നേമം സഹകരണ ബാങ്കിൽ റെയ്ഡ്; കുഴഞ്ഞുവീണയാളെ ആശുപത്രിയിലാക്കി
1463866
Friday, October 25, 2024 6:33 AM IST
നേമം: നിക്ഷേപകരുടെ പരാതിയെ തുടർന്ന് രജിസ്റ്റർ ചെയ്ത കേസുകൾക്കു പിന്നാലെ നേമം പോലീസ് ഇന്നലെ നെയ്യാറ്റിൻകര ജുഡീഷൽ ഫസ്റ്റ് ക്ലാസ് മജിസ്ട്രേറ്റ് കോടതി-7ന്റെ ഉത്തരവ് പ്രകാരം നേമം സഹകരണ ബാങ്കിൽ റെയ്ഡ് നടത്തി.
രാവിലെ തുടങ്ങിയ റെയ്ഡ് രാത്രി ഏഴിനാണ് അവസാനിപ്പിച്ചത്. രേഖകൾ പരിശോധിച്ചും പിടിച്ചെടുത്തും തട്ടിപ്പിന്റെ കണക്കുകൾ പോലീസ് ശേഖരിച്ചു.
നേമം എസ്ഐ രജീഷ്, സീനിയർ സിപിഒമാരായ ശ്രീകാന്ത്, സുരേഷ്, പ്രവീൺ, അജിഷ തുടങ്ങിയവരുടെ നേതൃത്വത്തിലെ റെയ്ഡ് ഇന്നു തുടരും. ഇതിനിടെ ഇന്നലെ രാവിലെ ബാങ്കിലെത്തിയ നിക്ഷേപകൻ കുഴഞ്ഞുവീണു.
ശാന്തിവിള സർവോദയം പേരാവിളയിൽ ജനാർദന പണിക്കർ (70) ആണ് കുഴഞ്ഞുവീണത്. ഉടനെ തന്നെ ആംബുലൻസിൽ ഇദ്ദേഹത്തെ ആശുപത്രിയിലെത്തിച്ചു.