രോഗമില്ലാത്ത ഗ്രാമം; പദ്ധതിക്ക് തുടക്കമായി
1464115
Saturday, October 26, 2024 6:55 AM IST
പാറശാല: പാറശാല ബ്ലോക്ക് പഞ്ചായത്ത് നടപ്പിലാക്കിവരുന്ന രോഗമില്ലാത്ത ഗ്രാമം പദ്ധതിയുടെ നാലാംഘട്ട പ്രവര്ത്തനങ്ങള്ക്ക് കാരോട് പഞ്ചായത്തില് ആരംഭംകുറിച്ചു. പദ്ധതിയുടെ ഭാഗമായുള്ള മെഡിക്കല് ക്യാമ്പ് കാരോട് പഞ്ചായത്തില് ചെങ്കവിള ബെഥേല് ലൂഥറന് മിഷന് ചര്ച്ച് ഹാളില് ബ്ലോക്ക് പഞ്ചായത്ത് പ്രസിഡന്റ് അഡ്വ. എസ്.കെ .ബെന് ഡാര്വിന് ഉദ്ഘാടനം ചെയ്തു.
പഞ്ചായത്ത് വാര്ഡ് അംഗം സൗമ്യ ഉദയന് അധ്യക്ഷത വഹിച്ചു . ഹെല്ത്ത് സൂപ്പര്വൈസര് ശ്രീതിലകരാജ് റിപ്പോര്ട്ട് അവതരിപ്പിച്ചു. ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മറ്റി ചെയര്മാന് എസ്.ആര്യദേവന്, ബ്ലോക്ക് അംഗം ശാലിനി സുരേഷ്, ഡോ. സ്മിത, ഡോ.റാണി, എച്ച്.ഐ .സുരേഷ്കുമാര് , ജോയിന്റ് ബി .ഡി.ഒ ജയപ്രകാശ് തുടങ്ങിയവര് പ്രസംഗിച്ചു.
തിരുവനന്തപുരം ആര്സി സി, പാറശാല സര്ക്കാര് താലൂക്ക് ആശുപത്രി, ശ്രീ മൂകാംബിക മെഡിക്കല് കോളജ്, പാറശാല സരസ്വതി മള്ട്ടി സ്പെഷാലിറ്റി ആശുപത്രി, പൂവാര് കമ്മ്യൂണിറ്റി ഹെല്ത്ത് സെന്റർ, തിരുപുറം ആയുഷ് വകുപ്പ് എന്നിവിടങ്ങളിലെ ഡോക്ടര്മാരും മറ്റ് ഉദ്യോഗസ്ഥരും ക്യാമ്പിന് നേതൃത്വം നൽകി.