മെ​ഡി​ക്ക​ല്‍​കോ​ള​ജ്: വ​ഞ്ചി​യൂ​ര്‍ ജം​ഗ്ഷ​നു സ​മീ​പം റോ​ഡി​ലെ കു​ഴി വാ​ഹ​ന​യാ​ത്രി​ക​ര്‍​ക്കു ഭീ​ഷ​ണി സൃ​ഷ്ടി​ക്കു​ന്നു. ജ​ന​റ​ല്‍ ആ​ശു​പ​ത്രി ജം​ഗ്ഷ​ന്‍, ത​മ്പാ​നൂ​ര്‍, ഋ​ഷി​മം​ഗ​ലം റോ​ഡു​ക​ള്‍ സം​ഗ​മി​ക്കു​ന്ന ഭാ​ഗ​ത്താ​ണ് കു​ഴി രൂ​പ​പ്പെ​ട്ടി​രി​ക്കു​ന്ന​ത്. കു​റ​ച്ചു​നാ​ള്‍ മു​മ്പ് ഈ ​ഭാ​ഗ​ത്ത് കു​ഴി രൂ​പ​പ്പെ​ട്ടി​രു​ന്ന​ത് മെ​റ്റ​ലും ടാ​റും ഉ​പ​യോ​ഗി​ച്ച് അ​ട​ച്ചി​രു​ന്നു.

ഇ​തേ ഭാ​ഗ​മാ​ണ് വീ​ണ്ടും ഇ​ടി​ഞ്ഞു​താ​ഴ്ന്നു വ​ന്‍ കു​ഴി രൂ​പ​പ്പെ​ട്ടി​രി​ക്കു​ന്ന​ത്. വ​ഞ്ചി​യൂ​ര്‍ കോ​ട​തി ഈ ​ഭാ​ഗ​ത്തു​നി​ന്ന് അ​ധി​കം അ​ക​ലെ​യ​ല്ല. നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് റോ​ഡി​ലൂ​ടെ സ​ഞ്ച​രി​ക്കു​ന്ന​ത്. ഇ​രു​ച​ക്ര വാ​ഹ​ന​യാ​ത്രി​ക​രാ​ണ് കു​ഴി​യി​ല്‍ വീ​ഴാ​നു​ള്ള സാ​ധ്യ​ത കൂ​ടു​ത​ലു​ള്ള​ത്.

കാ​റു​ക​ളു​ടെ​യും ബ​സു​ക​ളു​ടെ​യും മ​റ്റു​ള്ള ഹെ​വി വാ​ഹ​ന​ങ്ങ​ളു​ടെ​യും പി​റ​കേ സ​ഞ്ച​രി​ക്കു​ന്ന​വ​ര്‍ അ​ബ​ദ്ധ​ത്തി​ല്‍ കു​ഴി​യി​ല്‍ വീ​ഴു​ക​യാ​ണെ​ങ്കി​ല്‍ വ​ന്‍ അ​ത്യാ​ഹി​ത​മാ​യി​രി​ക്കും ഉ​ണ്ടാ​കു​ക. ദി​വ​സ​ങ്ങ​ള്‍​ക്കു മു​മ്പാ​ണ് ഈ ​ഭാ​ഗ​ത്ത് റോ​ഡ് ഇ​ടി​ഞ്ഞു​താ​ഴ്ന്ന​തെ​ന്നു പ്ര​ദേ​ശ​വാ​സി​ക​ളും വ്യാ​പാ​രി​ക​ളും പ​റ​യു​ന്നു. എ​ന്നാ​ല്‍ ഇ​തു​വ​രെ ഈ ​ഭാ​ഗം അ​റ്റ​കു​റ്റ​പ്പ​ണി ചെ​യ്യു​ന്ന​തി​നു​ള്ള ന​ട​പ​ടി​ക​ള്‍ അ​ധി​കൃ​ത​ര്‍ സ്വീ​ക​രി​ച്ചി​ട്ടി​ല്ല.

ക​ഴി​ഞ്ഞ​ദി​വ​സ​ത്തെ ശ​ക്ത​മാ​യ മ​ഴ​യി​ല്‍ വെ​ള്ളം കു​ഴി​യി​ലൂ​ടെ ഒ​ലി​ച്ചി​റ​ങ്ങി​യ​തി​നാ​ല്‍ റോ​ഡി​ന്‍റ കൂ​ടു​ത​ല്‍ ഭാ​ഗം ഇ​ടി​ഞ്ഞു​താ​ഴു​മോ​യെ​ന്ന ആ​ശ​ങ്ക​യി​ലാ​ണ് നാ​ട്ടു​കാ​ര്‍. തി​ര​ക്കേ​റി​യ മൂ​ന്നു​റോ​ഡു​ക​ളു​ടെ സം​ഗ​മ​സ്ഥാ​ന​ത്തെ അ​പ​ക​ട​ക​ര​മാ​യ കു​ഴി എ​ത്ര​യും വേ​ഗം അ​റ്റ​കു​റ്റ​പ്പ​ണി ചെ​യ്ത് ഗ​താ​ഗ​ത​യോ​ഗ്യ​മാ​ക്ക​ണ​മെ​ന്ന​താ​ണ് ആ​വ​ശ്യം.