പൂ​വാ​ർ: ഒ​രേദി​വ​സം പ​ള്ളി കു​രി​ശ​ടി​യി​ലും അ​മ്പ​ല​ത്തി​ലും തൊ​ട്ട​ടു​ത്ത വീ​ട്ടി​ലും മോ​ഷ​ണം.​ ര​ക്തക്ക​റ ​പി​ൻ​തു​ട​ർ​ന്ന പോ​ലീ​സ് പ്ര​തി​ക​ളാ​യ മൂ​ന്നു​പേ​രെ പി​ടി​കൂ​ടി.​ ക​രും​കു​ളം കൊ​ച്ചു​തു​റ എം​എ​ൻ തോ​ട്ടം പു​ര​യി​ട​ത്തി​ൽ മെ​റി​ൻ (19), പു​തി​യ​തു​റ ആ​ർ​ടി ഹൗ​സി​ൽ ശ്യാം (22), ​പൂ​വാ​ർ എ​രി​ക്ക​ലു​വി​ള വീ​ട്ടി​ൽ റോ​ജി​ൻ (20) എ​ന്നി​വ​രെ​യാ​ണ് പോ​ലീ​സ് അ​റ​സ്റ്റ് ചെ​യ്ത​ത്.

വെ​ള്ളി​യാ​ഴ്്ച പു​ല​ർ​ച്ച​യോ​ടെ​യാ​യിരുന്നു സം​ഭ​വം.​ ആ​ദ്യം ക​രും​കു​ളം ശി​വ​ക്ഷേ​ത്ര​ത്തി​ലെ​ത്തി​യ മോ​ഷ്ടാ​ക്ക​ൾ മ​തി​ൽചാ​ടി ക്ക​ട​ന്നു ശ്രീ​കോ​വി​ലി​നു മു​ന്നി​ൽ സ്ഥാ​പി​ച്ചി​രു​ന്ന കാ​ണി​ക്കവ​ഞ്ചി ത​ക​ർ​ത്ത് 7,000 രൂ​പ​യും നാലു നി​ല​വി​ള​ക്കു​ക​ളും മോ​ഷ്ടി​ച്ചു.​

തു​ട​ർ​ന്നു തൊ​ട്ട​ടു​ത്ത വീ​ട്ടി​ൽ ക​യ​റി​യ പ്ര​തി​ക​ൾ ഒ​രു നി​ല​വി​ള​ക്കും അ​പ​ഹ​രി​ച്ചു. അ​തി​നു​ശേ​ഷം കൊ​ച്ചു​തു​റ പള്ളിക്കു കീ​ഴി​ലു​ള്ള മ​ദ​ർ തെ​സേ​ര​യു​ടെ കു​രി​ശ​ടി​യു​ടെ ഗ്ലാ​സ് കൈ ​കൊ​ണ്ട് ഇ​ടി​ച്ചു ത​ക​ർ​ത്തു കാ​ണി​ക്ക വ​ഞ്ചി​യി​ലു​ണ്ടാ​യി​രു​ന്ന 5,500 രൂ​പ അ​പ​ഹ​രി​ച്ച​ശേ​ഷം ര​ക്ഷ​പ്പെ​ടുകയായിരുന്നു.

നാ​ട്ടു​കാ​ർ വിവരം അ​റി​യി​ച്ച​തി​നെ തു​ട​ർ​ന്നു കാ​ഞ്ഞി​രം​കു​ളം പോ​ലീ​സെ​ത്തി ന​ട​ത്തി​യ പ​രി​ശോ​ധ​ന​യി​ൽ കു​രി​ശ​ടി​ക്ക് സ​മീ​പം മു​ത​ൽ തൊ​ട്ട​ടു​ത്ത വ​ഴി​യി​ലുൾപ്പെടെ ര​ക്തം വാ​ർ​ന്നൊ​ഴു​കി​യ നി​ല​യി​ൽ ക​ണ്ടെ​ത്തി. ഇ​തി​ന്‍റെ ചു​വ​ടുപി​ടി​ച്ചു പോ​ലീ​സ് ന​ട​ത്തി​യ അ​ന്വേ​ഷ​ണം ചെ​ന്നെ​ത്തി​യ​തു മെ​റി​ന്‍റെ വീ​ട്ടി​ൽ. പോ​ലീ​സി​നെ ക​ണ്ട​തോ​ടെ മെ​റി​നും കൂ​ട്ടാ​ളി​ക​ളും വീ​ട്ടി​ൽ നി​ന്നും ഇ​റ​ങ്ങി​യോ​ടി.​

പി​ന്തു​ട​ർ​ന്ന പോ​ലീ​സ് മൂ​വ​ർ സം​ഘ​ത്തെ കൊ​ച്ചു​തു​റ​യ്ക്ക് സ​മീ​പത്തുനി​ന്നു പി​ടികൂ​ടു​ക​യാ​യി​രു​ന്നു. വി​ര​ല​ട​യാ​ള വി​ദ​ഗ്ധ​രും ഡോ​ഗ് സ്ക്വാ​ഡും സ്ഥ​ല​ത്ത് പ​രി​ശോ​ധ​ന ന​ട​ത്തി. ശി​വ​ക്ഷേ​ത്ര​ത്തി​ൽ പ​രി​ശോ​ധ​ന​യ്ക്കെത്തി​ച്ച പോ​ലീ​സ് നാ​യ മെ​റി​ന്‍റെ വീ​ട്ടി​ൽ മ​ണം പി​ടി​ച്ചെ​ത്തി. അ​വി​ടെ പ​രി​ശോ​ധ​ന ന​ട​ത്തി​യ പോ​ലീ​സ് മോ​ഷ​ണ വ​സ്തു​ക്ക​ളാ​യ നി​ല​വി​ള​ക്കു​ക​ൾ ക​ണ്ടെ​ടു​ത്തു. പ്ര​തി​ക​ൾ ല​ഹ​രി​യി​ലാ​യി​രു​ന്ന​താ​യി പോ​ലീ​സ് പ​റ​ഞ്ഞു.​

എ​സ്​ഐമാ​രാ​യ ശ​ശി​ഭൂ​ഷ​ൺ നാ​യ​ർ, എസ്. രാ​ജേ​ഷ് കു​മാ​ർ, റോ​യി, എഎ​സ്ഐ ​വി​മ​ൽ​കു​മാ​ർ, സീ​നി​യ​ർ സി​പി​ഒ വി​മ​ൽ​കു​മാ​ർ എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്. മെ​റി​ൻ നി​ര​വ​ധി കേ​സി​ലെ പ്ര​തി​യാ​ണ്. സ​ംഭ​വ​ത്തി​ൽ കൂ​ടു​ത​ൽ പ്ര​തി​ക​ൾ ഉ​ണ്ടാ​യി​രു​ന്ന​താ​യും ഇ​വ​ർ​ക്ക് വേ​ണ്ടി​യു​ള്ള അ​ന്വേ​ഷ​ണം തു​ട​ങ്ങി​യ​താ​യി കാ​ഞ്ഞി​രം​കു​ളം പോ​ലീ​സ് പ​റ​ഞ്ഞു.