മൈസൂരു നഗരവികസന അതോറിറ്റിയുമായി (മുഡ) ബന്ധപ്പെട്ട ഭൂമിയിടപാട് കേസിൽ സിദ്ധരാമയ്യയ്ക്കെതിരേ അന്വേഷണത്തിന് പ്രത്യേക കോടതി ഉത്തരവിട്ടിരുന്നു. ഇതോടെ മുഖ്യമന്ത്രിക്കെതിരെ എഫ്ഐആർ രജിസ്റ്റർ ചെയ്യാൻ കളമൊരുങ്ങിയിരിക്കുകയാണ്.
സിദ്ധരാമയ്യയ്ക്കെതിരേ അന്വേഷണം നടത്തി മൂന്നു മാസത്തിനകം റിപ്പോർട്ട് സമർപ്പിക്കാൻ ലോകായുക്ത പോലീസിന് ജനപ്രതിനിധികളുടെ പ്രത്യേക കോടതിയാണ് നിർദേശം നൽകിയത്.
മുഖ്യമന്ത്രിക്കെതിരേ അന്വേഷണം നടത്താൻ ഗവർണർ താവർചന്ദ് ഗെഹ്ലോട്ട് അനുമതി നൽകിയതിനെ ഹൈക്കോടതി സിംഗിൾ ബെഞ്ച് ശരിവച്ചതിനു തൊട്ടുപിന്നാലെയാണ് പ്രത്യേക കോടതി ഉത്തരവുണ്ടായത്.