ശക്തമായ മഴയിൽ വീട് തകര്ന്നുവീണു
1464116
Saturday, October 26, 2024 6:55 AM IST
വെള്ളറട: ശക്തമായ മഴയിൽ ഒറ്റശേഖരമംഗലം പഞ്ചായത്തില് വീട് തകര്ന്നുവീണ് അപകടം. അപകടത്തിൽ ആർക്കും പരിക്കില്ല. വാഴിച്ചല് റോഡരി വീട്ടില് ഗോമതി (65)യുടെ ശോച്യാവസ്ഥയിലായിരുന്ന വീടാണ് ഇന്നലെ തകര്ന്നു വീണത്. വീടിന്റെ ഒരു ഭാഗം പൂർണമായും തകര്ന്നു വീഴുകയായിരുന്നു.
ഈ സമയം ഗോമതി മറ്റൊരു മുറിയില് ആയതിനാല് ദുരന്തം ഒഴിവായി. വീട്ടില് ഗോമതിയും വൃദ്ധരായ സഹോദരിയും ഭര്ത്താവും ഒപ്പം താമസമുണ്ട്. ഒറ്റശേഖരമംഗലം പഞ്ചായത്തില് ലൈഫ് ഭവന പദ്ധതിയില് പുതിയ വീടിനായുള്ള ലിസ്റ്റിൽ ഗോമതിയും ഉൾപെട്ടിട്ടുണ്ട്.
എത്രയും വേഗം അധികൃകർ ഇടപെട്ട് കുടുംബത്തിന് വീട് നീർമുച്ചു നൽകണമെന്ന ആവശ്യം ശക്തമായിട്ടുണ്ട്.