ക​ണ്ണൂ​ർ: ആ​റ​ളം ഫാ​മി​ൽ ഭൂ​മി ന​ൽ​കി​യി​ട്ടും താ​മ​സി​ക്കാ​ൻ താ​ൽ​പ​ര്യ​മി​ല്ലാ​ത്ത​വ​ർ, പ്ലോ​ട്ട് മാ​റി താ​മ​സി​ച്ച​വ​ർ, കൈ​യേ​റി താ​മ​സി​ക്കു​ന്ന​വ​ർ എ​ന്നി​വ​രെ ക​ണ്ടെ​ത്താ​ൻ ന​ട​ത്തി​യ സം​യു​ക്ത പ​രി​ശോ​ധ​ന​യു​ടെ റി​പ്പോ​ർ​ട്ട് ഈ​യാ​ഴ്ച സ​മ​ർ​പ്പി​ക്കു​മെ​ന്ന് ട്രൈ​ബ​ൽ റീ​സെ​റ്റി​ൽ​മെ​ന്‍റ് ആ​ൻ​ഡ് ഡ​വ​ല​പ്‌​മെ​ന്‍റ് മി​ഷ​ൻ (ടി​ആ​ർ​ഡി​എം) കേ​ര​ള നി​യ​മ​സ​ഭ​യു​ടെ പ​ട്ടി​ക​ജാ​തി, പ​ട്ടി​ക​വ​ർ​ഗ ക്ഷേ​മം സം​ബ​ന്ധി​ച്ച നി​യ​മ​സ​ഭാ സ​മി​തി​യെ അ​റി​യി​ച്ചു.
സ്വ​ന്ത​മാ​യി ഭൂ​മി​യി​ല്ലാ​ത്ത 3227 പേ​ർ​ക്ക് ആ​റ​ളം ഫാ​മി​ൽ കൈ​വ​ശ ​രേ​ഖ ന​ൽ​കി​യ​താ​യി ജി​ല്ലാ ട്രൈ​ബ​ൽ ഓ​ഫീ​സ​ർ അ​റി​യി​ച്ചു. 1484 പേ​രാ​ണ് നി​ല​വി​ൽ സ്ഥി​ര​മാ​യി താ​മ​സി​ക്കു​ന്ന​ത്. സം​യു​ക്ത പ​രി​ശോ​ധ​നാ റി​പ്പോ​ർ​ട്ട് ഊ​രു​കൂ​ട്ട​ത്തി​ൽ​വ​ച്ച് അ​തി​ന്‍റെ ശിപാ​ർ​ശ പ​രി​ഗ​ണി​ച്ച് ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് ചെ​യ​ർ​മാ​നാ​യ ജ​ന​കീ​യ സ​മി​തി​ക്ക് സ​മ​ർ​പ്പി​ക്കും. റി​പ്പോ​ർ​ട്ടി​ന്‍റെ കോ​പ്പി സ​മി​തി​ക്ക് കൈ​മാ​റാ​ൻ ചെ​യ​ർ​മാ​ൻ ഒ.​ആ​ർ. കേ​ളു എം​എ​ൽ​എ നി​ർ​ദേ​ശി​ച്ചു.
ആ​റ​ളം ഫാ​മി​ൽ 2008-09 വ​ർ​ഷം സം​സ്ഥാ​ന നി​ർ​മി​തി കേ​ന്ദ്രം മു​ഖേ​ന നി​ർ​മി​ച്ച സാ​നി​റ്റേ​ഷ​ൻ പോ​ലു​മി​ല്ലാ​ത്ത 391 വാ​സ​യോ​ഗ്യ​മ​ല്ലാ​ത്ത വീ​ടു​ക​ൾ സം​ബ​ന്ധി​ച്ച് സ​മ​ഗ്ര​മാ​യ റി​പ്പോ​ർ​ട്ട് സ​മ​ർ​പ്പി​ക്കാ​ൻ പ​ട്ടി​ക​വ​ർ​ഗ വ​കു​പ്പി​നോ​ട് ആ​വ​ശ്യ​പ്പെ​ട്ടു. ഇ​വ​ർ​ക്ക് പ​ക​രം 304 പു​തി​യ വീ​ട് ന​ൽ​കി​യ​താ​യും അ​വ​യു​ടെ നി​ർ​മാ​ണം പു​രോ​ഗ​മി​ക്കു​ന്ന​താ​യും ജി​ല്ലാ ട്രൈ​ബ​ൽ ഓ​ഫീ​സ​ർ അ​റി​യി​ച്ചു.
