നെ​യ്യാ​റ്റി​ന്‍​ക​ര : നെ​യ്യാ​റി​ന്‍റെ പ​രി​സ​ര​ത്ത് മാ​ലി​ന്യം നി​ക്ഷേ​പി​ക്കാ​നെ​ത്തി​യ ലോ​റി നെ​യ്യാ​റ്റി​ന്‍​ക​ര ന​ഗ​ര​സ​ഭ ആ​രോ​ഗ്യ​വി​ഭാ​ഗം അ​ധി​കൃ​ത​ര്‍ പി​ടി​ച്ചെ​ടു​ത്ത് ആ​ര്‍​ഡി​ഒ​യ്ക്ക് കൈ​മാ​റി.
ന​ഗ​ര​സ​ഭ പ​രി​ധി​യി​ലെ കൊ​ല്ല​വാം​വി​ള വാ​ര്‍​ഡി​ലാ​ണ് അ​ന്പ​തു സെ​ന്‍റോ​ള​മു​ള്ള പു​ര​യി​ട​ത്തി​ല്‍ നി​ക്ഷേ​പി​ക്കാ​ന്‍ മാ​ലി​ന്യം ലോ​റി​യി​ല്‍ കൊ​ണ്ടു​വ​ന്ന​ത്. ഏ​ക​ദേ​ശം പ​ത്ത​ടി താ​ഴ്ച​യു​ള്ള ച​തു​പ്പു​നി​ലം നി​ക​ത്താ​ന്‍ മാ​ലി​ന്യം എ​ത്തി​ച്ചു​വെ​ന്ന​താ​ണ് പ്രാ​ഥ​മി​ക നി​ഗ​മ​നം. ലോ​റി​യു​ടെ ആ​ര്‍​സി ബു​ക്ക് അ​ട​ക്ക​മു​ള്ള രേ​ഖ​ക​ള്‍ ല​ഭി​ച്ചി​ല്ലാ​യെ​ന്നും അ​ധി​കൃ​ത​ര്‍ അ​റി​യി​ച്ചു.

വാ​ര്‍​ഡ് കൗ​ണ്‍​സി​ല​ര്‍ ന​ഗ​ര​സ​ഭ സെ​ക്ര​ട്ട​റി​ക്ക് ന​ല്‍​കി​യ പ​രാ​തി​യ​നു​സ​രി​ച്ച് ആ​രോ​ഗ്യ വി​ഭാ​ഗം അ​ധി​കൃ​ത​ര്‍ പ​രി​ശോ​ധി​ക്കാ​നെ​ത്തി​യ​പ്പോ​ഴാ​ണ് മാ​ലി​ന്യ​വു​മാ​യി ലോ​റി വ​ന്ന​ത്. മൂ​ന്നു ട​ണ്ണോ​ളം മാ​ലി​ന്യ​ങ്ങ​ള്‍ പാ​യ്ക്ക് ചെ​യ്ത് ലോ​റി​യി​ല്‍ നി​റ​ച്ചി​രു​ന്നു. മ​ഹ​സ​ര്‍ ത​യാ​റാ​ക്കി ലോ​റി ആ​ര്‍​ഡി​ഒ​യ്ക്ക് കൈ​മാ​റി​യെ​ന്ന് ആ​രോ​ഗ്യ​വി​ഭാ​ഗം ഉ​ദ്യോ​ഗ​സ്ഥ​ര്‍ ദീ​പി​ക​യോ​ട് പ​റ​ഞ്ഞു.

നെ​യ്യാ​റി​ന്‍റെ തീ​ര​പ്ര​ദേ​ശ​ത്തു മാ​ത്ര​മ​ല്ല ന​ദി​യി​ലേ​യ്ക്കും മാ​ലി​ന്യ​ങ്ങ​ള്‍ വ​ലി​ച്ചെ​റി​യു​ന്ന പ്ര​വ​ണ​ത നെ​യ്യാ​റ്റി​ന്‍​ക​ര​യി​ലും സ​മീ​പ​പ​ഞ്ചാ​യ​ത്തു​ക​ളി​ലു​മു​ണ്ട്. ന​ദി​യി​ല്‍ നി​ക്ഷേ​പി​ക്കു​ന്ന മാ​ലി​ന്യ​ങ്ങ​ള്‍ അ​ങ്ങി​ങ്ങ് കെ​ട്ടി​ക്കി​ട​ക്കു​ന്ന കാ​ഴ്ച നെ​യ്യാ​റി​ല്‍ കാ​ണാം. നെ​യ്യാ​റ്റി​ന്‍​ക​ര താ​ലൂ​ക്കി​ന്‍റെ പ്ര​ധാ​ന ജ​ല​സ്രോ​ത​സാ​യ നെ​യ്യാ​റി​നെ മ​ലീ​മ​സ​മാ​ക്കു​ന്ന​വ​ര്‍​ക്കെ​തി​രെ ക​ര്‍​ശ​ന ന​ട​പ​ടി സ്വീ​ക​രി​ക്കാ​ന്‍ അ​ധി​കൃ​ത​ര്‍ പ​ല​പ്പോ​ഴും ത​യാ​റാ​കു​ന്നി​ല്ലെ​ന്നും ആ​ക്ഷേ​പ​മു​ണ്ട്.