കൂറ്റൻ മതിലിടിഞ്ഞ് വീടിന് മുൻപിൽ വീണു
1464109
Saturday, October 26, 2024 6:47 AM IST
നെടുമങ്ങാട് : കനത്ത മഴയിൽ കൂറ്റൻ മതിലിടിഞ്ഞ് വീടിന് മുൻപിൽ വീണു. വീട്ടിൽ പാർക്ക് ചെയ്തിരുന്ന രണ്ട് കാറുകളും രണ്ട് ബൈക്കും പൂർണമായും തകർന്നു.
അരുവിക്കര പഞ്ചായത്തിലെ മൈലമൂട് മൈലംമൂട് ഗോതമ്പി ശ്രീ പത്മനാഭത്തിൽ പി.പ്രതാപൻ നായരുടെ വീട്ടിലേക്ക് ആണ് ഇന്നലെ ഉച്ചക്ക് 12ന് കൂറ്റൻ മതിൽ ഇടിഞ്ഞ് വീണത് . അരോമ മണിയുടെ ഉടമസ്ഥയിലുള്ള അരോമ ഗാർഡൻസ് ഷൂട്ടിംഗ് സ്റ്റുഡിയോയുടെ രണ്ടാമത്തെ വഴിയുടെ മതിലാണ് ഇടിഞ്ഞത്.
മണ്ണിനടിയിലായ വാഹനങ്ങൾ പൂർണമായി നശിച്ചു. പ്രതാപൻ നായരും ഭാര്യയും മക്കളും രണ്ട് കുട്ടികളും മരുമകളുമാണ് ഇവിടെ താമസിക്കുന്നത്. മതിലിന്റെ മറ്റുള്ളഭാഗം ഏത് നിമിഷവും തകരാവുന്ന അവസ്ഥയിലാണ്. വീടും അപകട ഭീഷണിയിലാണ്.