ആറാം ക്ലാസുകാരിയെ പീഡിപ്പിച്ചയാൾക്ക് 12 വർഷം കഠിനതടവും 20,000 രൂപ പിഴയും
1464313
Sunday, October 27, 2024 6:40 AM IST
തിരുവനന്തപുരം: ആറാം ക്ലാസ് വിദ്യാർഥിനിയെ പീഡിപ്പിച്ച കേസിൽ ചിത്രകല അധ്യാപകനു 12 വർഷം കഠിനതടവും 20,000 രൂപ പിഴയും ശിക്ഷ വിധിച്ചു. പാങ്ങപ്പാറ്റ സ്വദേശിയായ രാജേന്ദ്രനെ (65)യാണു തിരുവനന്തപുരം അതിവേഗ പ്രത്യേക കോടതി ജഡ്ജി ആർ. രേഖ ശിക്ഷിച്ചത്.
പിഴത്തുക കുട്ടിക്കു നൽകണമെന്നും അടച്ചില്ലെങ്കിൽ നാലു മാസം കൂടുതൽ തടവ് അനുഭവിക്കണമെന്നു കോടതി പറഞ്ഞു. പ്രോ സിക്യൂഷനു വേണ്ടി സ്പെഷൽ പബ്ലിക് പ്രോസിക്യൂട്ടർ ആർ.എസ്. വിജയ് മോഹൻ, അഡ്വ. അതിയന്നൂർ അർ.വൈ. അഖിലേഷ് എന്നിവർ ഹാജരായി.