പ​ഴ​യ​ങ്ങാ​ടി: മാ​ടാ​യി പ​ഞ്ചാ​യ​ത്തി​ലെ ഒ​ൻ​പ​താം വാ​ർ​ഡി​ൽ രാ​ത്രി കാ​ല​ങ്ങ​ളി​ൽ അ​ജ്ഞാ​ത​ന്‍റെ വി​ള​യാ​ട്ടം. ദി​വ​സ​ങ്ങ​ളാ​യി തു​ട​രു​ന്ന അ​തി​ക്ര​മം പ​രി​ധി വി​ട്ട​തോ​ടെ ഭീ​തി​യി​ലാ​യി​രി​ക്കു​ക​യാ​ണു നാ​ട്ടു​കാ​ർ. അ​ജ്ഞാ​ത​നെ പി​ടി​കൂ​ടാ​ൻ പ​ഠി​ച്ച പ​ണി പ​തി​നെ​ട്ടും നോ​ക്കി​യി​ട്ടും പി​ടി​കൊ​ടു​ക്കാ​തെ വി​ള​യാ​ട്ടം തു​ട​രു​ക​യാ​ണ്. പൊ​ക്കം കൂ​ടി​യ മു​ടി നീ​ട്ടി​വ​ള​ർ​ത്തി​യ അ​ക്ര​മി​യെ ക​ഴി​ഞ്ഞ ദി​വ​സം പി​ടി​കൂ​ടാ​ൻ ശ്ര​മി​ച്ച ഒ​രു യു​വാ​വി​ന്‍റെ നെ​ഞ്ചി​ന് ബ്ലേ​ഡ് ഉ​പ​യോ​ഗി​ച്ച് മു​റി​വേ​ൽ​പ്പി​ച്ച​തോ​ടെ സ​ന്ധ്യ​യാ​യാ​ൽ പു​റ​ത്തി​റ​ങ്ങാ​ൻ ജ​നം ഭ​യ​ക്കു​ക​യാ​ണ്.
വീ​ടു​ക​ളു​ടെ മു​ൻ വ​ശ​ത്തെ വാ​തി​ലി​ൽ ത​ട്ടി നി​മി​ഷ​ങ്ങ​ൾ​ക്കു​ള്ളി​ൽ പി​റ​കു​വ​ശ​ത്തും വാ​തി​ലി​നും ചി​ല വീ​ടു​ക​ളു​ടെ ഗ്രി​ൽ​സി​നും ശ​ക്തി​യാ​യി ഇ​ടി​ക്കു​ക​യാ​ണ് ഇ​യാ​ളു​ടെ രീ​തി​യ​ത്രെ. ചി​ല വീ​ടു​ക​ളു​ടെ ര​ണ്ടാം നി​ല​യി​ൽ ക​യ​റി വാ​തി​ലി​ന് മു​ട്ടു​ന്ന ഇ​യാ​ൾ നി​മി​ഷ​ങ്ങ​ൾ​ക്കു​ള്ളി​ൽ ര​ണ്ടാം നി​ല​യി​ൽ നി​ന്ന് നേ​രെ താ​ഴേ​ക്ക് ചാ​ടി മ​റ​യു​ന്ന​തും അ​ത്ഭു​ത​ക​ര​മാ​ണ്. പ​ല വീ​ടു​ക​ളു​ടെ​യും വൈ​ദ്യു​തി ബ​ന്ധം വിഛേ​ദി​ച്ചാ​ണ് പ​രാ​ക്ര​മം. സ്ഥി​തി ഗു​രു​ത​ര​മാ​യ​തോ​ടെ ശ​ക്ത​മാ​യ പോ​ലീ​സ് ന​ട​പ​ടി വേ​ണ​മെ​ന്നാ​ണു നാ​ട്ടു​കാ​രു​ടെ ആ​വ​ശ്യം.