നെ​ല്ലി​ക്കു​റ്റി: ഏ​റ്റു​പാ​റ​യി​ലെ അ​പ്പ​ച്ച​ന്‍റെ വീ​ട്ടി​ലെ​ത്തി​യാ​ൽ ഒ​രു പ​ക്ഷി ഗ​വേ​ഷ​ണ​ശാ​ല​യി​ലെ​ത്തി​യ പ്ര​തീ​തി​യാ​ണ്. വി​വി​ധ​യി​നം പ​ക്ഷി​ക​ളു​ടെ ശ​ബ്ദ​കോ​ലാ​ഹ​ല​ങ്ങ​ളാ​ൽ മു​ഖ​രി​ത​മാ​ണ് വീ​ടും പ​രി​സ​ര​വും. വീ​ട്ടു​മു​റ്റ​ത്തു​ത​ന്നെ ര​ണ്ടു നി​ല​ക​ളി​ലാ​യി സ​ജ്ജ​മാ​ക്കി​യി​ട്ടു​ള്ള ഇ​രു​മ്പു​വ​ല കൂ​ടു​ക​ളി​ലാ​ണ് നൂ​റു​ക​ണ​ക്കി​നു പ​ക്ഷി​ക​ളെ സം​ര​ക്ഷി​ച്ചി​ട്ടു​ള്ള​ത്.

ഏ​റ്റു​പാ​റ​യി​ലെ ആ​ദ്യ​കാ​ല ക​ർ​ഷ​ക കു​ടും​ബാം​ഗ​മാ​യ അ​ട്ട​ങ്ങാ​ട്ടി​ൽ എ.​ജെ.​ജോ​സ​ഫ് എ​ന്ന അ​പ്പ​ച്ച​ൻ ബാ​ല്യ​കാ​ലം മു​ത​ലേ ഒ​രു പ​ക്ഷി നി​രീ​ക്ഷ​ക​നും സം​ര​ക്ഷ​ക​നു​മാ​യി​രു​ന്നു. മു​ൻ​കാ​ല​ങ്ങ​ളി​ൽ മ​ല​യോ​ര​ങ്ങ​ളി​ലെ വ​ലി​യ മ​ര​ങ്ങ​ളു​ടെ മു​ക​ളി​ൽ പ​ല​ത​രം കാ​ട്ടു​പ​ക്ഷി​ക​ളു​ടെ കൂ​ടു​ക​ളി​ൽ മു​ട്ട​വി​രി​ഞ്ഞു​ണ്ടാ​കു​ന്ന കു​ഞ്ഞു​ങ്ങ​ളെ കാ​ക്ക, പ​രു​ന്ത് തു​ട​ങ്ങി​യ​വ ആ​ക്ര​മി​ക്കു​ന്ന​ത് പ​തി​വാ​യി​രു​ന്നു. മ​ര​ത്തി​ലെ ക​ടു​ക​ളി​ൽ​നി​ന്നു താ​ഴെ വീ​ണു പ​രി​ക്കേ​ൽ​ക്കു​ന്ന പ​ക്ഷി​ക്കു​ഞ്ഞു​ങ്ങ​ളെ സം​ര​ക്ഷി​ച്ച് പ​രി​പാ​ലി​ക്കാ​ൻ ത​യാ​റാ​യ​തോ​ടെ​യാ​ണ് അ​പ്പ​ച്ച​ന് പ​ക്ഷി​ക​ളോ​ടു​ള്ള ഇ​ഷ്ടം കൂ​ടി​യ​ത്.

