ത​ല​ശേി: ജി​ല്ല​യി​ലെ ഏ​റ്റവും വ​ലി​യ കൗ​മാ​ര​ക​ലോ​ത്സ​വ​ത്തി​നാ​ണ് ത​ല​ശേ​രി ആ​തി​ഥേ​യ​ത്വം വ​ഹി​ക്കു​ന്ന​ത്. ആ​ദ്യദി​വ​സ​മാ​യ ഇ​ന്ന​ലെ ര​ച​നാ മ​ത്സ​ര​ങ്ങ​ളും കേ​ര​ള ന​ട​നം, മോ​ഹി​നി​യാ​ട്ടം, ഓ​ട്ട​ൻ​തു​ള്ള​ൽ, വ​ട്ട​പ്പാ​ട്ട് ,പൂ​ര​ക്ക​ളി എ​ന്നി​വ അ​ര​ങ്ങേ​റി.

ഇ​ന്ന് മോ​ഹി​നി​യാ​ട്ടം, സം​ഘ​നൃ​ത്തം, സം​ഘ​ഗാ​നം , സം​ഭാ​ഷ​ണം, പാ​ഠ​കം, പ​ദ്യം ചൊ​ല്ല​ൽ, ഗാ​നാ​ലാ​പ​നം പ​ദ്യം, പ്ര​സം​ഗം, നാ​ടോ​ടി നൃ​ത്തം, അ​ക്ഷ​ര ശ്ലോ​കം, ഖു​ർ ആ​ൻ പാ​രാ​യ​ണം, നാ​ട​കം (അ​റ​ബി​ക്), നാ​ട​ൻ പാ​ട്ട്, ദേ​ശ​ഭ​ക്തി ഗാ​നം, കോ​ൽ​ക്ക​ളി , ചെ​ണ്ട താ​യ​മ്പ​ക, ചെ​ണ്ട​മേ​ളം, ഓ​ട​ക്കു​ഴ​ൽ, ഗി​ത്താ​ർ, വീ​ണ എ​ന്നീ വി​ഭാ​ഗ​ങ്ങ​ളി​ലെ മ​ത്സ​ര​ങ്ങ​ൾ ന​ട​ക്കും.

ന​ഗ​ര​ത്തി​ലെ 17 വേ​ദി​ക​ളി​ലാ​യി 8639 വി​ദ്യാ​ർ​ഥി പ്ര​തി​ഭ​ക​ളാ​ണ് മാ​റ്റു​ര​ക്കു​ന്ന​ത്. ക​ലോ​ത്സ​വ​ത്തി​ന്‍റെ ഔ​പ​ചാ​രി​ക ഉ​ദ്ഘാ​ട​നം ത​ല​ശേ​രി ഗു​ണ്ട​ർ​ട്ട് റോ​ഡി​ലു​ള്ള സേ​ക്ര​ഡ് ഹാ​ർ​ട്ട് ഹ​യ​ർ സെ​ക്ക​ൻ​ഡ​റി​യി​ൽ ഇ​ന്ന് ഉ​ച്ച​ക​ഴി​ഞ്ഞ് മൂ​ന്നി​ന് സ്പീ​ക്ക​ർ എ.​എ​ൻ.​ഷം​സീ​ർ നി​ർ​വ​ഹി​ക്കും.

ത​ല​ശേ​രി നോ​ർ​ത്ത് മു​ന്നി​ൽ

ത​ല​ശേ​രി: ക​ലോ​ത്സ​വ​ത്തി​ൽ ഇ​ഞ്ചോ​ടി​ച്ച് പോ​രാ​ട്ട​വു​മാ​യി സ​ബ്ജി​ല്ല​ക​ളും സ്കൂ​ളു​ക​ളും. ആ​ദ്യ​ദി​വ​സ​ത്തെ മ​ത്സ​ര​ഫ​ല​ങ്ങ​ൾ വ​ന്ന​പ്പോ​ൾ 227 പോ​യി​ന്‍റു​മാ​യി ത​ല​ശേ​രി നോ​ർ​ത്ത് മു​ന്നി​ലാ​ണ്.
226 പോ​യി​ന്‍റ് വീ​തം നേ​ടി​യ ക​ണ്ണൂർ നോ​ർ​ത്ത്, പാ​നൂ​ർ സ​ബ്ജി​ല്ല​ക​ൾ ര​ണ്ടാം സ്ഥാ​ന​ത്തും 220 പോ​യി​ന്‍റു​മാ​യി ഇ​രി​ട്ടി മൂ​ന്നാം സ്ഥാ​ന​ത്തു​മു​ണ്ട്. 218 പോ​യി​ന്‍റു​​മാ​യി പ​യ്യ​ന്നൂ​രാ​ണ് നാ​ലാ സ്ഥാ​ന​ത്ത്.

