ശ്രീ​ജി​ത് കൃ​ഷ്ണ​ൻ

ബാ​വി​ക്ക​ര (കാ​സ​ർ​ഗോ​ഡ്): അ​പൂ​ർ​വ ജീ​വ​ജാ​ല​ങ്ങ​ളെ​ക്കു​റി​ച്ച് പ​ഠ​നം ന​ട​ത്തു​ന്ന ആ​ഗ്ര സ്വ​ദേ​ശി​നി ആ​യു​ഷി ജെ​യി​ൻ ആ​ദ്യ​മാ​യി കാ​സ​ർ​ഗോ​ട്ടെ​ത്തു​ന്ന​ത് 2019 മേ​യി​ലാ​ണ്. ജ​യി​ന്‍റ് സോ​ഫ്റ്റ്ഷെ​ൽ ട​ർ​ട്ടി​ൽ എ​ന്ന അ​പൂ​ർ​വ ഇ​ന​ത്തി​ൽ​പ്പെ​ട്ട ഭീ​മ​ൻ ആ​മ​ക​ളു​ടെ സാ​ന്നി​ധ്യം കാ​സ​ർ​ഗോ​ട്ടെ പ​യ​സ്വി​നി​പ്പു​ഴ​യി​ലു​ണ്ടെ​ന്ന ഡോ. ​ജാ​ഫ​ർ പാ​ലോ​ട്ടി​ന്‍റെ പ​ഠ​ന​റി​പ്പോ​ർ​ട്ട് വാ​യി​ച്ചാ​ണ് ആ​യു​ഷി എ​ത്തി​യ​ത്. വം​ശ​നാ​ശ​ത്തി​ന്‍റെ വ​ക്കി​ൽ നി​ൽ​ക്കു​ന്ന ഈ ​ഇ​ന​ത്തി​ലെ ആ​മ​ക​ളെ ഇ​ന്ത്യ​യി​ൽ ആ​കെ അ​ഞ്ചി​ട​ങ്ങ​ളി​ൽ മാ​ത്ര​മേ ഇ​തു​വ​രെ ക​ണ്ട​താ​യി രേ​ഖ​പ്പെ​ടു​ത്തി​യി​ട്ടു​ള്ളൂ. ഏ​റ്റ​വും അ​വ​സാ​നം ക​ണ്ട​താ​യി പ​റ​യു​ന്ന​ത് പ​ത്തു​വ​ർ​ഷം മു​മ്പാ​യി​രു​ന്നു.

അ​ന്ന് 22 വ​യ​സ് മാ​ത്ര​മു​ണ്ടാ​യി​രു​ന്ന ഒ​രു പെ​ൺ​കു​ട്ടി ആ​മ​ക​ളെ അ​ന്വേ​ഷി​ച്ച് ആ​ഗ്ര​യി​ൽ​നി​ന്ന് കാ​സ​ർ​ഗോ​ഡി​ന്‍റെ ഉ​ൾ​പ്ര​ദേ​ശ​ങ്ങ​ളി​ലെ​ത്തി​യ​ത് നാ​ട്ടു​കാ​ർ​ക്ക് കൗ​തു​ക​മാ​യി​രു​ന്നു. പ​യ​സ്വി​നി പു​ഴ​യോ​ര​ത്ത് മു​ളി​യാ​ർ പ​ഞ്ചാ​യ​ത്തി​ന്‍റെ ഭാ​ഗ​മാ​യ നെ​യ്യം​ക​യം മു​ത​ൽ ബാ​വി​ക്ക​ര വ​രെ​യു​ള്ള പ്ര​ദേ​ശ​ങ്ങ​ളി​ലാ​ണ് ആ​യു​ഷി ആ​മ​ക​ളെ തെ​ര​ഞ്ഞ​ത്.

