ഇൻക്ലൂസീവ് കായികോത്സവം ജില്ലാതല പരിശീലനം സമാപിച്ചു
1464287
Sunday, October 27, 2024 6:09 AM IST
ചവറ: സംസ്ഥാന സ്കൂൾ കായികമേളയുടെ ഭാഗമായി ഇൻക്ലൂസീവ് കായികോത്സവത്തിൽ പങ്കെടുക്കുന്ന ജില്ലയിലെ ഭിന്നശേഷിക്കാരായ കുട്ടികൾക്കായി സമഗ്ര ശിക്ഷാ കേരളം സംഘടിപ്പിച്ച ജില്ലാതല ത്രിദിന പരിശീലന ക്യാമ്പ് സമാപിച്ചു.
സമാപന സമ്മേളനം ജില്ലാ പഞ്ചായത്ത് പ്രസിഡന്റ് ഡോ. പി.കെ. ഗോപൻ ഉദ്ഘാടനം ചെയ്തു. ചവറ ബ്ലോക്ക് പഞ്ചായത്ത് പ്രസിഡന്റ് സന്തോഷ് തുപ്പാശേരി അധ്യക്ഷനായി. ജില്ലാ പഞ്ചായത്ത് അംഗം അഡ്വ. സി.പി. സുധീഷ് കുമാർ മുഖ്യാതിഥിയായി.
പന്മന പഞ്ചായത്ത് പ്രസിഡന്റ് ഐ. ജയചിത്ര, വൈസ് പ്രസിഡന്റ് പന്മന ബാലകൃഷ്ണൻ എന്നിവർ ചേർന്ന് കുട്ടികൾക്ക് ട്രാക്ക് സ്യൂട്ട് വിതരണം ചെയ്തു.ചവറ എഇഒ ടി.കെ. അനിത, എസ്എസ്കെ ജില്ലാ പ്രോഗ്രാം ഓഫീസർ എസ്. സബീന, അധ്യാപക പരിശീലകരായ ജി.എസ്. സ്മിത, ജി. പ്രദീപ് കുമാർ, പ്രശോഭ കുമാരി,
എസ്. സിന്ധു, കെ. ബുഷ്റ, ഡി. മുരളീധരൻ പിള്ള, സ്പെഷൽ എഡ്യൂക്കേറ്റർമാരായ എൻ.എസ്. ലിബു, വിദ്യാകിരണം ജില്ലാ മിഷൻ കോഡിനേറ്റർ കിഷോർ കെ കൊച്ചയ്യം, ഓസ്റ്റിൻ ജോയ്, മണികണ്ഠൻ തുടങ്ങിയവർ പ്രസംഗിച്ചു. ക്യാമ്പിന് നേതൃത്വം നൽകിയ കായികാധ്യാപകരെ ചടങ്ങിൽ ആദരിച്ചു.