വി​ഴി​ഞ്ഞം: ​വേ​ന​ൽ ചൂ​ട് ശ​ക്ത​മാ​കു​ന്ന​തി​നി​ട​യി​ൽ സ​ഹ​ക​ര​ണ സം​ഘം ജീ​വ​ന​ക്കാ​ര​നാ​യ ഒ​രാ​ൾ​ക്ക് സൂ​ര്യാ​ഘാ​ത​മേ​റ്റു.​ വെ​ങ്ങാ​നൂ​ർ പു​ല്ലാ​ന്നി​മു​ക്കി​ലെ പ​ട്ടി​ക​ജാ​തി സ​ഹ​ക​ര​ണ സം​ഘ​ത്തി​ലെ ജീ​വ​ന​ക്കാ​ര​നാ​യ ക​ല്ലു​വെ​ട്ടാ​ൻ​കു​ഴി വീ​ണാ​ഭ​വ​നി​ൽ വി​ജി​ലാ​ലി(37)നാ​ണ് മു​തു​കി​ന്‍റെ ഇ​ട​തു​ഭാ​ഗ​ത്ത് സൂ​ര്യ​ഘാ​ത​മേ​റ്റത്.

ഇന്നലെ ഉ​ച്ച​യ്ക്ക് 12.15 ഓ​ടെ​യാ​യി​രു​ന്നു സം​ഭ​വം. സം​ഘ​ത്തി​ലെ മെ​റ്റീ​രി​യി​ൽ വി​ഭാ​ഗ​ത്തി​ലെ ജോ​ലി​ക്കാ​ര​നാ​യ വി​ജി​ലാ​ൽ സാ​ധ​ന​ങ്ങ​ൾ പു​റ​ത്തെ​ടു​ക്കു​ന്ന​തി​നി​ട​യി​ൽ പെ​ട്ടെ​ന്നു ശ​രീ​ര​ത്തി​ൽ നീ​റ്റ​ലും ക്ഷീ​ണ​വും ക​ണ്ണി​ൽ മ​ങ്ങ​ലും അനുഭവപ്പെടുകയായി രുന്നു. അ​സ്വ​സ്ത​ത കൊ​ണ്ട്,ത​ല​ചു​റ്റി ത​റ​യി​ൽ ഇ​രു​ന്ന ഇ​യാ​ളെ മ​റ്റു ജീ​വ​ന​ക്കാ​ർ ചേ​ർ​ന്നു ശാ​ന്തി​വി​ള​സ​ർ​ക്കാ​ർ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

തു​ട​ർ​ന്നു ഡോ​ക്ട​ർ ന​ട​ത്തി​യ പ​രിശോ​ധ​ന​യി​ലാ​ണു പൊ​ള്ള​ൽ സൂ​ര്യാ​ഘാ​ത​മേ​റ്റതുമൂലമാ​ണെ​ന്നു സ്ഥി​രി​ക​രി​ച്ച​ത്. ഇ​സിജി ഉ​ൾ​പ്പെ​ടെ​യു​ള്ള പ​രി​ശോ​ധ​ന​ക​ൾ​ക്കുശേ​ഷം മ​രു​ന്നും ന​ൽ​കി ര​ണ്ട് ദി​വ​സ​ത്തെ വി​ശ്ര​മ​വും ഡോ​ക്ട​ർ നി​ർ​ദേ​ശി​ച്ച​താ​യും വി​ജി​ലാ​ൽ പ​റ​ഞ്ഞു.