കോഴിക്കോട്: സർവീസ് പെൻഷനേഴ്സ് കൗൺസിൽ വിവിധ ആവശ്യങ്ങളുന്നയിച്ച് കോഴിക്കോട് അഡീഷണൽ സബ്ട്രഷറിയുടെ മുന്നിൽ സംഘടിപ്പിച്ച ജനകീയ സദസ് സംസ്ഥാന വൈസ് പ്രസിഡന്റ് അഹമ്മദുകുട്ടി കുന്നത്ത് ഉദ്ഘാടനം ചെയ്തു. ടി.ഹസ്സൻ അധ്യക്ഷത വഹിച്ചു. പെൻഷൻ പരിഷ്കരണ നടപടി ആവശ്യപ്പെട്ടാണ് സദസ് സംഘടിപ്പിച്ചത്.
സർവീസ് പെൻഷൻകാരുടെ പെൻഷൻ പരിഷ്കരണ കുടിശികയും ക്ഷാമാശ്വാസ കുടിശികയും അനുവദിക്കുക, പങ്കാളിത്ത പെൻഷൻ പിൻവലിക്കുക, മെഡിസെപ് പരിഷ്കരിക്കുക എന്നീ ആവശ്യങ്ങളും ഉന്നയിച്ചു. വിവിധ സംഘടനകളുടെ പ്രതിനിധികളായ കെ.സുബ്രഹ്മണ്യൻ, പി. വിജയകുമാർ, യു.സതീശൻ, പി.സദാനന്ദൻ, എം.എ. ബഷീർ, വി.എൻ.സന്തോഷ് കുമാർ എന്നിവർ പ്രസംഗിച്ചു.
Tags : nattuvishesham local