കോ​ഴി​ക്കോ​ട്: കോ​ഴി​ക്കോ​ട് ബീ​ച്ചി​ലെ സാ​മൂ​ഹ്യ​വി​രു​ദ്ധ​ശ​ല്യ​ത്തി​ന് പൂ​ട്ടി​ടാ​ന്‍ പോ​ലീ​സും എ​ക്‌​സൈ​സും. പു​തു​വ​ത്സ​രാ​ഘോ​ഷ​വേ​ള​യി​ലും തു​ട​ര്‍ ദി​വ​സ​ങ്ങ​ളി​ലും ശ​ക്ത​മാ​യ ന​ട​പ​ടി​ക്കൊ​രു​ങ്ങു​ക​യാ​ണ് അ​ധി​കൃ​ത​ര്‍. മാ​സ​ങ്ങ​ളാ​യി ഈ ​ഭാ​ഗ​ത്തെ ഒ​ഴി​ഞ്ഞ സ്ഥ​ല​ങ്ങ​ളും ക​ട​മു​റി​ക​ളും കേ​ന്ദ്രീ​ക​രി​ച്ച് മ​യ​ക്കു​മ​രു​ന്ന് വി​ല്പ​ന ത​കൃ​തി​യാ​ണ്.

ഒ​ഴി​ഞ്ഞ സി​റി​ഞ്ചു​ക​ളും കു​പ്പി​ക​ളും ഇ​വി​ടെ കാ​ണ​പ്പെ​ടാ​റു​മു​ണ്ട്. അ​വ​ധി​ക്കാ​ല​ത്ത് കു​ട്ടി​ക​ളെ​യും​കൊ​ണ്ട് ബീ​ച്ചി​ല്‍ എ​ത്തു​ന്ന​വ​ര്‍​ക്കു​ള്‍​പ്പെ​ടെ ഇ​ത് വ​ലി​യ രീ​തി​യി​ല്‍ ബു​ദ്ധി​മു​ട്ടു​ണ്ടാ​ക്കു​ന്നു​ണ്ട്. ബീ​ച്ച് കേ​ന്ദ്രീ​ക​രി​ച്ച് മ​യ​ക്കു​മ​രു​ന്ന്, ആ​ക്ര​മി സം​ഘ​ത്തി​ന്‍റെ വി​ള​യാ​ട്ടം രൂ​ക്ഷ​മാ​കു​ന്ന​താ​യി കോ​ർ​പ​റേ​ഷ​ൻ കൗ​ൺ​സി​ലി​ൽ അ​ട​ക്കം നി​ര​വ​ധി ത​വ​ണ ച​ർ​ച്ച​യാ​യി​ട്ടും ഇ​ത് ത​ട​യാ​ൻ ഫ​ല​പ്ര​ദ​മാ​യ ന​ട​പ​ടി​യു​ണ്ടാ​കു​ന്നി​ല്ലെ​ന്ന് ആ​ക്ഷേ​പ​മു​ണ്ട്.