പി​ന്നീ​ട് ഇ​ന്ത്യ​ൻ പ​ക്ഷി​ക​ളെ സ്വ​കാ​ര്യ വ്യ​ക്തി​ക​ൾ വ​ള​ർ​ത്തു​ന്ന​തി​ന് നി​രോ​ധ​നം വ​ന്ന​പ്പോ​ഴാ​ണ് അ​പ്പ​ച്ച​ൻ വി​ദേ​ശ​പ​ക്ഷി​ക​ളെ വാ​ങ്ങി വ​ള​ർ​ത്താ​ൻ തു​ട​ങ്ങി​യ​ത്. ഒ​രു ദ​ശാ​ബ്ദ​ത്തി​ലേ​റെ​ക്കാ​ല​മാ​യി പ​ന്ത്ര​ണ്ടോ​ളം ഇ​ന​ങ്ങ​ളി​ലാ​യു​ള്ള വി​ദേ​ശ പ​ക്ഷി​ക​ൾ അ​പ്പ​ച്ച​ന്‍റെ സം​ര​ക്ഷ​ണ​ത്തി​ലു​ണ്ട്. ര​ണ്ടു​വ​ർ​ഷം മു​മ്പാ​ണ് ഇ​വ​യെ വ​ള​ർ​ത്തു​ന്ന​വ​ർ​ക്ക് വ​നം​വ​കു​പ്പ് ലൈ​സ​ൻ​സ് നി​ർ​ബ​ന്ധ​മാ​ക്കി​യ​ത്. ജോ​ഡി​ക്ക് 300 മു​ത​ൽ ഒ​ന്ന​ര ല​ക്ഷം രൂ​പ വ​രെ വി​പ​ണി വി​ല​യു​ള്ള പ​ക്ഷി​ക​ളാ​ണ് അ​പ്പ​ച്ച​ന്‍റെ ശേ​ഖ​ര​ത്തി​ലു​ള്ള​ത്. ഇ​ൻ​ഡോ​നേ​ഷ്യ, ആ​ഫ്രി​ക്ക, തെ​ക്കേ അ​മേ​രി​ക്ക, ഫ്ലോ​റി​ഡ, ബ്ര​സീ​ൽ, ഓ​സ്ട്രേ​ലി​യ തു​ട​ങ്ങി​യ രാ​ജ്യ​ങ്ങ​ളി​ൽ നി​ന്ന് വ​ള​ർ​ത്തു പ​ക്ഷി​ക​ളെ ഇ​റ​ക്കു​മ​തി ചെ​യ്യു​ന്ന കോ​യ​മ്പ​ത്തൂ​ർ, കോ​ൽ​ക്ക​ത്ത എ​ന്നി​വി​ട​ങ്ങ​ളി​ലെ ഏ​ജ​ൻ​സി​ക​ളി​ൽ നി​ന്നാ​ണ് ഇ​ദ്ദേ​ഹം വി​വി​ധ​യി​നം പ​ക്ഷി​ക​ളെ വാ​ങ്ങി​യി​ട്ടു​ള്ള​ത്.

ആ​ഫ്രി​ക്ക​ൻ ഗ്രേ ​പാ​ര​റ്റ് എ​ന്ന​യി​നം ചാ​ര​നി​റ​മു​ള്ള ത​ത്ത​യാ​ണ് നി​ല​വി​ലു​ള്ള പ​ക്ഷി​ക​ളി​ൽ ഏ​റ്റ​വും വ​ലു​ത്. ഇ​തി​ന്‍റെ കു​ഞ്ഞി​ന് നാ​ൽ​പ്പ​തി​നാ​യി​ര​വും പൂ​ർ​ണ വ​ള​ർ​ച്ച​യെ​ത്തി​യ​തി​ന് ഒ​ന്ന​ര ല​ക്ഷ​വും ജോ​ഡി​ക്ക് വി​ല​യു​ണ്ട്‌. ലോ​ക​ത്തി​ലെ ഏ​തു ഭാ​ഷ​യി​ലും കേ​ട്ടു​പ​ഠി​ച്ച് സം​സാ​രി​ക്കാ​ൻ ക​ഴി​വു​ള്ള​താ​ണ് ഈ​യി​നം ത​ത്ത. കൂ​ടാ​തെ കൊ​ണ്യൂ​ർ, സ​ൺ കൊ​ണ്യൂ​ർ, കൊ​ക്ക​റ്റ​യി​ൽ എ​ന്നീ​യി​നം ത​ത്ത​ക​ൾ, ജാ​വാ സ്പാ​രോ എ​ന്ന​യി​നം കു​രു​വി​ക​ൾ, ഡ​യ​മ​ണ്ട് ഡോ​വ് പ്രാ​വു​ക​ൾ, ചെ​റി​യ ഇ​നം അ​ല​ങ്കാ​ര പ​ക്ഷി​ക​ളാ​യ ആ​ഫ്രി​ക്ക​ൻ ലൗ ​ബേ​ർ​ഡ്, ഓ​സ്ട്രേ​ലി​യ​ൻ ലൗ ​ബേ​ർ​ഡ് എ​ന്നി​യേ​യും വ​ള​ർ​ത്തി പ്ര​ജ​ന​നം ന​ട​ത്തി വ​രു​ന്നു​ണ്ട്. ചെ​റു​ധാ​ന്യ​ങ്ങ​ൾ, പ​ഴ​വ​ർ​ഗ​ങ്ങ​ൾ, എ​ഗ് ഫു​ഡ്, ഹാ​ൻ​ഫീ​ഡ്, സാ​ധാ​ര​ണ പ​ച്ച വെ​ള്ളം എ​ന്നി​വ കൂ​ടാ​തെ രോ​ഗ പ്ര​തി​രോ​ധ​ശേ​ഷി​ക്കാ​യി തു​ള​സി, പ​നി​ക്കൂ​ർ​ക്ക, പു​തി​ന, മ​ല്ലി എ​ന്നി​വ​യു​ടെ ഇ​ല​ക​ളും പ​ക്ഷി​ക​ൾ​ക്ക് ഭ​ക്ഷ​ണ​മാ​യി ന​ൽ​കാ​റു​ണ്ട്.

