സ്വാതന്ത്ര്യസമര പ്രക്ഷോഭ ജാഥയുടെ സ്മരണവാർഷികം
1463649
Thursday, October 24, 2024 7:04 AM IST
തിരുവനന്തപുരം: സ്വാതന്ത്ര്യസമര പ്രക്ഷോഭ ചരിത്രത്തിലെ അതിനിർണായകമായ ഒരു കാലയളവിൽ ആത്മധൈര്യത്തോടെയും ത്യാഗ ബുദ്ധിയോടെയും പ്രവർത്തിച്ച ദേശസ്നേഹിയായിരുന്നു അക്കാമ്മ ചെറിയാനെന്നു മന്ത്രി ജി.ആർ.അനിൽ. ധീരതയുടെയും നിസ്വാർഥതയുടെയും പ്രതീകമായ അക്കാമ്മ ചെറിയാന്റെ നേതൃത്വം വരുംതലമുറകളെയും പ്രചോദിപ്പിക്കുന്നതാണെന്നും അദ്ദേഹം പറഞ്ഞു.
വെള്ളയന്പലം അക്കാമ്മ ചെറിയാൻ പാർക്കിൽ സംഘടിപ്പിച്ച പ്രക്ഷോഭ ജാഥയുടെ സ്മരണവാർഷികം ഉദ്ഘാടനം ചെയ് തു പ്രസംഗിക്കുകയായിരുന്നു മന്ത്രി അനിൽ. മുൻ എംഎൽഎ ഡോ.കെ. മോഹൻ കുമാർ, കൗണ്സിലർ പി. ശ്യാംകുമാർ,
ലീലാമ്മ ഐസക്, മണക്കാട് സുരേഷ്, കരുംകുളം രാധാകൃഷ്ണൻ, എസ്. ജലിൽ മുഹമ്മദ്, മുട്ടട രാജേന്ദ്രൻ, തോമസ് ചെറിയാൻ, ജെ.ആർ വിജയൻ, കരുംകുളം വിജയകുമാർ, കെ.ആർ. ക്ലീറ്റസ്, പട്ടം സുധീർ, സജു അമർദാസ് എന്നിവർ പങ്കെടുത്തു.