സ്കൂ​ൾ വി​ഭാ​ഗ​ത്തി​ൽ103 പോ​യി​ന്‍റ് നേ​ടി​യ മ​ന്പ​റം എ​ച്ച്എ​സ്എ​സാ​ണ് മു​ന്നി​ൽ. 96 പോ​യി​ന്‍റു​മാ​യി മൊ​കേ​രി രാ​ജീ​വ് ഗാ​ന്ധി മെ​മ്മോ​റി​യ​ൽ സ്കൂ​ൾ ര​ണ്ടാം സ്ഥാ​ന​ത്തും 89 പോ​യി​ന്‍റു​നേ​ടി പെ​ര​ള​ശേ​രി എ​കെ​ജി എ​ച്ച്എ​സ്എ​സ് മൂ​ന്നാം സ്ഥാ​ന​ത്തു​മു​ണ്ട്.

മൈ​ക്കിനെ ചൊല്ലി ‘തു​ള്ള​ൽ’

ത​ല​ശേ​രി: ഓ​ട്ട​ൻ​തു​ള്ള​ൽ എ​ച്ച്എ​സ്എ​സ് വി​ഭാ​ഗം മ​ത്സ​ര​ത്തി​നി​ടെ മൈ​ക്ക് സം​ബ​ന്ധി​ച്ച് ത​ർ​ക്കം. ഒ​ന്നാ​മ​താ​യി വേ​ദി​യി​ലെ​ത്തി​യ തോ​ട്ട​ട ഗ​വ.​എ​ച്ച്എ​സ്എ​സി​ലെ പ്ല​സ് വ​ൺ വി​ദ്യാ​ർ​ഥി​നി​ ഗാ​യ​ത്രി തു​ള്ള​ൽ അ​വ​ത​രി​പ്പി​ക്കു​ന്ന​തി​നി​ടെ​യാ​യി​രു​ന്നു മൈ​ക്ക് സം​ബ​ന്ധി​ച്ച ത​ർ​ക്കം. വേ​ദി​യി​ലെ ര​ണ്ട് മൈ​ക്കു​ക​ളി​ൽ ഒ​ന്ന് മാ​ത്ര​മാ​ണ് ഓ​ണാ​ക്കി​യ​തെ​ന്നും മ​റ്റൊ​ന്നി​ന്‍റെ ശ​ബ്ദം കു​റ​ച്ചു​വ​ച്ചു​വെ​ന്നു​മാ​ണ് ആ​ദ്യം പ​രാ​തി​യു​യ​ർ​ന്ന​ത്.