പാ​ല​പ്പൂ​വ​ൻ എ​ന്നു നാ​ട്ടു​കാ​ർ വി​ളി​ക്കു​ന്ന ഭീ​മ​ൻ ആ​മ​ക​ൾ പ​യ​സ്വി​നി​പ്പു​ഴ​യു​ടെ അ​ടി​ത്ത​ട്ടി​ലു​ണ്ടെ​ന്നും പ​ക്ഷേ അ​വ ക​ര​യി​ലേ​ക്ക് ക​യ​റി​വ​രു​ന്ന​ത് അ​പൂ​ർ​വ​മാ​ണെ​ന്നും നാ​ട്ടു​കാ​ർ പ​റ​ഞ്ഞ​റി​ഞ്ഞു. വി​ദ്യാ​ർ​ഥി​ക​ളു​ടെ​യും ചി​ല നാ​ട്ടു​കാ​രു​ടെ​യും സ​ഹാ​യ​ത്തോ​ടെ ഭാ​ഷാ​പ്ര​ശ്നം മ​റി​ക​ട​ന്ന് ആ​റു​മാ​സ​ത്തെ അ​ന്വേ​ഷ​ണ​ത്തി​നൊ​ടു​വി​ൽ മീ​ൻ​പി​ടി​ത്ത​ക്കാ​രു​ടെ വ​ല​യി​ൽ കു​രു​ങ്ങി​യ ഒ​രു ആ​മ​യെ നേ​രി​ൽ കാ​ണാ​ൻ ക​ഴി​ഞ്ഞു. ജ​യി​ന്‍റ് സോ​ഫ്റ്റ്ഷെ​ൽ ട​ർ​ട്ടി​ൽ ത​ന്നെ​യാ​ണ് ഇ​തെ​ന്ന് ആ​യു​ഷി തി​രി​ച്ച​റി​ഞ്ഞു.

ഈ​യി​നം ആ​മ​ക​ൾ പ​തി​വാ​യി മു​ട്ട​യി​ടാ​നെ​ത്തു​ന്ന പു​ഴ​യോ​ര​ത്തെ മ​ണ​ൽ​പ്പ​ര​പ്പു​ക​ളും നാ​ട്ടു​കാ​ർ ആ​യു​ഷി​ക്ക് കാ​ണി​ച്ചു​ന​ല്കി. പ​ക്ഷേ മു​ട്ട​ക​ളി​ലേ​റെ​യും തെ​രു​വു​നാ​യ്ക്ക​ളു​ടെ​യും മ​റ്റു മൃ​ഗ​ങ്ങ​ളു​ടെ​യും ചി​ല മ​നു​ഷ്യ​രു​ടെ​യും ഭ​ക്ഷ​ണ​മാ​യി ഒ​ടു​ങ്ങു​ക​യാ​യി​രു​ന്നു പ​തി​വ്. സു​വോ​ള​ജി​ക്ക​ൽ സൊ​സൈ​റ്റി ഓ​ഫ് ല​ണ്ട​നി​ൽ നി​ന്നു​ള്ള മാ​ർ​ഗ​നി​ർ​ദേ​ശ​ങ്ങ​ളും വ​നം​വ​കു​പ്പി​ന്‍റെ സ​ഹാ​യ​വും കൊ​ണ്ട് ആ​യു​ഷി ഏ​താ​നും മു​ട്ട​ക​ൾ ശേ​ഖ​രി​ച്ച് കൃ​ത്രി​മ​മാ​യി വി​രി​യി​ക്കാ​ൻ ശ്ര​മി​ച്ചു. ആ​ദ്യ പ​രീ​ക്ഷ​ണ​ത്തി​ൽ വി​രി​ഞ്ഞ​ത് ആ​റെ​ണ്ണം മാ​ത്ര​മാ​ണ്. ആ​മ​ക്കു​ഞ്ഞു​ങ്ങ​ളെ വ​നം​വ​കു​പ്പി​ന്‍റെ​യും നാ​ട്ടു​കാ​രു​ടെ​യും സ​ഹാ​യ​ത്തോ​ടെ പു​ഴ​യി​ലേ​ക്ക് വി​ടു​ക​യും ചെ​യ്തു.

