കാ​ട്ടാ​ക്ക​ട: വേ​ന​ൽ ക​ടു​ക്കു​മ്പോ​ൾ കു​ളിരു പ​ക​ർ​ന്നൊരു വെ​ള്ള​ച്ചാ​ട്ടം. പു​റംനാ​ട്ടി​ൽ നി​ന്നും 20 കി​ലോമീ​റ്റ​ർ അ​ക​ലെ ഉ​ൾ കാ​ട്ടി​ലുള്ളഈ ​വെ​ള്ള​ചാ​ട്ടം സ​ഞ്ചാ​രി​ക​ൾ​ക്ക് കൗ​തു​ക​മാ​കു​ന്നു. ഔ​ഷ​ധ സ​മ്പ​ന്ന​മാ​ർ​ന്ന ജ​ല​ത്തി​ൽ കു​ളി​ക്കാ​നും ഉല്ലസിക്കാനും എ​ത്തു​ന്ന​വ​ർരിൽ ഏറെയും വി​ദേ​ശി​കളും.

കൈ​തോ​ട് ആ​ദി​വാ​സി സെ​റ്റി​ൽ​മെ​ന്‍റി​ന​ടു​ത്താ​ണ് ഈ ​വെ​ള്ള​ച്ചാ​ട്ടം. മ​ഴ​യ​ത്തും വെ​യി​ല​ത്തും വെ​ള്ളം. മ​ഴ സീ​സ​ണി​ൽ ക​ന​ത്ത പ്ര​വാ​ഹം. തീ​ർ​ന്നി​ല്ല. അ​പ​ക​ടം ഉ​ണ്ടാ​ക്കു​ന്ന വെ​ള്ള​പാ​ച്ചി​ൽ ഇ​ല്ല, വ​ഴു​ക്ക​ൻ പാ​റ​ക​ളി​ല്ല എ​ന്ന സ​വി​ശേ​ഷ​ത​യും ഇ​വി​ടെ​യു​ണ്ട്.

അ​ഗ​സ്ത്യ​മ​ല​യി​ൽ​നി​ന്നും ജ​നി​ക്കു​ന്ന ചെ​റി​യ അ​രു​വി​യാ​ണി​ത്. പി​ന്നെ അ​തു വെ​ള്ള​ചാ​ട്ട​മാ​യി മാ​റി കാ​ണി​ക​ൾ​ക്ക് കാ​ഴ്ച​യു​ടെ വി​രു​ന്നൊ​രു​ക്കു ന്നു. ​പി​ന്നെ പ​ഴ​യ രൂ​പ​മാ​യി ക​ര​മ​ന​യാ​റ്റി​ൽ ചെ​ന്നു​ചേ​രും. പൊ​ടി​യം ആ​ദി​വാ​സി സെ​റ്റി​ൻ​മെ​ന്‍റി​ൽ​നി​ന്നും അ​ര​മ​ണി​ക്കൂ​ർ ന​ട​ന്നാ​ൽ ഇ​വി​ടെ എ​ത്താം. കാ​ട്ടു​മൃ​ഗ​ങ്ങ​ൾ സ​ദാ വി​ഹ​രി​ക്കു​ന്ന ഈ ​ഭാ​ഗ​ത്ത് രൂ​പം കൊ​ണ്ട വെ​ള്ള​ചാ​ട്ട​ത്തി​ൽ കു​ളി​ക്കാ​ൻ വ​നം വ​കു​പ്പി​ന്‍റെ അ​നു​മ​തി​യും വേ​ണം. വെ​ള്ള​ത്തി​ന്‍റെ അ​ള​വ് എ​പ്പോ​ഴും ഒ​രേ നി​ല​യി​ലാ​യ ഇ​വി​ടെ അ​ത്ര അ​പ​ക​ട​വും ഒ​ളി​ച്ചി​രി​പ്പി​ല്ല. വ​ലി​യ ക​യ​ങ്ങ​ളു​മി​ല്ല, നാ​ലു ത​ട്ടു​ക​ളി​ലാ​യി ഒ​ഴു​കി വ​രു​ന്ന വെ​ള്ള​ത്തി​നു ന​ല്ല ക​ട്ടി​യാ​ണ്.

അ​ധി​കം വ​ഴു​വ​ഴു​പ്പ് ഇ​ല്ലാ​ത്ത പാ​റ​യാ​യ​തി​നാ​ൽ കു​ളി​ക്കാ​നാ​ണ് അ​ധി​കം പേ​രും എ​ത്തു​ന്ന​ത്. ഇ​ക്കോ ടൂ​റി​സ​ത്തി​ന്‍റെ ഫീ​സും ന​ൽ​കി വ​നം വ​കു​പ്പി​ന്‍റെ അ​നു​മ​തി​യും വാ​ങ്ങി ഇ​വി​ടെ എ​ത്തു​ന്ന​വ​ർ ഭ​ക്ഷ​ണ​വും ക​രു​ത​ണം. ഇ​വി​ടേ​യ്ക്ക് 10 കി​ലോ​മീ​റ്റ​ർ ദൂ​രം വാ​ഹ​ന സൗ​ക​ര്യം ഉ​ണ്ട്. അ​തു​ക​ഴി​ഞ്ഞാ​ൽ ന​ട​ക്ക​ണം. ഇ​തി​നു വ​നം വ​കു​പ്പി​ന്‍റെ ജീ​വ​ന​ക്കാ​രും അ​ക​മ്പ​ടി​യാ​യി ഉ​ണ്ടാ​കും. ക​ര​ടി, കാ​ട്ടു​പോ​ത്ത്, ആ​ന, സിം​ഹ​വാ​ല​ൻ കു​ര​ങ്ങ് എ​ന്നീ മൃ​ഗ​ങ്ങ​ളെ കാ​ണാ​നു​മാ​കും.

വെ​ള്ള​ച്ചാ​ട്ട​ത്തി​ലേ​ക്കു ക​ട​ന്നു​പോ​കു​ന്ന വ​ഴി​ക്കാ​ണ് അ​ണ​ക്കെ​ട്ടും. അ​തി​നാ​ൽ ഡാ​മി​ൽ കു​ളി​ക്കാ​നും വെ​ള്ളം കു​ടി​ക്കാ​നും എ​ത്തു​ന്ന ആ​ന കൂ​ട്ട​ങ്ങ​ളെ കാ​ണാ​നു​മാ​കും. വേ​ന​ലി​ൽ ആ​ന​ക​ൾ നി​ര​നി​ര​യാ​യി വ​രു​ന്ന ഭാ​ഗം കൂ​ടി​യാ​ണി​ത്.