ഇ​ക്കാ​ര്യം കു​ട്ടി​യു​ടെ ര​ക്ഷി​താ​ക്ക​ൾ ശ്ര​ദ്ധ​യി​ൽ​പ്പെ​ടു​ത്തി​യ​പ്പോ​ൾ പി​ൻ​പാ​ട്ട് പാ​ട്ടു​ന്ന​വ​രു​ടെ​യും മേ​ള​ക്കാ​രു​ടെ​യും മൈ​ക്കി​ന്‍റെ ശ​ബ്ദം കൂ​ട്ടി പ​രി​പാ​ടി അ​ല​ങ്കോ​ല​മാ​ക്കാ​ൻ ആ​സൂ​ത്രി​ത​മാ​യ നീ​ക്കം ന​ട​ത്തി​യ​താ​യും ആ​രോ​പ​ണ​മു​ണ്ട്. മ​ത്സ​രാ​ർ​ഥി​യു​ടെ ര​ക്ഷി​താ​ക്ക​ളും സ്കൂ​ളി​ലെ അ​ധ്യ​പ​ക​രും ഇ​ക്കാ​ര്യം ചൂ​ണ്ടി​ക്കാ​ട്ടി പ്ര​തി​ഷേ​ധി​ച്ച​ത് വാ​ക്ക് ത​ർ​ക്ക​ത്തി​നും ഇ​ട​യാ​ക്കി. മൈ​ക്ക് സ​ജ്ജീ​ക​രി​ക്കു​ന്ന​തി​ൽ വീ​ഴ്ച വ​രു​ത്തി​യ​താ​യി കാ​ണി​ച്ച് മ​ത്സ​രാ​ർ​ഥി വി​ദ്യാ​ഭ്യാ​സ ഡെ​പ്യൂ​ട്ടി ഡ​യ​റ​ക്ട​ർ​ക്ക് പ​രാ​തി ന​ൽ​കി. മ​ത്സ​ര​ത്തി​ൽ ഗാ​യ​ത്രി​ക്ക് എ ​ഗ്രേ​ഡും മൂ​ന്നാം​സ്ഥാ​ന​വും ല​ഭി​ച്ചു. മ​ത്സ​ര​ഫ​ലം സം​ബ​ന്ധി​ച്ച് ഗാ​യ​ത്രി അ​പ്പീ​ൽ ന​ൽ​കി​.

ബാ​ല​പാ​ഠവുമായി അമ്മ; മി​ന്നും ജ​യവുമായിമ​കൻ

ത​ല​ശേ​രി: ഓ​ട്ട​ൻ​തു​ള്ള​ലി​ൽ അ​മ്മ​യു​ടെ പാ​ത​യി​ൽ മ​ക​ന് മി​ന്നും വി​ജ​യം. ഹ​യ​ർ​സെ​ക്ക​ൻ​ഡ​റി വി​ഭാ​ഗം ഓ​ട്ട​ൻ​തു​ള്ള​ലി​ൽ അ​ങ്ങാ​ടി​ക്ക​ട​വ് സേ​ക്ര​ഡ് ഹാ​ർ​ട്ട് എ​ച്ച്എ​സ്എ​സി​ലെ പ്ല​സ് വ​ൺ ഹ്യു​മാ​നി​റ്റി​സ് വി​ദ്യാ​ർ​ഥി ജോ​യ്സ് ജോ​സ് ആ​ണ് അ​മ്മ​യു​ടെ വ​ഴി​യേ സ​ഞ്ച​രി​ച്ച് ഒ​ന്നാം സ്ഥാ​നം ക​ര​സ്ഥ​മാ​ക്കി​യ​ത്. ഓ​ട്ട​ൻ​തു​ള്ള​ലി​ൽ ആ​ദ്യ​മാ​യാ​ണ് ജോ​യ്സ് ജി​ല്ലാ​ത​ല​ത്തി​ൽ മ​ത്സ​രി​ക്കു​ന്ന​ത്. നൃ​ത്താ​ധ്യാ​പി​ക​യാ​യ അ​മ്മ ജി​ജി ജോ​സാ​ണ് ബാ​ല​പാ​ഠം പ​ക​ർ​ന്ന​ത്.

ജി​ജി ഹൈ​സ്കൂ​ൾ വി​ദ്യാ​ർ​ഥി​നി​യാ​യി​രി​ക്കെ ഓ​ട്ട​ൻ​തു​ള്ള​ലി​ൽ സം​സ്ഥാ​ന ത​ല​ത്തി​ൽ മൂ​ന്നാം സ്ഥാ​നം നേ​ടി​യി​രു​ന്നു. ഇ​പ്പോ​ഴും നൃ​ത്ത​ക​ലാ പ​രി​ശീ​ല​ന​ത്തി​ൽ സ​ജീ​വ​മാ​ണ്. ജി​ജി​യു​ടെ ശി​ഷ്യ​ർ വ്യാ​ഴാ​ഴ്ച ന​ട​ക്കു​ന്ന മാ​ർ​ഗം​ക​ളി മ​ത്സ​ര​ത്തി​ൽ മാ​റ്റു​ര​യ്ക്കു​ന്നു​ണ്ട്. ചെ​റു​പ്പ​ത്തി​ൽ ത​ന്നെ അ​മ്മ​യി​ൽ നി​ന്ന് ക​ലാ​താ​ത്പ​ര്യം കൈ​മാ​റി കി​ട്ടി​യ ജോ​യ്സിന് ചു​രു​ങ്ങി​യ മാ​സ​ങ്ങ​ൾ കൊ​ണ്ട് ക​ലാ​മ​ണ്ഡ​ലം മ​ഹേ​ന്ദ്ര​ന്‍റെ ശി​ക്ഷ​ണ​ത്തി​ൽ തു​ള്ള​ൽ​ക​ല അ​ഭ്യ​സി​ക്കാ​ൻ സാ​ധി​ച്ചു.