പി​ന്നീ​ട് ക​ടു​ത്ത വേ​ന​ലി​ൽ പ​യ​സ്വി​നി​പ്പു​ഴ​യി​ലെ ഏ​റ്റ​വും ആ​ഴ​മു​ള്ള ഭാ​ഗ​മാ​യ നെ​യ്യം​ക​യം വ​റ്റി​യ​പ്പോ​ൾ അ​ടി​ത്ത​ട്ടി​ലു​ണ്ടാ​യി​രു​ന്ന പാ​ല​പ്പൂ​വ​ൻ ആ​മ​ക​ൾ ക​ര​യ്ക്ക​ടി​ഞ്ഞു. ഇ​വ വം​ശ​നാ​ശ​ത്തി​ന്‍റെ വ​ക്കി​ലാ​ണെ​ന്ന തി​രി​ച്ച​റി​ഞ്ഞ​തോ​ടെ ആ​മ​ക​ളെ സം​ര​ക്ഷി​ക്കു​ന്ന​തി​ന് ആ​യു​ഷി തു​ട​ങ്ങി​വ​ച്ച ശ്ര​മ​ങ്ങ​ൾ വ​നം​വ​കു​പ്പ് തു​ട​ർ​ന്നു. ബാ​വി​ക്ക​ര​യി​ൽ ജ​ല​വി​ത​ര​ണ​പ​ദ്ധ​തി​യു​ടെ അ​ണ​ക്കെ​ട്ട് പൂ​ർ​ത്തി​യാ​യ​തോ​ടെ പു​ഴ​യി​ൽ വെ​ള്ളം വ​റ്റു​ന്ന സാ​ഹ​ച​ര്യം ഒ​ഴി​വാ​യി.

പാ​ല​പ്പൂ​വ​ൻ ആ​മ​ക​ൾ മു​ട്ട​യി​ടാ​നെ​ത്തു​ന്ന പു​ഴ​യോ​ര​ത്തെ മ​ണ​ൽ​ത്തി​ട്ട​ക​ളി​ൽ സാ​മൂ​ഹ്യ വ​ന​വ​ത്ക​ര​ണ വി​ഭാ​ഗ​ത്തി​ന്‍റെ ആ​ഭി​മു​ഖ്യ​ത്തി​ൽ കൃ​ത്രി​മ​മാ​യി ഹാ​ച്ച​റി​ക​ൾ ഉ​ണ്ടാ​ക്കി. പ​യ​സ്വി​നി​യു​ടെ മാ​ത്രം സ്വ​ത്താ​യ ഭീ​മ​ൻ ആ​മ​ക​ളെ സം​ര​ക്ഷി​ക്കേ​ണ്ട​തി​ന്‍റെ ആ​വ​ശ്യ​ക​ത​യെ​ക്കു​റി​ച്ച് നാ​ട്ടി​ൽ ബോ​ധ​വ​ത്ക​ര​ണ പ​രി​പാ​ടി​ക​ൾ ന​ട​ത്തി. പു​ഴ​യു​ടെ അ​ടി​ത്ത​ട്ടി​ൽ ജീ​വി​ച്ച് അ​ഴു​ക്ക് ഭ​ക്ഷ​ണ​മാ​ക്കി ജ​ല​ശു​ദ്ധീ​ക​ര​ണ​ത്തി​ന് സ​ഹാ​യി​ക്കു​ന്ന ഭീ​മ​ൻ ആ​മ​ക​ളു​ടെ പ്രാ​ധാ​ന്യം വി​ശ​ദീ​ക​രി​ച്ചു. നാ​ട്ടു​കാ​രു​ടെ സ​ഹാ​യ​ത്തോ​ടെ ആ​മ​മു​ട്ട​ക​ൾ​ക​ക് സം​ര​ക്ഷ​ണ​മൊ​രു​ക്കി. ആ​മ​ക​ൾ മു​ട്ട​യി​ടാ​നെ​ത്തു​ന്ന​ത് നി​രീ​ക്ഷി​ക്കാ​ൻ കാ​മ​റ​ക​ൾ സ്ഥാ​പി​ച്ചു.