പോ​ലീ​സി​ന്‍റെ രാ​ത്രി​കാ​ല പ​രി​ശോ​ധ​ന ശ​ക്ത​മാ​ക്കു​ന്ന​തി​ന് ന​ട​പ​ടി സ്വീ​ക​രി​ക്കു​മെ​ന്ന് മേ​യ​ർ ബീ​ന ഫി​ലി​പ്പ് അ​റി​യി​ച്ചി​രു​ന്നു. ബീ​ച്ചി​ൽ ല​യ​ൺ​സ് പാ​ർ​ക്കി​ന് സ​മീ​പം വ്യാ​പാ​രി​ക​ളെ ഒ​ഴി​പ്പി​ച്ച് കാ​ടു​മൂ​ടി കി​ട​ക്കു​ന്ന കോ​ർ​പ​റേ​ഷ​ൻ കെ​ട്ടി​ടം, ക​സ്റ്റം​സ് റോ​ഡി​ലെ ക​ണ്ടി​ൻ​ജ​ൻ​സി ജീ​വ​ന​ക്കാ​രു​ടെ എ​ട്ടു​മു​റി ലൈ​ൻ വീ​ട്, അ​ട​ഞ്ഞു​കി​ട​ക്കു​ന്ന മൊ​യ്തു മൗ​ല​വി മ്യൂ​സി​യ​ത്തി​ന് സ​മീ​പം, ബീ​ച്ച് ആ​ശു​പ​ത്രി​യി​ലെ ഒ​എ​സ്ജി ക്ലി​നി​ക്, മ​റ്റ് ഒ​ഴി​ഞ്ഞ കെ​ട്ടി​ട​ങ്ങ​ൾ എ​ന്നി​വി​ട​ങ്ങ​ളെ​ല്ലാം മ​യ​ക്കു​മ​രു​ന്ന് മാ​ഫി​യ​യു​ടെ കേ​ന്ദ്ര​ങ്ങ​ളാ​ണ്. മാ​ഫി​യ​യു​ടെ വ​ഴ​ക്കും ബ​ഹ​ള​വും പ​ല​പ്പോ​ഴും സ​ഞ്ചാ​രി​ക​ൾ​ക്കും സ​മീ​പ പ്ര​ദേ​ശ​ങ്ങ​ളി​ലു​ള്ള​വ​ർ​ക്കും വ​ലി​യ ത​ല​വേ​ദ​ന​യാ​ണ് സൃ​ഷ്ടി​ക്കു​ന്ന​ത്.

ബീ​ച്ചി​ൽ​നി​ന്ന് അ​ടി​കൂ​ടു​ന്ന സം​ഘം കു​റ്റി​ച്ചി​റ, മു​ഖ​ദാ​ർ, ഇ​ടി​യ​ങ്ങ​ര തു​ട​ങ്ങി​യ ഭാ​ഗ​ങ്ങ​ളി​ലേ​ക്കും സം​ഘ​ർ​ഷ​വു​മാ​യി എ​ത്തു​ന്ന​ത് പ​തി​വാ​ണ്. അ​യ​ൽ ജി​ല്ല​ക​ളി​ൽ നി​ന്നു​ള്ള വി​ദ്യാ​ർ​ഥി​ക​ൾ വ​രെ മ​യ​ക്കു​മ​രു​ന്ന് സം​ഘ​ത്തി​ന്‍റെ പി​ടി​യി​ല​ക​പ്പെ​ട്ട് ഇ​വി​ട​ങ്ങ​ളി​ൽ എ​ത്താ​റു​ണ്ടെ​ന്ന് ജ​ന​പ്ര​തി​നി​ധി​ക​ൾ പ​റ​ഞ്ഞു. ഇ​രു​ട്ടി​ന്‍റെ മ​റ​വി​ൽ ബീ​ച്ചി​ൽ പ​ല​യി​ട​ങ്ങ​ളി​ലും തെ​രു​വു​വി​ള​ക്കു​ക​ൾ ക​ത്താ​ത്ത​ത് മ​യ​ക്കു​മ​രു​ന്ന് മാ​ഫി​യ​ക്ക് വ​ള​മാ​കു​ന്നു​ണ്ട്.

തെ​രു​വു​വി​ള​ക്കു​ക​ൾ സ്ഥാ​പി​ക്കാ​ൻ വി​വി​ധ ഏ​ജ​ൻ​സി​ക​ൾ ക​രാ​ർ ഏ​റ്റെ​ടു​ത്തി​ട്ടു​ണ്ടെ​ങ്കി​ലും പ​ല​യി​ട​ങ്ങ​ളി​ലും ഇ​വ പ്ര​കാ​ശി​ക്കു​ന്നി​ല്ല. ല​യ​ൺ​സ് പാ​ർ​ക്കി​ന് സ​മീ​പം, ക​സ്റ്റം​സ് റോ​ഡ്, മൊ​യ്തു മൗ​ല​വി മ്യൂ​സി​യ​ത്തി​ന് സ​മീ​പം തു​ട​ങ്ങി ബീ​ച്ചി​ൽ പ​ല ഭാ​ഗ​ങ്ങ​ളി​ലും ലൈ​റ്റു​ക​ൾ ക​ണ്ണ​ട​ച്ചി​രി​ക്കു​ക​യാ​ണ്.

‌‌‌‌‌സ്വ​ന്തം ലേ​ഖ​ക​ന്‍