേക്ക് ഇടിച്ചുകയറി. ഇന്നലെ ഉച്ചയ്ക്ക് 12.30 ഓടെ കുണ്ടറ മുക്കട റെയിൽവേ ഗേറ്റിലാണ് സംഭവം.
കൊല്ലം - ചെന്നൈ എഗ് മോർ എക്സ്പ്രസ് കടന്നുപോകുന്നതിന് തൊട്ടുമുമ്പ് റെയിൽവേ ഗേറ്റ് അടയ്ക്കുമ്പോൾ ഗേറ്റ് കടക്കാൻ ശ്രമിച്ച ഓട്ടോ ഗേറ്റിലേക്ക് ഇടിച്ചു കയറുകയായിരുന്നു. ഇടിയുടെ ആഘാതത്തിൽ ഗേറ്റ് ഒടിയുകയും തൊട്ടു പിന്നാലെ വന്ന കെഎസ്ഇബിയുടെ ജീപ്പിന് മുകളിലേക്ക് വീഴുകയും ചെയ്തു.
ജീപ്പിന് കേടുപാടുകൾ സംഭവിച്ചു. അപകടശേഷം ഓട്ടോ നിർത്താതെ പോയി. ഗേറ്റ് ഒടിഞ്ഞതിനെ തുടർന്ന് കൊല്ലം ചെന്നൈ എഗ് മോർ എക്സ്പ്രസും ഗുരുവായൂർ- മധുര എക്സ്പ്രസും അൽപനേരം വൈകി. സംഭവത്തിൽ റെയിൽവേ പോലീ കേസെടുത്തു. റോഡിലൂടെയുള്ള വാഹന ഗതാഗതവും തടസപ്പെട്ടു.