ക​ലോ​ത്സ​വ​ത്തി​ന് വേ​ണ്ടി ഒ​രു മാ​സ​മെ​ടു​ത്താ​ണ് ഓ​ട്ട​ൻ​തു​ള്ള​ൽ ജോ​യ്സ് പ​ഠി​ച്ച​ത്. ഹ​യ​ർ​സെ​ക്ക​ൻ​ഡ​റി വി​ഭാ​ഗ​ത്തി​ൽ മൂ​ന്നു കു​ട്ടി​ക​ളാ​ണ് ഓ​ട്ട​ൻ​തു​ള്ള​ൽ പ​ങ്കെ​ടു​ത്ത​ത്. എ​ടൂ​ർ സ്വ​ദേ​ശി പ​രേ​ത​നാ​യ ക​ള​മു​ണ്ട​യി​ൽ ജോ​സൂ​ട്ടി​യാ​ണ് പി​താ​വ്. സ​ഹോ​ദ​ര​ങ്ങ​ളാ​യ ജ്യോ​തി​സ്, ജോ​ബി​സ് എ​ന്നി​വ​രും ക​ലോ​ത്സ​വ വേ​ദി​ക​ളി​ൽ സ​ജീ​വ​മാ​ണ്.

സം​ഗീ​ത സാ​ന്ദ്ര​ം ഊ​ട്ടു​പു​ര

ത​ല​ശേ​രി: ക​ലോ​ത്സ​വ​ത്തി​ന്‍റെ ഊ​ട്ടു​പു​ര​യി​ൽ എ​ത്തി​യാ​ൽ മ​ന​സും നി​റ​യും. രാ​ഘ​വ​ൻ മാ​ഷി​ന്‍റെ ഓ​ർ​മ​ക​ളി​ൽ ഊ​ട്ടു​പു​ര​യു​ടെ പ​രി​സ​ര​ത്ത് ‘പാ​ട്ടും പാ​യ​സ​വും' എ​ന്ന പേ​രി​ട്ട് കെ​പി​എ​സ്ടി​എ ക​ൾ​ച്ച​റ​ൽ ഫോ​റം സം​ഗീ​ത വി​രു​ന്നൊ​രു​ക്കി​യാ​ണ് ഭ​ക്ഷ​ണം ക​ഴി​ക്കാ​ൻ വ​രു​ന്ന​വ​രെ സ്വീ​ക​രി​ക്കു​ന്ന​ത്. അ​ധ്യാ​പ​ക​ർ​ക്ക് മാ​ത്ര​മ​ല്ല ഇ​വി​ടെ എ​ത്തു​ന്ന എ​ല്ലാ​വ​ർ​ക്കും രാ​ഘ​വ​ൻ മാ​ഷി​ന്‍റെ പാ​ട്ടു​ക​ൾ പാ​ടാം. ആ​ദ്യ​മാ​യാ​ണ് ക​ലോ​ത്സ​വ ഊ​ട്ടു​പു​ര​യി​ൽ സം​ഗീ​ത വി​രു​ന്നൊ​രു​ക്കു​ന്ന​ത്.

