മ​ങ്ക​ട: അ​ധ്യാ​പ​ക നി​യ​മ​നം സം​ബ​ന്ധി​ച്ച് കാ​ലി​ക്ക​ട്ട് സ​ർ​വ​ക​ലാ​ശാ​ല സി​ൻ​ഡി​ക്ക​റ്റ് ധൃ​തി പി​ടി​ച്ചെ​ടു​ത്ത തീ​രു​മാ​നം അ​ധ്യാ​പ​ക​ർ​ക്കി​ട​യി​ൽ ആ​ശ​ങ്ക സൃ​ഷ്ടി​ച്ചി​ട്ടു​ണ്ടെ​ന്നും അ​ത് പു​നഃ​പ​രി​ശോ​ധി​ച്ച് അ​ടി​യ​ന്ത​ര​മാ​യി പി​ൻ​വ​ലി​ക്ക​ന്ന​മെ​ന്നും കേ​ര​ള അ​ണ്‍ എ​യ്ഡ​ഡ് കോ​ള​ജ് ടീ​ച്ചേ​ഴ്സ് ആ​ൻ​ഡ് സ്റ്റാ​ഫ് ഫെ​ഡ​റേ​ഷ​ൻ (കെ​യു​സി​ടി​എ​സ്എ​ഫ്) ആ​വ​ശ്യ​പ്പെ​ട്ടു.

സ്വാ​ശ്ര​യ കോ​ള​ജു​ക​ളി​ലെ അ​ധ്യാ​പ​ക, അ​ന​ധ്യാ​പ​ക​രു​ടെ സേ​വ​ന വ്യ​വ​സ്ഥ​ക​ൾ ന​ട​പ്പാ​ക്കാ​ൻ 2021 ലെ ​ഉ​ന്ന​ത വി​ദ്യാ​ഭ്യാ​സ വ​കു​പ്പ് പു​റ​ത്തി​റ​ക്കി​യ ക​ര​ട് നി​യ​മ പ്ര​കാ​രം കോ​ള​ജ് അ​ധ്യാ​പ​ക​ർ​ക്ക് യു​ജി​സി നി​ഷ്ക​ർ​ഷി​ക്കു​ന്ന യോ​ഗ്യ​ത മാ​ന​ദ​ണ്ഡ​ങ്ങ​ൾ കൈ​വ​രി​ക്കു​ന്ന​തി​ന് ആ​വ​ശ്യ​മാ​യ സ​മ​യം അ​നു​വ​ദി​ച്ചു ന​ൽ​ക​ണ​മെ​ന്ന വ്യ​വ​സ്ഥ നി​ല​നി​ൽ​ക്കെ​യാ​ണ് സി​ൻ​ഡി​ക്ക​റ്റ് ഭൂ​രി​പ​ക്ഷം സ്വാ​ശ്ര​യ അ​ധ്യാ​പ​ക​രെ പെ​രു​വ​ഴി​ലാ​ക്കു​ന്ന തീ​രു​മാ​ന​മെ​ടു​ത്തി​ട്ടു​ള്ള​ത്. ഇ​ത് പി​ൻ​വ​ലി​ക്ക​ണ​മെ​ന്ന് കെ​യു​സി​ടി​എ​സ്എ​ഫ് ആ​വ​ശ്യ​പ്പെ​ട്ടു. ചെ​യ​ർ​മാ​ൻ ടി.​പി. മു​ജീ​ബ്, ക​ണ്‍​വീ​ന​ർ ഷാ​ഫി പു​ൽ​പ്പാ​റ, ജം​ഷീ​ദ്, നം​ഷീ​ദ്, അ​മൃ​ത, സ​ലീം, ല​ത്തീ​ഫ് അ​സ്ലം, വി​നോ​ദ് കു​മാ​ർ എ​ന്നി​വ​ർ പ്ര​സം​ഗി​ച്ചു.