വെ​ള്ള​റ​ട: കാ​ര​ക്കോ​ണം സി​എ​സ്ഐ മെ​ഡി​ക്ക​ൽ കോള​ജി​ൽ വി​പു​ലീ​ക​രി​ച്ച അ​ത്യാ​ധു​നി​ക സ്കി​ൽ ലാ​ബിന്‍റെ ഉദ്ഘാടനം പ്രി​ൻ​സി​പ്പ​ൽ ഡോ. ​അ​നു​ഷ മെ​ർ​ലി​ൻ നിർവഹിച്ചു. ഡ​യ​റ​ക്ട​ർ ഡോ. ജെ. ബെ​ന്ന​റ്റ് എ​ബ്ര​ഹാ​മി​ന്‍റെ അ​ധ്യ​ക്ഷ​ത​യി​ൽ ന​ട​ന്ന ച​ട​ങ്ങി​ൽ മെ​ഡി​ക്ക​ൽ സൂ​പ്ര​ണ്ട് ഡോ. ​ബാ​ബു​രാ​ജ്, വൈ​സ് പ്രി​ൻ​സി​പ്പ​ൽ​മാ​രാ​യ ഡോ. ​അ​പ്പു​ക്ക സൂ​സ​ൻ, ഡോ. ​ജോ​വാ​ൻ ഫെ​ലി​സി​റ്റ, റ​വ.​എ.​ആ​ർ. സു​ശീ​ൽ എ​ന്നി​വ​ർ പ്ര​സം​ഗി​ച്ചു.

ന​ഴ്സിം​ഗ് കോളജ് പ്ര​ഫ. ലീ​ന സ്വാ​ഗ​ത​വും സീ​നി​യ​ർ ബ​യോ​മെ​ഡി​ക്ക​ൽ എ​ൻ​ജി​നീ​യ​ർ വി​ജു​ലാ​ൽ സു​നി​ൽ ന​ന്ദി​യും പറഞ്ഞു. നി​ല​വി​ലു​ണ്ടാ​യി​രു​ന്ന ലാബാണ് അത്യാധുനിക സൗകര്യങ്ങളുള്ള ഏ​ഴാ​യി​രം ച​തു​ര​ശ്ര അ​ടി വി​സ്തീ​ർ​ണ​മു​ള്ള ലാ​ബാ​ക്കി വി​ക​സി​പ്പി​ച്ച​ത്.

രോ​ഗ​ബാ​ധി​ത​ർ​ക്ക് അ​ടി​യ​ന്ത​ര ഘ​ട്ട​ങ്ങ​ളി​ലു​ള്ള ചി​കി​ത്സ എ​പ്ര​കാ​രം ന​ൽ​കാ​മെ​ന്നു​ള്ള പ്രാ​യോ​ഗി​ക പ​രി​ശീ​ല​ന​മാ​ണ് ഈ ​ലാ​ബി​ൽ ന​ട​ക്കു​ന്ന​ത്. മ​നു​ഷ്യാ​വ​യ​വ​ങ്ങ​ളു​ടെ കൃ​ത്രി​മ മോ​ഡ​ലു​ക​ളി​ൽ മെ​ഡി​ക്ക​ൽ വി​ദ്യാ​ർ​ഥി​ക​ളെ ചി​കി​ത്സാ രീ​തി​ക​ൾ പ​രി​ശീ​ലി​പ്പി​ക്കു​ന്ന​തി​നു​വേ​ണ്ടി​യു​ള്ള​താ​ണി​ത്. സ്കി​ൽ ലാ​ബി​നോ​ട് അ​നു​ബ​ന്ധി​ച്ച് സ്മാ​ർ​ട്ട് ക്ലാ​സും സ​ജ്ജ​മാ​ക്കി​യി​ട്ടു​ണ്ട്.