ഒ​രു ജ​ന​പ്ര​തി​നി​ധി​യെ ജാ​തി​പ്പേ​ര് വി​ളി​ച്ച് അ​ധി​ക്ഷേ​പി​ച്ച​തു​മാ​യി ബ​ന്ധ​പ്പെ​ട്ട കേ​സി​ൽ സ​മി​തി​ക്ക് മു​മ്പാ​കെ ഹാ​ജ​രാ​വാ​തി​രു​ന്ന അ​ന്വേ​ഷ​ണ ഉ​ദ്യോ​ഗ​സ്ഥ​നാ​യ ത​ല​ശേ​രി എ​സി​പി​യോ​ട് തി​രു​വ​ന​ന്ത​പു​ര​ത്ത് നേ​രി​ട്ട് സ​മി​തി മു​മ്പാ​കെ ഹാ​ജ​രാ​വാ​ൻ ആ​വ​ശ്യ​പ്പെ​ടാ​ൻ സ​മി​തി തീ​രു​മാ​നി​ച്ചു.
ബ​ന്ധ​പ്പെ​ട്ട ഓ​ഫീ​സ​ർ​മാ​ർ ബ​ഹു​ഭൂ​രി​പ​ക്ഷ​വും സി​റ്റിം​ഗി​ൽ പ​ങ്കെ​ടു​ത്തി​ല്ലെ​ന്ന് ചെ​യ​ർ​മാ​ൻ പ​റ​ഞ്ഞു. പ​ങ്കെ​ടു​ത്ത​വ​ർ ത​ന്നെ കാ​ര്യ​ങ്ങ​ൾ പ​ഠി​ച്ചി​ട്ടും മ​ന​സി​ലാ​ക്കി​യി​ട്ടും അ​ല്ല വ​ന്ന​ത്. പ​റ​ഞ്ഞ​വ​ർ ത​ന്നെ പ​ര​സ്പ​ര വി​രു​ദ്ധ​മാ​യാ​ണ് സ​മി​തി​ക്ക് മു​മ്പാ​കെ പ​ല കാ​ര്യ​ങ്ങ​ളും പ​റ​ഞ്ഞി​ട്ടു​ള​ള​ത്. അ​തി​ൽ സ​മി​തി​ക്ക് പ്ര​യാ​സ​വും അ​തൃ​പ്തി​യു​മു​ണ്ട്. നാ​ട്ടി​ലെ സാ​ധാ​ര​ണ ജ​ന​ങ്ങ​ളു​ടെ ചെ​റു​തും വ​ലു​തു​മാ​യ പ​രാ​തി​ക​ളും വി​ഷ​യ​ങ്ങ​ളും നി​ര​ന്ത​രം സ​മി​തി​ക്ക് അ​യ​ച്ചി​ട്ട് അ​തി​ൽ റി​പ്പോ​ർ​ട്ട് ആ​വ​ശ്യ​പ്പെ​ട്ടി​ട്ടും ത​രാ​ത്ത​തി​നാ​ലാ​ണ് സ​മി​തി നേ​രി​ട്ട് വ​ന്ന​തെ​ന്ന് ചെ​യ​ർ​മാ​ൻ പ​റ​ഞ്ഞു. സ​മി​തി സി​റ്റിം​ഗി​ൽ പ​ങ്കെ​ടു​ക്കാ​ൻ അ​റി​യി​പ്പ് ന​ൽ​കി​യി​ട്ടും പ​ങ്കെ​ടു​ക്കാ​ത്ത ഉ​ദ്യോ​ഗ​സ്ഥ​ർ​ക്കെ​തി​രെ ന​ട​പ​ടി സ്വീ​ക​രി​ക്കു​മെ​ന്ന് ചെ​യ​ർ​മാ​ൻ അ​റി​യി​ച്ചു.
ക​ള​ക്‌​ട​റേ​റ്റ് കോ​ൺ​ഫ​റ​ൻ​സ് ഹാ​ളി​ൽ ചേ​ർ​ന്ന യോ​ഗ​ത്തി​ൽ 10 പ​രാ​തി​ക​ൾ പ​രി​ഗ​ണി​ച്ചു. 14 പു​തി​യ പ​രാ​തി​ക​ൾ സ്വീ​ക​രി​ച്ചു. അം​ഗ​ങ്ങ​ളാ​യ ഐ.​സി. ബാ​ല​കൃ​ഷ്ണ​ൻ, എ​ൻ.​എ. നെ​ല്ലി​ക്കു​ന്ന്, പി.​വി. ശ്രീ​നി​ജ​ൻ എ​ന്നീ എം​എ​ൽ​എ​മാ​ർ, ജി​ല്ലാ കള​ക്‌​ട​ർ എ​സ്. ച​ന്ദ്ര​ശേ​ഖ​ർ, എ​ഡി​എം കെ.​കെ. ദി​വാ​ക​ര​ൻ, അ​സി. ക​ളക്‌​ട​ർ മി​സാ​ൽ സാ​ഗ​ർ ഭ​ര​ത്, മ​റ്റു​ദ്യോ​ഗ​സ്ഥ​ർ എ​ന്നി​വ​ർ സം​ബ​ന്ധി​ച്ചു.