പേ​രൂ​ര്‍​ക്ക​ട: വി​ദേ​ശ​ത്ത് ജോ​ലി വാ​ഗ്ദാ​നം ചെ​യ്തു ല​ക്ഷ​ങ്ങ​ളു​ടെ ത​ട്ടി​പ്പു​ന​ട​ത്തി​യ ആ​ളെ പേ​രൂ​ര്‍​ക്ക​ട പോ​ലീ​സ് അ​റ​സ്റ്റു​ചെ​യ്തു. എ​റ​ണാ​കു​ളം മൂ​വാ​റ്റു​പു​ഴ മേ​ക്ക​ട​മ്പ് ഭാ​ഗം തെ​ക്കു​വി​ള വീ​ട്ടി​ല്‍ അ​നി​ല്‍​കു​മാ​ര്‍ (54) ആ​ണ് അ​റ​സ്റ്റി​ലാ​യ​ത്. പ​ട്ടം സ്വ​ദേ​ശി​നി ജ​മീ​ല (35)യു​ടെ പ​രാ​തി​യി​ല്‍ ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ് ഇ​യാ​ള്‍ പി​ടി​യി​ലാ​യ​ത്.

സോ​ഷ്യ​ല്‍ മീ​ഡി​യ​വ​ഴി​യാ​ണ് പ്ര​തി യു​വ​തി​യു​മാ​യി പ​രി​ച​യ​പ്പെ​ട്ട​ത്. ന്യൂ​സി​ലാ​ന്‍​ഡി​ലെ ഒ​രു സൂ​പ്പ​ര്‍ മാ​ര്‍​ക്ക​റ്റി​ല്‍ സ്റ്റോ​ര്‍ ക​ണ്‍​ട്രോ​ള​റാ​യി ജോ​ലി വാ​ങ്ങി​ന​ല്‍​കാ​മെ​ന്നു പ​റ​ഞ്ഞു വി​ശ്വ​സി​പ്പി​ച്ചാ​യി​രു​ന്നു ത​ട്ടി​പ്പ്.

അ​നി​ല്‍​കു​മാ​ര്‍ തന്‍റെ എ​റ​ണാ​കു​ള​ത്തെ ഒ​രു ക​മ്പ​നി​യു​ടെ ക​ട​വ​ന്ത്ര​യി​ലു​ള്ള ബാ​ങ്ക് അ​ക്കൗ​ണ്ടി​ലേ​ക്ക് 10, 30,500 രൂ​പ​യാ​ണ് ഇ​പ്ര​കാ​രം ത​ട്ടി​പ്പിലൂടെ കൈ​പ്പ​റ്റി​യ​ത്. വി​വി​ധ കാ​ല​ങ്ങ​ളി​ലാ​യി​ട്ടാ​ണ് ഇ​ത്ര​യും തു​ക അ​നി​ല്‍​കു​മാ​ര്‍ ത​ട്ടി​യെ​ടു​ത്ത​ത്. ജോ​ലി ല​ഭി​ക്കാ​തെ വ​ന്ന​തോ​ടെ ക​ബ​ളി​പ്പി​ക്ക​പ്പെട്ടെന്നു മ​ന​സി​ലാ​ക്കി​യ യു​വ​തി പേ​രൂ​ര്‍​ക്ക​ട പോ​ലീ​സി​ല്‍ പ​രാ​തി ന​ല്‍​കു​ക​യാ​യി​രു​ന്നു.

മൊ​ബൈ​ല്‍​ട​വ​റു​ക​ള്‍ കേ​ന്ദ്രീ​ക​രി​ച്ചു ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ല്‍ എ​റ​ണാ​കു​ളം ജി​ല്ല​യി​ല്‍നി​ന്നാ​ണ് ഇ​യാ​ളെ പോലീസ് പിടികൂടിയത്. അ​റ​സ്റ്റി​ലാ​യ പ്ര​തി​യെ കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍​ഡ് ചെ​യ്തു.