എംഡിഎംഎ യുമായി യുവാവ് പിടിയില്
1430420
Thursday, June 20, 2024 6:22 AM IST
വലിയതുറ: ട്രെയിന് മാര്ഗം വില്പ്പനയ്ക്കായി കൊണ്ട് വന്ന എംഡിഎംഎ യുമായി യുവാവ് പിടിയില്. ചിറയിന്കീഴ് സ്വദേശി സൂരജിനെ(24) യാണ് കഴിഞ്ഞദിവസം രാവിലെ കൊച്ചുവേളി റെയില്വേ സ്റ്റേഷനില് ആര്പിഎഫ് പിടികൂടിയത്.
മൈസൂരു-കൊച്ചുവേളി എക്സ്പ്രസില് കൊച്ചുവേളി റെയില്വേ സ്റ്റേഷനിലെത്തിയ സൂരജ് മയക്ക് മരുന്ന് വാങ്ങാനെത്തുന്ന ആളെ കാത്ത് റെയില്വേ യാര്ഡിനു സമീപം കാത്തുനില്ക്കുമ്പോഴായിരുന്നു ആര്പിഎഫിന്റെ കെണിയില് അകപ്പെട്ടത്. ഓടി രക്ഷപ്പെടാന് ശ്രമിക്കവേ സംഘം ഇയാളെ പിന്തുടര്ന്ന് പിടികൂടുകയായിരുന്നു.
സൂരജില് നിന്നും 25 ഗ്രാം എംഡിഎംഎ കണ്ടെത്തി. ബംഗളൂരുവില് നിന്നുമാണ് ഇയാള് കച്ചവടത്തിനായി എംഡിഎംഎ വാങ്ങി ട്രെയിന് മാര്ഗം കൊച്ചുവേളിയില് എത്തിയത്. കൂടുതല് കാര്യങ്ങള് അധികൃതര് അന്വേഷിച്ചു വരികയാണ്..