കാ​ട്ടാ​ക്ക​ട: ജെ​ല്ലി​കെ​ട്ട് സി​നി​മ മോ​ഡ​ലി​ൽ പോ​ത്ത് മ​ല​യോ​ര ഗ്രാ​മ​ത്തെ വി​റ​പ്പി​ച്ചു. ഒ​ടു​വി​ൽ ഫ​യ​ർ​ഫോ​ഴ്‌​സ് സം​ഘ​മെ​ത്തി പോ​ത്തി​നെ പി​ടി​കൂ​ടി. ക​ശാ​പ്പി​നെ​ത്തി​ച്ച പോ​ത്താ​ണു വി​ര​ണ്ടോ​ടി​യ​ത്. പോ​ത്ത് നി​ര​വ​ധി വാ​ഹ​ന​ങ്ങ​ളും ത​ക​ർ​ത്തു. മൂ​ന്നു​പേ​ർ​ക്കു പ​രി​ക്കേ​റ്റു.

ചെ​മ്പൂ​രി​ൽ സ്വ​കാ​ര്യ​വ്യ​ക്തി ച​ന്ത​യി​ൽ അ​റ​ക്കാ​ൻ കൊ​ണ്ടു​വ​ന്ന പോ​ത്താ​ണു വി​ര​ണ്ടോ​ടി മൂ​ന്നു​പേ​രെ ഇ‌​ടി​ച്ചി​ട്ട​ത്. തു​ട​ർ​ന്നു നെ​യ്യാ​ർ​ഡാം ഫ​യ​ർ ഫോ​ഴ്‌​സ് എ​ത്തി ഫ​യ​ർ​ഫോ​ഴ്‌​സും നാ​ട്ടു​കാ​രും ചേ​ർ​ന്നു പോ​ത്തി​നെ കീ​ഴ്‌​പ്പെ​ടു​ത്തു​ക​യാ​യി​രു​ന്നു.

പ​രി​ക്കേ​റ്റ മൂ​ന്നു​പേ​രെ​യും സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ക​ശാ​പ്പു ചെ​യ്യു​ന്ന​തി​നാ​യി ചെ​മ്പൂ​ർ സ്വ​ദേ​ശി അ​ബൂ ക​ഴി​ഞ്ഞ ദി​വ​സം വാ​ങ്ങി​യ പോ​ത്താ​യി​രു​ന്നു ക​യ​ർ പൊ​ട്ടി​ച്ചോടിയശേഷം നാടിനെ വിറപ്പിച്ചത്.

ചെ​മ്പൂ​രി​നു സ​മീ​പം മൊ​ട്ടാ​ലും​മൂ​ടി​ൽ നി​ന്നു​ വി​ര​ണ്ടോ​ടി​യ പോ​ത്ത് കി​ലോ​മീ​റ്റ​റു​ക​ളോ​ളം ദൂ​രം സഞ്ച രിച്ചു. അ​തി​നു പി​ന്നാ​ലെ ഉ​ട​മ​സ്ഥ​രും ഓ​ടി. പോ​കു​ന്ന വ​ഴി​യി​ൽക്ക​ണ്ട ബൈ​ക്കു​ക​ൾ ഉ​ൾ​പ്പെ​ടെ​യു​ള്ള​വ പോത്ത് മ​റി​ച്ചി​ട്ടു.

നുള്ളിയോട് സ്വ​ദേ​ശി വേ​ണു, മ​ഞ്ച​ൻ​കോ​ട് സ്വ​ദേ​ശി അ​ഗ​സ്റ്റി​ൻ, രാ​ജു എ​ന്നി​വ​ർ​ക്കാ​ണ് പ​രി​ക്കേറ്റത്. വേ​ണു ആ​ശു​പ​ത്രി​യി​ൽ ചി​കി​ത്സ തേ​ടി. മ​റ്റു​ള്ള​വ​രു​ടെ പ​രി​ക്ക് നി​സാ​ര​മാ​ണ്. വി​ര​ണ്ടോ​ടി ത​ള​ർ​ന്ന പോ​ത്തി​നെ വാ​ഴി​ച്ച​ൽ ഇ​മ്മാ​നു​വ​ൽ കോ​ള​ജി​നു സ​മീ​പ​ത്തു​വ​ച്ചു ഫ​യ​ർ​ഫോ​ഴ്‌​സ് പിടികൂടി.