ബ​ദി​യ​ടു​ക്ക: ഉ​ക്കി​ന​ടു​ക്ക​യി​ലെ കാ​സ​ർ​ഗോ​ഡ് ഗ​വ. മെ​ഡി​ക്ക​ൽ കോ​ള​ജി​ൽ ഈ ​വ​ർ​ഷം എം​ബി​ബി​എ​സ് പ്ര​വേ​ശ​നം ന​ട​ത്താ​ൻ അ​നു​മ​തി ന​ല്കു​ന്ന​തു​മാ​യി ബ​ന്ധ​പ്പെ​ട്ട പ​രി​ശോ​ധ​ന​ക​ൾ​ക്കാ​യി നാ​ഷ​ണ​ൽ മെ​ഡി​ക്ക​ൽ കൗ​ൺ​സി​ലി​ന്‍റെ സം​ഘം വ​രാ​റാ​യി​ട്ടും മു​ന്നൊ​രു​ക്ക​ങ്ങ​ൾ പൂ​ർ​ത്തി​യാ​യി​ല്ല. കെ​ട്ടി​ടം പൂ​ർ​ത്തി​യാ​യി​ട്ടു​ണ്ടെ​ന്ന​ല്ലാ​തെ ക്ലാ​സു​ക​ൾ ന​ട​ത്താ​നാ​വ​ശ്യ​മാ​യ ഫ​ർ​ണി​ച്ച​റു​ക​ളോ ലാ​ബ് സൗ​ക​ര്യ​മോ ഇ​തു​വ​രെ ഒ​രു​ക്കി​യി​ട്ടി​ല്ല.

ഒ​ന്നാം​വ​ർ​ഷ ക്ലാ​സു​ക​ൾ ന​ട​ത്താ​നാ​വ​ശ്യ​മാ​യ മെ​ഡി​ക്ക​ൽ ഉ​പ​ക​ര​ണ​ങ്ങ​ളും മെ​ഡി​ക്ക​ൽ ജേ​ണ​ലു​ക​ള​ട​ക്ക​മു​ള്ള ലൈ​ബ്ര​റി സം​വി​ധാ​ന​വു​മൊ​ന്നും ഇ​തു​വ​രെ സ​ജ്ജ​മാ​യി​ട്ടി​ല്ല. വി​ദ്യാ​ർ​ഥി​ക​ൾ​ക്കും അ​ധ്യാ​പ​ക​ർ​ക്കു​മാ​വ​ശ്യ​മാ​യ അ​ടി​സ്ഥാ​ന സൗ​ക​ര്യ​ങ്ങ​ൾ പോ​ലും പാ​തി​വ​ഴി​യി​ലാ​ണ്. മെ​ഡി​ക്ക​ൽ കോ​ള​ജി​ൽ ഈ ​വ​ർ​ഷം ത​ന്നെ ക്ലാ​സ് തു​ട​ങ്ങാ​ൻ സം​സ്ഥാ​ന സ​ർ​ക്കാ​ർ ത​ത്വ​ത്തി​ൽ തീ​രു​മാ​നി​ക്കു​ക​യും ആ​രോ​ഗ്യ സ​ർ​വ​ക​ലാ​ശാ​ല​യു​ടെ​യും എ​ൻ​എം​സി​യു​ടെ​യും അ​നു​മ​തി തേ​ടു​ക​യും ചെ​യ്ത​ത​ല്ലാ​തെ ഇ​വി​ടെ അ​ടി​സ്ഥാ​ന സൗ​ക​ര്യ​ങ്ങ​ളൊ​രു​ക്കാ​ൻ ആ​വ​ശ്യ​മാ​യ ഫ​ണ്ട് അ​നു​വ​ദി​ക്കാ​ത്ത​താ​ണ് പ്ര​ശ്ന​മാ​യ​ത്.

കാ​സ​ർ​ഗോ​ഡ് വി​ക​സ​ന പാ​ക്കേ​ജ്, കി​ഫ്ബി, എം​പി ഫ​ണ്ട് എ​ന്നി​വ​യി​ൽ നി​ന്നും ഇ​തി​നാ​വ​ശ്യ​മാ​യ തു​ക ക​ണ്ടെ​ത്താ​നാ​ണ് ജി​ല്ലാ ഭ​ര​ണ​കൂ​ട​വും മെ​ഡി​ക്ക​ൽ വി​ദ്യാ​ഭ്യാ​സ​വ​കു​പ്പും ശ്ര​മി​ക്കു​ന്ന​ത്. കി​ഫ്ബി​യും ഏ​റെ​ക്കു​റെ സാ​മ്പ​ത്തി​ക പ്ര​തി​സ​ന്ധി​യി​ലാ​യ​തി​നാ​ൽ മ​റ്റു ര​ണ്ട് സാ​ധ്യ​ത​ക​ളാ​ണ് അ​ന്വേ​ഷി​ക്കു​ന്ന​ത്. എ​ന്നാ​ൽ കോ​ഴ്സ് തു​ട​ങ്ങാ​നു​ള്ള തീ​രു​മാ​നം പെ​ട്ടെ​ന്നാ​യി​പ്പോ​യ​തി​നാ​ൽ ഈ ​ര​ണ്ട് വ​ഴി​ക​ളി​ലും ഫ​ണ്ട് അ​നു​വ​ദി​ച്ചു​കി​ട്ടാ​നു​ള്ള സാ​വ​കാ​ശം കി​ട്ടാ​ത്ത​താ​ണ് ഇ​പ്പോ​ൾ പ്ര​ശ്ന​മാ​കു​ന്ന​ത്.

മെ​ഡി​ക്ക​ൽ കോ​ള​ജി​ന്‍റെ ടീ​ച്ചിം​ഗ് ആ​ശു​പ​ത്രി​യാ​യി പ്ര​ഖ്യാ​പി​ച്ച കാ​സ​ർ​ഗോ​ഡ് ജ​ന​റ​ൽ ആ​ശു​പ​ത്രി​യി​ൽ എ​ൻ​എം​സി മാ​ന​ദ​ണ്ഡ​ങ്ങ​ൾ പ്ര​കാ​ര​മു​ള്ള സൗ​ക​ര്യ​ങ്ങ​ളെ​ല്ലാം ഒ​രു​ക്കി​യി​ട്ടു​ണ്ടെ​ന്ന​ത് മാ​ത്ര​മാ​ണ് അ​ധി​കൃ​ത​രു​ടെ ആ​ശ്വാ​സം. എ​ന്നാ​ൽ മെ​ഡി​ക്ക​ൽ കോ​ള​ജി​ൽ ആ​വ​ശ്യ​മാ​യ സൗ​ക​ര്യ​ങ്ങ​ളി​ലെ​ന്നു വ​ന്നാ​ൽ ഈ ​വ​ർ​ഷം പ്ര​വേ​ശ​നം ന​ട​ത്തു​ന്ന​തി​നു​ള്ള അ​നു​മ​തി കി​ട്ടാ​ൻ ബു​ദ്ധി​മു​ട്ടാ​യി​രി​ക്കും.