വ​ലി​യ​തു​റ: തി​രു​വ​ന​ന്ത​പു​രം രാ​ജ്യാ​ന്ത​ര വി​മാ​ന​ത്താ​വ​ള​ത്തി​ലെ റ​ണ്‍​വേ റീ ​കാ​ര്‍​പെ​റ്റിം​ഗ് ഉ​ള്‍​പ്പെ​ടെ​യു​ള്ള ന​വീ​ക​ര​ണ പ്ര​വ​ര്‍​ത്ത​ന​ങ്ങ​ള്‍ ക​ഴി​ഞ്ഞു. ഞാ​യ​റാ​ഴ്ച മു​ത​ല്‍ മു​ഴു​വ​ന്‍ സ​മ​യ വി​മാ​ന സ​ര്‍​വീ​സു​ക​ള്‍ ന​ട​ക്കും. ജ​നു​വ​രി 14 മു​ത​ലാ​ണ് റീ ​കാ​ര്‍​പെറ്റിം​ഗ് ജോ​ലി​ക​ള്‍ ആ​രം​ഭി​ച്ച​ത്. ഇ​തേ തു​ട​ര്‍​ന്നു വി​മാ​ന​ങ്ങ​ളു​ടെ സ​മ​യം പു​നഃ​ക്ര​മീ​ക​രി​ച്ചി​രു​ന്നു.

വി​മാ​ന സ​ര്‍​വീ​സു​ക​ളു​ടെ പ്ര​വ​ര്‍​ത്ത​ന​ങ്ങ​ളെ കാ​ര്യ​മാ​യി ബാ​ധി​ക്കാ​ത്ത ത​ര​ത്തി​ലാ​യി​രു​ന്നു പ്ര​വൃ​ത്തി​ക​ള്‍ ന​ട​ന്ന​ത്. രാ​വി​ലെ ഒ​ന്‍​പ​തു​മു​ത​ല്‍ വൈ​കു​ന്നേ​രം ആ​റു​വ​രെ റ​ണ്‍​വേ അ​ട​ച്ചി​ട്ടാ​യി​രു​ന്നു റീ ​കാ​ര്‍ പെറ്റിം​ഗ് പ​ണി​ക​ള്‍ ന​ട​ന്നി​രു​ന്ന​ത്. 75 ദി​വ​സ​ത്തി​നു​ള്ളി​ല്‍ 50,000 മെ​ട്രി​ക് ട​ണ്‍ അ​സ്ഫാ​ല്‍​റ്റ് ഉ​പ​യോ​ഗി​ച്ചു. 150 കി​ലോ​മീ​റ്റ​ര്‍ ഡ​ക്ട് പൈ​പ്പു​ക​ള്‍ സ്ഥാ​പി​ച്ചു. 5.5 ല​ക്ഷം ച​തു​ര​ശ്ര മീ​റ്റ​ര്‍ ഗ്രേ​ഡ​ഡ് സ്ട്രി​പ്പ് ഏ​രി​യ അ​പ്ഗ്ര​ഡേ​ഷ​ന്‍ പൂ​ര്‍​ത്തി​യാ​യി.

റീ ​കാ​ര്‍​പെറ്റിം​ഗ് സ​മ​യ​ത്തും ശ​രാ​ശ​രി 80 വി​മാ​ന​ങ്ങ​ള്‍ ഒ​രേ റ​ണ്‍​വേ​യി​ല്‍ സ​ര്‍​വീ​സ് ന​ട​ത്തി. 500 ജീ​വ​ന​ക്കാ​രും തൊ​ഴി​ലാ​ളി​ക​ളും 200-ല​ധി​കം അ​ത്യാ​ധു​നി​ക ഉ​പ​ക​ര​ണ​ങ്ങ​ളും ഉ​പ​യോ​ഗി​ച്ചാ​ണ് പ​ദ്ധ​തി പൂ​ര്‍​ത്തി​യാ​ക്കി​യ​ത്. വ​ള്ള​ക്ക​ട​വ് മു​ത​ല്‍ ഓ​ള്‍​സെ​യി​ന്‍റ്സ് വ​രെ​യാ​യി 3374 മീ​റ്റ​ര്‍ നീ​ള​ത്തി​ലുള്ള റ​ണ്‍​വേ​യു​ടെ ന​വീ​ക​ര​ണ​മാ​ണ് പൂ​ര്‍​ത്തി​യാ​യ​ത്.

2015-ലാ​യി​രു​ന്നു തി​രു​വ​ന​ന്ത​പു​രം രാ​ജ്യാ​ന്ത​ര വി​മാ​ന​ത്താ​വ​ള​ത്തി​ലെ റ​ണ്‍​വേ അ​വ​സാ​ന​മാ​യി ന​വീ​ക​രി​ച്ച​ത്. സാ​ധാ​ര​ണ ഗ​തി​യി​ല്‍ പ​ത്തു​വ​ര്‍​ഷം കൂ​ടു​മ്പോ​ഴാ​ണു റ​ണ്‍​വേ​യു​ടെ ന​വീ​ക​ര​ണ പ്ര​വൃ​ത്തി​ക​ള്‍ ന​ട​ത്താ​റു​ള്ളത്. ദ​ക്ഷി​ണേ​ന്ത്യ​യി​ലെ ഏ​റ്റ​വും വേ​ഗ​ത്തി​ല്‍ പൂ​ര്‍​ത്തി​യാ​ക്കി​യ റ​ണ്‍​വേ റീ ​കാ​ര്‍പെ​റ്റിം​ഗ് പ​ണി​ക​ളാ​ണു തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ല്‍ ന​ട​ന്ന​ത്.