കോർപറേഷൻ പരിധിയിൽ നാളെ ഉച്ചകഴിഞ്ഞു ഒന്നു മുതൽ രാത്രിവരെ കുടിവെള്ളം മുടങ്ങും
1463865
Friday, October 25, 2024 6:33 AM IST
തിരുവനന്തപുരം: കോർപറേഷൻ പരിധിയിലെ എല്ലാ മേഖലകളിലും നാളെ ഉച്ചമുതൽ രാത്രി വരെ കുടിവെള്ളവിതരണം തടസപ്പെടും. ഉച്ചകഴിഞ്ഞു ഒന്നു മുതൽ രാത്രി ഏഴു വരെ വിതരണം മുടങ്ങുമെന്നാണ് വാട്ടർ അഥോറിറ്റി അറിയിച്ചിരിക്കുന്നത്.
ഉയർന്ന പ്രദേശങ്ങളിൽ രാത്രിയോടെ മാത്രമേ ജലവിതരണം പുനഃസ്ഥാപിക്കുകയുള്ളു. കെഎസ്ഇബി അരുവിക്കര സബ് സ്റ്റേഷനിൽ പുതിയ 12.5 എംവിഎ ട്രാൻസ്ഫോമർ,
പുതിയ കണ്ട്രോൾ റിലേ പാനൽ എന്നിവ സ്ഥാപിക്കുന്ന ജോലികൾ നടത്തുന്നതിനാൽ അരുവിക്കര സബ്സ്റ്റേഷനിൽനിന്നു വാട്ടർ അഥോറിറ്റിയുടെ ജലശുദ്ധീകരണശാലകളിലേക്കു വൈദ്യുതി വിതരണം തടസപ്പെടുന്നതു കൊണ്ടാണ് കുടിവെള്ള വിതരണം തടസപ്പെടുന്നതെന്നും വാട്ടർ അഥോറിറ്റി അറിയിച്ചു.