വ​ട​ക​ര: ചോ​മ്പാ​ൽ പോ​ലീ​സ് സ്റ്റേ​ഷ​ൻ പ​രി​ധി​യി​ലെ മു​ക്കാ​ളി​യി​ൽ വീ​ട് കു​ത്തി​ത്തു​റ​ന്ന് മോ​ഷ​ണം. ത​മി​ഴ്നാ​ട് പോ​ലീ​സ് ഇ​ൻ​സ്പെ​ക​ട​റാ​യി വി​ര​മി​ച്ച മു​ക്കാ​ളി​യി​ലെ ശ്രീ ​ഹ​രി​യി​ൽ ഹ​രീ​ന്ദ്ര​ന്‍റെ വീ​ട്ടി​ലാ​ണ് പു​ല​ർ​ച്ചെ മോ​ഷ​ണം ന​ട​ന്ന​ത്. അ​ല​മാ​ര​യി​ൽ സൂ​ക്ഷി​ച്ച അ​ഞ്ച് പ​വ​ൻ സ്വ​ർ​ണ​വും നാ​ൽ​പ​തി​നാ​യി​രം രൂ​പ​യും മോ​ഷ​ണം പോ​യി.
ഏ​താ​നും ദി​വ​സ​ങ്ങ​ൾ​ക്ക് മു​മ്പാ​ണ് ഹ​രീ​ന്ദ്ര​നും കു​ടും​ബ​വും വീ​ട് പൂ​ട്ടി ബം​ഗ്ളൂ​രു​വി​ലെ മ​ക​ളു​ടെ വീ​ട്ടി​ൽ പോ​യ​ത്. വീ​ട്ടി​ൽ പു​റ​കു​വ​ശ​ത്തെ ഗ്രി​ൽ​സി​ന്‍റെ പൂ​ട്ട് ത​ക​ർ​ത്താ​ണ് മോ​ഷ്ടാ​ക്ക​ൾ അ​ക​ത്ത് ക​ട​ന്ന​ത്. വീ​ട്ടി​ന​ക​ത്ത് അ​ല​മാ​ര​യി​ൽ സൂ​ക്ഷി​ച്ച 45000 രൂ​പ​യും അ​ഞ്ച് പ​വ​നു​മാ​ണ് മോ​ഷ്ടി​ച്ച​ത്. ഹെ​ൽ​മ​റ്റ് ധ​രി​ച്ച ര​ണ്ടം​ഗ സം​ഘ​മാ​ണ് മോ​ഷ​ണം ന​ട​ത്തി​യ​ത്. ഇ​വ​രു​ടെ ദൃ​ശ്യ​ങ്ങ​ൾ സി​സി ടി​വി​യി​ൽ പ​തി​ഞ്ഞി​ട്ടു​ണ്ട്.
മോ​ഷ്ടാ​വി​ന്‍റെ​തെ​ന്ന് ക​രു​തു​ന്ന ഹെ​ൽ​മെ​റ്റ് ഉ​പേ​ക്ഷി​ച്ച നി​ല​യി​ൽ വീ​ട്ടി​ൽ ക​ണ്ടെ​ത്തി. വെ​ള്ളി​യാ​ഴ്ച്ച രാ​വി​ലെ വീ​ടി​ന്‍റെ ഗ്രി​ൽ​സ് തു​റ​ന്നു ക​ണ്ട അ​യ​ൽ​ക്കാ​രാ​യ ബ​ന്ധു​ക്ക​ളാ​ണ് പോ​ലീ​സി​ൽ വി​വ​ര​മ​റി​യി​ച്ച​ത്. ചോ​മ്പാ​ല സി​ഐ ശി​വ​ൻ ചോ​ടോ​ത്തി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം വീ​ട്ടി​ൽ പ​രി​ശോ​ധ​ന ന​ട​ത്തി.
പ​യ്യോ​ളി കെ 9 ​സ്ക്വാ​ഡി​ലെ ട്രാ​ക്ക​ർ ഡോ​ഗ് റോ​ണി​യും വി​ര​ല​ട​യാ​ള വി​ദ​ഗ്ധ​രും വീ​ട്ടി​ൽ പ​രി​ശോ​ധ​ന ന​ട​ത്തി. ഏ​താ​നും ദി​വ​സം മു​മ്പാ​ണ് സ​മീ​പ​ത്ത് ത​ന്നെ​യു​ള്ള ഡോ​ക്ട​റു​ടെ വീ​ട്ടി​ൽ നി​ന്ന് 20 പ​വ​ൻ സ്വ​ർ​ണാ​ഭ​ര​ണ​ങ്ങ​ളും ര​ണ്ട് ല​ക്ഷം രൂ​പ​യും മോ​ഷ്ടാ​ക്ക​ൾ ക​വ​ർ​ന്ന​ത്. ഈ ​കേ​സി​ൽ അ​ന്വേ​ഷ​ണം ന​ട​ക്കു​ന്ന​തി​നി​ട​യി​ലാ​ണ് വീ​ണ്ടും മോ​ഷ​ണം.