ഒ​ൻ​പ​ത് ഹാ​ച്ച​റി​ക​ളി​ൽ നി​ന്ന് 18 ആ​മ​ക്കു​ഞ്ഞു​ങ്ങ​ളെ​യാ​ണ് ഈ ​വ​ർ​ഷം ആ​ദ്യ​മാ​യി ല​ഭി​ച്ച​ത്. ഒ​രു മീ​റ്റ​റി​ലേ​റെ നീ​ള​വും നൂ​റ് കി​ലോ​യി​ല​ധി​കം തൂ​ക്ക​വു​മു​ള്ള ഭീ​മ​ൻ ആ​മ​ക​ളാ​ണെ​ങ്കി​ലും കു​ഞ്ഞു​ങ്ങ​ൾ മ​റ്റ് ആ​മ​ക​ളു​ടേ​തു​പോ​ലെ ചെ​റു​താ​ണ്. തി​ങ്ക​ളാ​ഴ്ച ബാ​വി​ക്ക​ര അ​ര​മ​ന​പ്പ​ടി​യി​ൽ ന​ട​ന്ന ച​ട​ങ്ങി​ൽ ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് ബേ​ബി ബാ​ല​കൃ​ഷ്ണ​ന്‍റെ നേ​തൃ​ത്വ​ത്തി​ൽ ഇ​വ​യെ പു​ഴ​യു​ടെ മ​ടി​ത്ത​ട്ടി​ലേ​ക്ക് ഇ​റ​ക്കി​വി​ടു​മ്പോ​ൾ അ​തി​ന് സാ​ക്ഷ്യം വ​ഹി​ക്കാ​ൻ ആ​യു​ഷി​യും എ​ത്തി​യി​രു​ന്നു.

സാ​മൂ​ഹ്യ വ​ന​വ​ത്ക​ര​ണ വി​ഭാ​ഗം ഡെ​പ്യൂ​ട്ടി ഫോ​റ​സ്റ്റ് ക​ൺ​സ​ർ​വേ​റ്റ​ർ പി.​ബി​ജു, ഡെ​പ്യൂ​ട്ടി റേ​ഞ്ച് ഫോ​റ​സ്റ്റ് ഓ​ഫീ​സ​ർ എ​ൻ.​വി.​സ​ത്യ​ൻ, സെ​ക്ഷ​ൻ ഫോ​റ​സ്റ്റ് ഓ​ഫീ​സ​ർ എം.​സു​ന്ദ​ര​ൻ, പ​രി​സ്ഥി​തി പ്ര​വ​ർ​ത്ത​ക​ൻ കെ.​എം. അ​നൂ​പ്, ഡോ.​എ.​അ​നി​ത, ഒ.​എ.​ഗി​രീ​ഷ് കു​മാ​ർ, പാ​ണ്ടി​ക്ക​ണ്ടം ഹ​രി​ത​സ​മി​തി പ്ര​സി​ഡ​ന്‍റ് കെ.​മു​ര​ളീ​ധ​ര​ൻ, അ​രി​യി​ൽ വ​ന​സം​ര​ക്ഷ​ണ സ​മി​തി പ്ര​സി​ഡ​ന്‍റ് പി. ​ശ​ശി​ധ​ര​ൻ നാ​യ​ർ, അ​ബ്ദു​ള്ള ബാ​വി​ക്ക​ര, ടി.​കെ.​മ​ധു എ​ന്നി​വ​ർ നേ​തൃ​ത്വം ന​ല്കി.