ഇ​വി​ടെ മു​ട്ട വി​രി​ഞ്ഞു​ണ്ടാ​കു​ന്ന പ​ക്ഷി​ക്കു​ഞ്ഞു​ങ്ങ​ളെ ആ​വ​ശ്യ​ക്കാ​ർ​ക്ക് വി​ല്പ​ന ന​ട​ത്തു​ക​യാ​ണ് ചെ​യ്യാ​റു​ള്ള​ത്. കോ​വി​ഡ് പ്ര​തി​സ​ന്ധി​യു​ടെ നാ​ളു​ക​ൾ വ​രെ പ​ക്ഷി​ക്കു​ഞ്ഞു​ങ്ങ​ളു​ടെ വി​പ​ണ​ന​ത്തി​ലൂ​ടെ മി​ക​ച്ച വ​രു​മാ​ന​വും ല​ഭി​ച്ചി​രു​ന്നു. കോ​വി​ഡി​നു ശേ​ഷം പൊ​തു​വെ വി​പ​ണി​യി​ലു​ണ്ടാ​യ മാ​ന്ദ്യം മൂ​ലം ചെ​റു പ​ക്ഷി​ക​ൾ​ക്ക് ആ​വ​ശ്യ​ക്കാ​ർ കു​റ​ഞ്ഞി​ട്ടു​ണ്ട്. വ​ലി​യ ഇ​ന​ങ്ങ​ൾ അ​ന്വേ​ഷി​ച്ച് ആ​വ​ശ്യ​ക്കാ​രെ​ത്തു​ന്നു​ണ്ടെ​ന്നും അ​പ്പ​ച്ച​ൻ പ​റ​ഞ്ഞു. പ​ക്ഷി വ​ള​ർ​ത്ത​ലി​നൊ​പ്പം പു​തു​താ​യി വ്യ​ത്യ​സ്ത​യി​നം ഗ​പ്പി, അ​ല​ങ്കാ​ര മ​ത്സ്യ​ങ്ങ​ൾ എ​ന്നി​വ​യു​ടെ ഉ​ത്പാ​ദ​ന​വും ആ​രം​ഭി​ക്കാ​നു​ള്ള ഒ​രു​ക്ക​ങ്ങ​ൾ ന​ട​ത്തി വ​രു​ന്ന അ​പ്പ​ച്ച​ന്‍റെ പ്ര​വ​ർ​ത്ത​ന​ങ്ങ​ളി​ൽ സ​ഹാ​യി​യാ​യി ഭാ​ര്യ അ​ന്ന​മ്മ​യും ഒ​പ്പ​മു​ണ്ട്. ഫോ​ൺ : 9446262910.

സ്വന്തം ലേഖകൻ