പെ​രി​ന്ത​ല്‍​മ​ണ്ണ: തൂ​ത​പ്പു​ഴ​യ്ക്ക് കു​റു​കെ കാ​ളി​ക്ക​ട​വി​ല്‍ പു​തി​യ പാ​ലം പ​ണി​യു​ന്ന​തി​നു​ള്ള പ​ദ്ധ​തി​രേ​ഖ ത​യാ​റാ​ക്കു​ന്ന​തി​ന്നാ​യി ഇ​ന്‍​വെ​സ്റ്റി​ഗേ​ഷ​ന്‍ ന​ട​പ​ടി​ക​ള്‍ ആ​രം​ഭി​ച്ചു. ഇ​തി​ന്‍റെ ഭാ​ഗ​മാ​യി മ​ഞ്ചേ​രി പി​ഡ​ബ്ല്യു​ഡി വി​ഭാ​ഗം അ​സി​സ്റ്റ​ന്‍റ് എ​ന്‍​ജി​നീ​യ​ര്‍ വി​നോ​ദ്കു​മാ​ര്‍ ചാ​ലി​ല്‍ പ​ദ്ധ​തി പ്ര​ദേ​ശം സ​ന്ദ​ര്‍​ശി​ച്ചു. ഇ​ന്‍​വെ​സ്റ്റി​ഗേ​ഷ​ന്‍ ന​ട​പ​ടി​ക​ള്‍​ക്കാ​യി 5.14 കോ​ടി രൂ​പ അ​നു​വ​ദി​ച്ചു.

അ​തി​ന്‍റെ ടെ​ന്‍​ഡ​ര്‍ ന​ട​പ​ടി​ക​ള്‍ പൂ​ര്‍​ത്തി​യാ​യി​ട്ടു​ണ്ട്. നേ​ര​ത്തെ ഉ​ണ്ടാ​യി​രു​ന്ന പ്രോ​ജ​ക്ട് റി​പ്പോ​ര്‍​ട്ട് 2018ലെ ​പ്ര​ള​യ​ത്തി​ന്‍റെ അ​ടി​സ്ഥാ​ന​ത്തി​ല്‍ പു​തു​ക്കി നി​ശ്ച​യി​ക്കേ​ണ്ട​തു​കൊ​ണ്ടാ​ണ് ഫ​ണ്ട് വ​ക​യി​രു​ത്തി പു​തി​യ പ്രോ​ജ​ക്ട് റി​പ്പോ​ര്‍​ട്ട് ത​യാ​റാ​ക്കു​ന്ന​ത്. അ​പ്രോ​ച്ച് റോ​ഡി​നു വേ​ണ്ട സ്ഥ​ലം, പു​ഴ എ​ന്നി​വി​ട​ങ്ങ​ളി​ല്‍ സം​ഘം പ​രി​ശോ​ധ​ന ന​ട​ത്തി.

ഓ​ണ​ത്തി​നു​ശേ​ഷം ന​ട​പ​ടി​ക​ള്‍ ആ​രം​ഭി​ക്കും. ര​ണ്ടു​മാ​സം കൊ​ണ്ട് റി​പ്പോ​ര്‍​ട്ട് ത​യാ​റാ​ക്കി പൊ​തു​മ​രാ​മ​ത്തി​ന് കൈ​മാ​റാ​നാ​ണ് ഉ​ദേ​ശി​ക്കു​ന്ന​ത്. തു​ട​ര്‍​ന്ന് ഡി​സൈ​ന്‍ ന​ട​പ​ടി​ക​ള്‍ പൂ​ര്‍​ത്തി​യാ​ക്കി സ​ര്‍​ക്കാ​രി​ലേ​ക്ക് സ​മ​ര്‍​പ്പി​ക്കും. പ്ര​വൃ​ത്തി​ക​ള്‍​ക്ക് വ​ലി​യ പി​ന്തു​ണ​യാ​ണ് നാ​ട്ടു​കാ​രി​ല്‍​നി​ന്നു ല​ഭി​ച്ച​തെ​ന്ന് പാ​ലം ആ‌​ക്ഷ​ന്‍ കൗ​ണ്‍​സി​ല്‍ ഭാ​ര​വാ​ഹി​ക​ള്‍ പ​റ​ഞ്ഞു. അ​പ്രോ​ച്ച് റോ​ഡി​ന് സ്ഥ​ലം ഏ​റ്റെ​ടു​ക്കു​വാ​ന്‍ വേ​ണ്ടി ഏ​ഴ് പാ​ര്‍​ട്ടി​ക​ള്‍​ക്ക് അ​ഡ്വാ​ന്‍​സ് കൊ​ടു​ത്തി​ട്ടു​ണ്ട്.

മാ​ത്ര​വു​മ​ല്ല ആ​ലി​പ്പ​റ​മ്പ് പ​ഞ്ചാ​യ​ത്ത്, പെ​രി​ന്ത​ല്‍​മ​ണ്ണ ബ്ലോ​ക്ക് പ​ഞ്ചാ​യ​ത്ത് എ​ന്നി​വ അ​ഞ്ച് ല​ക്ഷം രൂ​പ വീ​തം ബ​ജ​റ്റി​ല്‍ വ​ക​യി​രു​ത്തി​യി​ട്ടു​ണ്ട്. പ്ര​ത്യേ​ക അ​നു​മ​തി​ക്കാ​യി ജി​ല്ലാ പ​ഞ്ചാ​യ​ത്ത് വി​ക​സ​ന സ​മി​തി മു​ഖേ​ന സ​ര്‍​ക്കാ​രി​ലേ​ക്ക് ഇ​തു​മാ​യി ബ​ന്ധ​പ്പെ​ട്ടു​ള്ള ഫ​യ​ല്‍ നീ​ക്കി​ക​ഴി​ഞ്ഞു. മൂ​ന്നു​മാ​സ​ത്തി​ന​കം സ്ഥ​ല​മെ​ടു​പ്പ് പൂ​ര്‍​ത്തി​യാ​ക്കി ഭ​ര​ണാ​നു​മ​തി ല​ഭി​ക്കാ​നു​ള്ള ശ്ര​മം ആ​രം​ഭി​ക്കു​മെ​ന്ന് ആ​ക്ഷ​ന്‍ കൗ​ണ്‍​സി​ല്‍ ഭാ​ര​വാ​ഹി​ക​ള്‍ പ​റ​ഞ്ഞു.