കല്ലുവാതുക്കൽ പഞ്ചായത്ത് മുൻ സെക്രട്ടറിക്കെതിരായ നടപടികൾ അവസാനിപ്പിച്ചു
1464093
Saturday, October 26, 2024 6:28 AM IST
ചാത്തന്നൂർ: കല്ലുവാതുക്കൽപഞ്ചായത്തിൽ ഇന്റേണൽ വിജിലൻസ് നടത്തിയ പരിശോധനയിൽ കണ്ടെത്തിയ അപാകതയെ തുടർന്ന് മുൻ സെക്രട്ടറിക്കെതിരായ തുടർനടപടികൾ അവസാനിപ്പിച്ച് തദ്ദേശസ്വയം ഭരണവകുപ്പ് പ്രിൻസിപ്പൽ ഡയറക്ടർ ഉത്തരവിട്ടു.
കല്ലുവാതുക്കൽ പഞ്ചായത്ത് മുൻ സെക്രട്ടറി ബിജു ശിവദാസനെതിരായ നടപടികളാണ് അവസാനിപ്പിച്ചത്. ആഭ്യന്തര വിജിലൻസ് പരിശോധനകളുടെ പേരിൽ ബിജുവിനെ കല്ലുവാതുക്കൽ പഞ്ചായത്തിൽ നിന്ന് സ്ഥലം മാറ്റിയിരുന്നു. നിലവിൽ മലപ്പുറം എടപ്പറ്റ പഞ്ചായത്ത് സെക്രട്ടറിയാണ് ബിജു ശിവദാസൻ.
പരിശോധനയിലെ കണ്ടെത്തലുകളുമായി ബന്ധപ്പെട്ട് ബിജു ശിവദാസൻ നൽകിയ വിശദീകരണത്തിന്റെ അടിസ്ഥാനത്തിലാണ് തുടർ നടപടികൾ അവസാനിപ്പിച്ചത്.
തദ്ദേശ സ്വയംഭരണ വകുപ്പ് പ്രിൻസിപ്പൽ ഡയറക്ടർക്കുവേണ്ടി അഡീഷണൽ ഡയറക്ടർ (വിജിലൻസ്) കെ. വനജകുമാരിയാണ് ഉത്തരവ് പുറപ്പെടുവിച്ചത്.