വെള്ളൂ​ർ: പി​റ​വം റോ​ഡ് റെ​യി​ൽ​വേ മേ​ൽ​പാ​ല​ത്തി​ന്‍റെ അ​ടിപ്പാ​ത​യി​ലെ വെ​ള്ള​വും​ ചെ​ളി​യും നീ​ക്കി. വെ​ള്ളൂ​ർ ക​ല്ലു​വേ​ലി റെയി​ൽ​വേ അ​ടി​പ്പാ​ത​യി​ൽ വെ​ള്ള​വും ചെ​ളി​യും നി​റ​ഞ്ഞ​തി​നെത്തു​ട​ർ​ന്ന് ഗ​താ​ഗ​തം ദു​ഷ്ക​ര​മാ​യ​ വാർത്ത ദീ​പി​ക റി​പ്പോ​ർ​ട്ട് ചെ​യ്തി​രു​ന്നു. വെ​ള്ളൂ​ർ ക​ല്ലു​വേ​ലി​ൽ റെ​യി​ൽ​വേഗേ​റ്റ് മാ​റ്റി പ​ക​രം റെ​യി​ൽ​പാ​ത​യ്ക്ക് അ​ടി​യി​ലു​ടെ വാ​ഹ​ന ഗ​താ​ഗ​ത​ത്തി​നും കാ​ൽ​ന​ടയാ​ത്ര​ക്കാ​ർ​ക്കും ക​ട​ന്നു​പോ​കു​ന്ന​തി​നാ​ണ് അ​ടി​പ്പാ​ത തീ​ർ​ത്ത​ത്. ചെ​ളി​യും വെ​ള്ള​വും നി​റ​ഞ്ഞ​തോ​ടെ കാ​ൽ​ന​ട​യാ​ത്ര​ ദുഷ്കരമായി.

അ​വ​ർ​മ സ്വ​ദേ​ശി​യാ​യ ബൈ​ക്ക് യാ​ത്രി​ക​ന് അടിപ്പാതയിൽ വീ​ണ് പ​രി​ക്കേ​റ്റി​രു​ന്നു.​വെ​ള്ളൂ​ർ-വെ​ട്ടി​ക്കാ​ട്ട്മു​ക്ക് റോ​ഡി​ലൂ​ടെ കെ​പിപി​എ​ൽ, ഇ​റു​മ്പ​യം, പെ​രു​വ ഭാ​ഗ​ങ്ങ​ളി​ലേ​ക്ക് പോ​കുന്നത് അടിപ്പാതവഴിയാണ്. വെ​ള്ളൂ​രി​ൽ ആ​രം​ഭി​ക്കു​ന്ന പാ​ർ​ക്കിന്‍റെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കാ​യി ലോ​റി​യി​ൽ കൊ​ണ്ടു​പോ​കു​ന്ന മ​ണ്ണ് താ​ഴെ വീ​ണ് വെ​ള്ള​ക്കെ​ട്ടി​ൽ ചേ​ർ​ന്ന് ചെ​ളി​യാ​യി റെ​യി​ൽ​വേ വെ​ള്ളം പ​മ്പുചെ​യ്തു ക​ള​യു​ന്നതി​നു നി​ർ​മി​ച്ച കി​ണ​റ്റി​ൽ നി​റ​ഞ്ഞ് പ​മ്പിം​ഗ് ത​ക​രാ​റി​ലാ​യ​താ​ണ് ഗ​താ​ഗ​തത​ട​സ​ത്തി​ന് ഇ​ട​യാ​ക്കി​യ​ത്.

ചെ​ളി​യും വെ​ള്ള​വും നീ​ക്കം ചെ​യ്യ​ണ​മെ​ന്ന് ആ​വ​ശ്യ​പ്പെ​ട്ട് ബ്ലോ​ക്ക് കോ​ൺ​ഗ്ര​സ് വൈ​സ് പ്ര​സി​ഡ​ന്‍റ് എം.​ആ​ർ. ഷാ​ജി, പ​ഞ്ചാ​യ​ത്തം​ഗം കു​ര്യാ​ക്കോ​സ് തോ​ട്ട​ത്തി​ൽ എ​ന്നി​വ​രു​ടെ നേ​തൃ​ത്വ​ത്തി​ൽ റോ​ഡ് ഉ​പ​രോ​ധ​മ​ട​ക്ക​മു​ള്ള സ​മ​രം സം​ഘ​ടി​പ്പി​ക്കാ​ൻ ഒ​രു​ങ്ങു​ന്ന​തി​നി​ടെയാണ് ചെ​ളി​യും വെ​ള്ള​വും നീ​ക്കി ഗ​താ​ഗ​തം സു​ഗ​മ​മാ​ക്കാ​ൻ അ​ധി​കൃ​ത​ർ ന​ട​പ​ടി സ്വീ​ക​രി​ച്ച​ത്.

Tags : local news nattuvishesham