ല​ഹ​രി​ക്കെ​തി​രേ കൃ​ഷ്‌​ണേ​ന്ദു

ത​ല​ശേ​രി: ത​ല​ശേ​രി ന​ഗ​രം ക​ലോ​ത്സ​വ ല​ഹ​രി​യി​ലാ​ണ്. എ​ന്നാ​ൽ ഈ ​തി​ര​ക്കി​ൽ നി​ന്നെ​ല്ലാം മാ​റി സേ​ക്ര​ഡ് ഹാ​ർ​ട്ട് സ്‌​കൂ​ളി​ന്‍റെ ചു​വ​രി​ൽ ഒ​രു കു​ട്ടി ചി​ത്രം വ​ര​യ്ക്കു​ന്നു​ണ്ട്. ക​ലോ​ത്സ​വ​ത്തി​ന്‍റെ ഏ​തോ മ​ത്സ​ര ഇ​നം ആ​ണെ​ന്നാ​ണ് ആ​ദ്യം ക​രു​തി​യ​ത്.

എ​ന്നാ​ൽ ല​ഹ​രി​ക്ക്‌ അ​ടി​മ​പ്പെ​ടാ​തെ കു​ട്ടി​ക​ളെ നേ​ർ​വ​ഴി​ക്ക്‌ ന​ട​ത്തു​ന്ന പോ​ലീ​സി​ന്‍റെ​യും കു​ട്ടി​യു​ടെ​യും ചി​ത്ര​മാ​ണ്‌ ചു​വ​രി​ൽ വ​ര​ച്ച​ത്‌. ജി​ല്ലാ​ക​ലോ​ത്സ​വ​ത്തി​ന്‍റെ തി​ര​ക്കി​ൽ വി​ദ്യാ​ർ​ഥി​ക​ളും അ​ധ്യാ​പ​ക​രും ര​ക്ഷി​താ​ക്ക​ളും ഉ​ൾ​പ്പെ​ടെ അ​തു​വ​ഴി ക​ട​ന്നു​പോ​കു​ന്ന​വ​രെ​ല്ലാം ഒ​രു നി​മി​ഷം നോ​ക്കി​നി​ന്നു.​സേ​ക്ര​ഡ് ഹാ​ർ​ട്ട് സ്‌​കൂ​ളി​ലെ ഒ​മ്പ​താം ക്ലാ​സ്‌ വി​ദ്യാ​ർ​ഥി​നി കെ.​കൃ​ഷ്‌​ണേ​ന്ദു​വാ​ണ്‌ ചി​ത്ര​കാ​രി. സ്‌​റ്റു​ഡ​ന്‍റ് പോ​ലീ​സ്‌ കേ​ഡ​റ്റും വി​മു​ക്തി​യും ചേ​ർ​ന്ന്‌ സ്‌​കൂ​ളു​ക​ളി​ൽ ചു​മ​ർ​ചി​ത്ര​ര​ച​ന മ​ത്സ​രം ന​ട​ത്തു​ന്നു​ണ്ട്‌. ഇ​തി​ന്‍റെ ഭാ​ഗ​മാ​യാ​ണ്‌ കൃ​ഷ്ണേ​ന്ദു ചി​ത്ര​ര​ച​ന ന​ട​ത്തി​യ​ത്.മൂ​ന്നാം​ക്ലാ​സ്‌ മു​ത​ൽ ചി​ത്ര​ര​ച​ന മ​ത്സ​ര​ത്തി​ൽ പ​ങ്കെ​ടു​ക്കു​ന്ന കൃ​ഷ്‌​ണേ​ന്ദു ഊ​ർ​ജ​സം​ര​ക്ഷ​ണ​വ​കു​പ്പി​ന്‍റെ സം​സ്ഥാ​ന​ത​ല ചി​ത്ര​ര​ച​ന മ​ത്സ​ര വി​ജ​യി​യു​മാ​ണ്. വി​മു​ക്തി​ബോ​ധ​വ​ത്‌​ക​ര​ണ​ത്തി​നാ​യി ര​ണ്ടു ചി​ത്ര​ങ്ങ​ളാ​ണ്‌ സ്‌​കൂ​ളി​ൽ പൂ​ർ​ത്തി​യാ​ക്കി​യ​ത്‌. എ​സ്‌​പി​സി​യി​ലെ കു​ട്ടി​ക​ൾ ചേ​ർ​ന്നാ​ണ്‌ ര​ണ്ടാ​മ​ത്തെ​ചി​ത്രം പൂ​ർ​ത്തി​യാ​ക്കി​യ​ത്‌.