പേ​ര​ട്ട: പേ​ര​ട്ട ബ​സ് സ്റ്റാ​ന്‍ഡി​ൽ ഡ്രൈ​വ​ർ​മാ​ർ ന​ട്ട് പ​രി​പാ​ലി​ച്ചു​പോ​ന്ന ചെ​ടി​ക​ൾ മോ​ഷ​ണം പോയി. ക​ഴി​ഞ്ഞ ദി​വ​സ​ം രാ​ത്രി​യി​ലാണ് സാ​മൂ​ഹ്യ​വി​രു​ദ്ധ​ർ ചെ​ടി​ക​ൾ ന​ശി​പ്പി​ച്ച ശേ​ഷം പൂ​ച്ച​ട്ടി​ക​ൾ മോ​ഷ്ടി​ക്കു​ക​യും ചെ​യ്തു. 4000 രൂ​പ മു​ട​ക്കി സ്ഥാ​പി​ച്ച ചെ​ടി​ക​ളാ​ണ് പ​ല​പ്പോ​ഴാ​യി പൂ​ർ​ണ്ണ​മാ​യും മോ​ഷ​ണം പോ​കു​ക​യും ന​ശി​പ്പി​ക്കു​ക​യും ചെ​യ്തി​രി​ക്കു​ന്ന​ത്.

ചെ​ടി​ക​ൾ ന​ന​ക്കു​ന്ന​തി​നാ​യി വാ​ങ്ങി​യ 1500 രൂ​പ​യു​ടെ പൈ​പ്പും മോ​ഷ​ണം പോ​യി​രു​ന്നു. പേ​ര​ട്ട​യി​ൽ സ്ഥി​രം പോ​ലീ​സ് സം​വി​ധാ​നം വേ​ണ​മെ​ന്ന ജ​ന​ങ്ങളു​ടെ ആ​വ​ശ്യം പ​രി​ഗ​ണി​ക്കാത്തതിലും ചെ​ടി​ക​ൾ ന​ശി​പ്പി​ക്കു​ന്ന​തി​നും എ​തി​രെ വാ​ർ​ഡ് മെ​ംബർ ബി​ജു വെ​ങ്ങ​ല​പ​ള്ളി​യു​ടെ നേ​തൃ​ത്വ​ത്തി​ൽ ഡ്രൈ​വ​ർ​മാ​രും പൊ​തു​പ്ര​വ​ർ​ത്ത​ക​രും ടൗണിൽ പ്ര​തി​ഷേ​ധി​ച്ചു. മ​ദ്യ​വും മ​യ​ക്കു​മ​രു​ന്നും ഉ​പ​യോ​ഗി​ക്കു​ന്ന​വ​രു​ടെ എ​ണ്ണം ഈ ​മേ​ഖ​ല​യി​ൽ വ​ർ​ധി​ക്കു​ന്ന​താ​യും പോ​ലീ​സി​ന്‍റെ സാ​ന്നി​ധ്യം ഇ​ല്ലാ​ത്ത​തു​കൊ​ണ്ട് രാ​ത്രി​കാ​ല​ങ്ങ​ളി​ൽ ഇ​വ​രു​ടെ ശ​ല്ല്യം വർധിക്കു​ന്ന​താ​യും വാ​ർ​ഡ് മെ​ംബർ​ അം​ഗം ബി​ജു വെ​ങ്ങ​ല​പ്പ​ള്ളി പ​റ​ഞ്ഞു.

പോ​ലീ​സ് സ്റ്റേ​ഷ​നി​ൽ വി​വ​രം അ​റി​യി​ച്ചാ​ൽ പോ​ലും എ​ട്ട് കി​ലോ​മീ​റ്റ​ർ ദൂ​ര​ത്തു​നി​ന്നും പോ​ലീ​സ് എ​ത്തു​മ്പോ​ഴേ​ക്കും അ​ക്ര​മി​ക​ൾ ര​ക്ഷ​പ്പെ​ട്ടി​രി​ക്കും. അ​ഞ്ചു മാ​സ​ങ്ങ​ൾ​ക്ക് മു​ൻ​പ് പേ​ര​ട്ട​യി​ലെ സ്വ​കാ​ര്യ ധ​ന​കാ​ര്യ സ്ഥാ​പ​ന​ത്തി​ൽ ക​ളി​ത്തോ​ക്ക് ചൂ​ണ്ടി ജോ​ലി​ക്കാ​രി​യെ ഭീ​ക്ഷ​ണി​പ്പെ​ടു​ത്തി പ​ണം ത​ട്ടാ​ൻ ശ്ര​മം ന​ട​ന്നി​രു​ന്നു.