മ​ല​പ്പു​റം: ഡി​സം​ബ​ര്‍ മൂ​ന്നി​ന് ജി​ല്ല​യി​ലെ വി​ദ്യാ​ഭ്യാ​സ സ്ഥാ​പ​ന​ങ്ങ​ള്‍​ക്ക് അ​വ​ധി പ്ര​ഖ്യാ​പി​ച്ച​താ​യി ജി​ല്ലാ ക​ള​ക്ട​റു​ടെ പേ​രി​ല്‍ വ്യാ​ജ സ​ന്ദേ​ശം സ​മൂ​ഹ മാ​ധ്യ​മ​ങ്ങ​ളി​ലൂ​ടെ പ്ര​ച​രി​പ്പി​ച്ചയാളെ പോ​ലീ​സ് ക​സ്റ്റ​ഡി​യി​ലെ​ടു​ത്തു.

തി​രു​നാ​വാ​യ വൈ​രം​കോ​ട് സ്വ​ദേ​ശി​യാ​യ 17 കാ​ര​നെ​യാ​ണ് മ​ല​പ്പു​റം സൈ​ബ​ര്‍ ക്രൈം ​പോ​ലീ​സ് പി​ടി​കൂ​ടി​യ​ത്.

വൈരംകോട് സ്വദേശിയെ ര​ക്ഷി​താ​ക്ക​ള്‍​ക്കൊ​പ്പം വി​ളി​ച്ചു​വ​രു​ത്തി ഉ​പ​ദേ​ശം ന​ല്‍​കി വി​ട്ട​യ​ച്ചു. ജി​ല്ല​യി​ല്‍ ശ​ക്ത​മാ​യ മ​ഴ തു​ട​രു​ന്ന പ​ശ്ചാ​ത്ത​ല​ത്തി​ല്‍ ഡി​സം​ബ​ര്‍ മൂ​ന്നി​ന് പ്ര​ഫ​ഷ​ണ​ല്‍ കോ​ള​ജു​ക​ള്‍ ഒ​ഴി​കെ​യു​ള്ള വി​ദ്യാ​ഭ്യാ​സ സ്ഥാ​പ​ന​ങ്ങ​ള്‍​ക്ക് ജി​ല്ലാ ക​ള​ക്ട​ര്‍ അ​വ​ധി പ്ര​ഖ്യാ​പി​ച്ചി​രു​ന്നു. എ​ന്നാ​ല്‍ ക​ള​ക്ട​റു​ടെ പ്ര​ഖ്യാ​പ​ന​ത്തി​ന് തൊ​ട്ടു​മു​മ്പ് ക​ള​ക്ട​റു​ടെ ഔ​ദ്യോ​ഗി​ക അ​റി​യി​പ്പ് എ​ന്ന രീ​തി​യി​ല്‍ വ്യാ​ജ സ​ന്ദേ​ശം പ്ര​ച​രി​പ്പി​ക്കു​ക​യാ​യി​രു​ന്നു.

ജി​ല്ലാ പോ​ലീ​സ് മേ​ധാ​വി ആ​ര്‍. വി​ശ്വ​നാ​ഥി​ന്‍റെ നി​ര്‍​ദേ​ശ​പ്ര​കാ​രം മ​ല​പ്പു​റം ഡി​സി​ആ​ര്‍​ബി ഡി​വൈ​എ​സ്പി സാ​ജു കെ. ​അ​ബ്ര​ഹാം, സൈ​ബ​ര്‍ പോ​ലീ​സ് ക്രൈം ​സ്റ്റേ​ഷ​ന്‍ ഇ​ന്‍​സ്പെ​ക്ട​ര്‍ ഐ.​സി. ചി​ത്ത​ര​ഞ്ജ​ന്‍ എ​ന്നി​വ​രു​ടെ നേ​തൃ​ത്വ​ത്തി​ല്‍ വാ​ട്സ് ആ​പ്, ഇ​ന്‍​സ്റ്റാ​ഗ്രാം തു​ട​ങ്ങി സാ​മൂ​ഹി​ക മാ​ധ്യ​മ​ങ്ങ​ളി​ല്‍ ന​ട​ത്തി​യ സ​മ​ഗ്ര​മാ​യ അ​ന്വേ​ഷ​ണ​ത്തി​ലാ​ണ് ന​ട​പ​ടി.

സൈ​ബ​ര്‍ ടീം ​അം​ഗ​ങ്ങ​ളാ​യ എ​സ്ഐ ന​ജ്മു​ദ്ദീ​ന്‍, സി​പി​ഒ​മാ​രാ​യ ജ​സീം, റി​ജി​ല്‍​രാ​ജ്, വി​ഷ്ണു ശ​ങ്ക​ര്‍, രാ​ഹു​ല്‍ എ​ന്ന​വ​രും അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്നു.