അതിയന്നൂർ പഞ്ചായത്തിൽ ഗെയിംസ് ഫെസ്റ്റിവലിന് തുടക്കമായി
1464110
Saturday, October 26, 2024 6:55 AM IST
നെയ്യാറ്റിന്കര : അതിയന്നൂർ പഞ്ചായത്തിലെ കായികതാരങ്ങളുടെ മികവ് പ്രകടമാക്കുന്നതിനും ഗ്രാമത്തിലെ കായികതാരങ്ങളെ തെരഞ്ഞെടുക്കുന്നതിനുമായി സംഘടിപ്പിക്കുന്ന ഗെയിംസ് ഫെസ്റ്റിവലിന് തുടക്കമായി.
ഫെസ്റ്റിവലിന്റെ ഉദ്ഘാടനം കെ. ആൻസലൻ എംഎല്എ നിര്വഹിച്ചു. യോഗത്തിൽ പഞ്ചായത്ത് ആരോഗ്യ - വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ കൊടങ്ങാവിള വിജയകുമാർ അധ്യക്ഷനായി.
വൈസ് പ്രസിഡന്റ് അഡ്വ. അനിത, സുധാമണി, അനിക്കുട്ടൻ, അജിത, നിർമലകുമാരി, സെക്രട്ടറി ഹരിൻ ബോസ്, അസിസ്റ്റന്റ് സെക്രട്ടറി എസ്. ശിവൻ, കോര്ഡിനേറ്റർ ആദർശ് എന്നിവർ പ്രസംഗിച്ചു.