തി​രു​വ​ന​ന്ത​പു​രം: ച​ല​ച്ചി​ത്ര​താ​രം ജ​ഗ​തി ശ്രീ​കു​മാ​റി​നു വി​ഷു കൈ​നീ​ട്ടം സ​മ്മാ​നി​ച്ച് യു​ഡി​എ​ഫ് ക​ണ്‍​വീ​ന​ർ എം.​എം. ഹ​സ​ൻ. പേ​യാ​ട് കാ​ട്ടു​വി​ള​യു​ള്ള ജ​ഗ​തി ശ്രീ​കു​മാ​റി​ന്‍റെ വ​സ​തി​യി​ലെ​ത്തി​യാ​ണ് ഹ​സ​ൻ വി​ഷുക്കൈ​നീ​ട്ടം ന​ൽ​കി​യ​ത്.

ജ​ഗ​തി ശ്രീ​കു​മാ​റി​ന്‍റെ ഭാ​ര്യ​യും മ​ക​ളും ചേ​ർ​ന്ന് എം.​എം. ഹ​സ​നെ സ്വീ​ക​രി​ച്ചു. പൂ​ർ​വ​കാ​ല സ്മ​ര​ണ​ക​ൾ എം.​എം. ഹ​സ​ൻ പ​ങ്കു​വ​ച്ച​പ്പോ​ൾ ചെ​റു​പു​ഞ്ചി​രി​യോ​ടെ ജ​ഗ​തി അ​തി​നെ​ല്ലാം ത​ല​കു​ലു​ക്കി. ഉൗ​ഷ്മ​ള​മാ​യ സുഹൃദ് ബ​ന്ധ​ത്തി​ന്‍റെ കൂ​ടി​ച്ചേ​ര​ൽ കൂ​ടി​യാ​യി ഇ​രു​വ​രു​ടെ​യും സം​ഗ​മം.

ദീ​ർ​ഘ​കാ​ലം എം.​എം. ഹ​സ​ന്‍റെ അ​യ​ൽ​വാ​സി​യും സു​ഹൃ​ത്തു​മാ​യ ജ​ഗ​തി ശ്രീ​കു​മാ​റി​നു വി​ഷു​ദി​ന​ത്തി​ൽ കൈ​നീ​ട്ടം ന​ൽ​കു​ന്ന​ത് പ​തി​വാ​യി​രു​ന്നു. കോ​വി​ഡ് കാ​ല​ത്തെ നി​യ​ന്ത്ര​ണങ്ങ​ളി​ൽ ഒ​ഴി​കെ ആ ​പ​തി​വു തെ​റ്റാ​തെ തു​ട​രു​ക​യും ചെ​യ്തു. വി​ദ്യാ​ർ​ഥി ജീ​വി​ത​കാ​ല​ത്തു തു​ട​ങ്ങി​യ ആ​ത്മ​ബ​ന്ധ​മാ​ണു ജ​ഗ​തി ശ്രീ​കു​മാ​റും എം.​എം. ഹ​സ​നു​മാ​യു​ള്ള​ത്. അ​ത് ഇ​ന്നും കോ​ട്ടം വ​രാ​തെ ഇ​രു​വ​രും കാ​ത്തു​സൂ​ക്ഷി​ക്കു​ന്നു. ക​ലാ​ല​യ ജീ​വി​ത​കാ​ല​ഘ​ട്ട​ത്തി​ലെ ഓ​ർ​മ​ക​ളു​ടെ പു​നഃ​സ​മാ​ഗ​മം കൂ​ടി​യാ​യി ഇ​രു​വ​രു​ടെ​യും കൂ​ടി​ക്കാ​ഴ്ച.

പ​ണ്ടു യൂ​ണി​വേ​ഴ്സി​റ്റി ചെ​യ​ർ​മാ​നെ​ന്ന നി​ല​യി​ൽ എം.​എം. ഹ​സ​ൻ ക​ലോ​ത്സ​വ​ത്തി​ൽ വി​ജ​യി​ക​ളാ​യ​വ​രെ​യുംകൊ​ണ്ട് അ​ഖി​ലേ​ന്ത്യ പ​ര്യ​ട​നം പോ​യ​പ്പോ​ഴാ​ണ് ജ​ഗ​തി ശ്രീ​കു​മാ​റു​മാ​യു​ള്ള സു​ഹൃ​ത്ത് ബ​ന്ധം ദൃ​ഢ​പ്പെ​ട്ട​ത്. ച​ല​ച്ചി​ത്ര​താ​രം നെ​ടു​മു​ടി വേ​ണു​വും അ​ന്ന് ഇ​തേ സം​ഘ​ത്തി​ലു​ണ്ടാ​യി​രു​ന്നു. ക​ലാ​ല​യ ജീ​വി​ത​ത്തി​നുശേ​ഷം ജ​ഗ​തി ശ്രീ​കു​മാ​ർ സി​നി​മാ മേ​ഖ​ല​യി​ലും എം​.എം. ഹ​സ​ൻ രാ​ഷ്ട്രീ​യരം​ഗ​ത്തും സ​ജീ​വ​മാ​യ​പ്പോ​ഴും ഇ​രു​വ​രും ത​മ്മി​ലു​ള്ള ആ​ത്മ​സൗ​ഹൃ​ദ​ത്തി​ന് ഒ​രു ഉ​ല​ച്ചി​ലും സം​ഭ​വി​ച്ചി​ല്ല.

അ​പ്ര​തീ​ക്ഷി​ത​മാ​യ അ​പ​ക​ട​ത്തെ തു​ട​ർ​ന്നു വി​ശ്ര​മ​ത്തി​ൽ ക​ഴി​യു​ന്ന ജ​ഗ​തി ശ്രീ​കു​മാ​റി​ന്‍റെ പി​റ​ന്നാ​ൾ ദി​ന​ത്തി​ലും ഓ​ണ​നാ​ളി​ലും എം.​എം. ഹ​സ​ൻ സ​ന്ദ​ർ​ശി​ച്ചു സ​മ്മാ​ന​ങ്ങ​ൾ കൈ​മാ​റു​മാ​യി​രു​ന്നു.